平心而論，我99都唔算特別差既
但生完之後，我真係好憎佢…
本身有左，我同老公改好名，佢果陣仲話好；生完又話要問下黃大仙，話個名要點點點…我果下係嬲到喊，因為我覺得個女係我，我係bb媽咪，改個名關佢撚事呀！？ 呢樣都算啦
我個bb唔算易湊果d,湊到我媽好辛苦…我99同老爺仲要每個星期都要上黎探孫，照顧我個女之餘仲要應酬佢地，老爺都算明事理，都話2星期黎一次都夠啦，係99恨見孫恨到發哂狂，每個禮拜都黎，痴線嫁咩！初頭我呀b唔跟佢，又死要霸住黎抱，以為自己搞得掂，最後搞到佢喊到拆哂天，要我媽氹番我個b
你話d 99係咪做左嫲嫲就會失去常性？無左個腦唔諗人地感受呢？
叫老公開聲：
1.改名總之唔使佢管
2.叫佢嚟少啲探B
企硬
same case
一見到就成日抱住，過左老爺手唔夠兩分鐘，就話老爺唔識抱，自己搶返黎抱
嫲嫲通病
回樓主，你奶奶都係太緊張啫
改名嗰度，改好拎埋出世紙先通知佢，雖然佢係嫲嫲，但唔需要事事交代
新任嫲嫲想見多啲個孫好正常，一星期一次都唔算密，但如果你覺得要應酬佢會加重公公婆婆負擔，叫你老公同佢媽講清楚點安排，可以一個月帶bb上去男家或者其他三方面都覺得舒服的安排
你都係新手媽媽，可能好多野都摸索緊會稍為緊張，見到奶奶呢啲行為會好嬲或者唔開心，但照你形容都係一般正常新手嫲嫲的行為，唔好太過勞氣
好好地同老公表達你的感受，你都想bb多個人愛錫，係咪？好好引導奶奶點樣表達對bb的關心，咁樣對你對bb對嫲嫲都好架
我奶奶都係咁，我叫我老公出聲講，話放返低阿B，如果唔係阿B慣左抱，成日扭抱我哋唔駛瞓。
佢開頭都黑面
想bb好先會緊張改咩名，你可以唔信，亦可以拒絕，但洗唔洗咁樣講嘢，仲話嬲到喊。
咁巴閉唔好上網講，直接同你老公個母親講丫嘛。
又問下你丫，如果你老爺係李嘉誠，想搵個師傅睇下你個寶貝女個名，你會唔會都一樣覺得關佢撚事呢？
個老公幫手同醒目可以解決好多問題，你哦你老就得
加油
其實佢錫孫恨見孫想把孫就好正常嘅，一個星期唔算多。
但我自己都經歷過生完好唔鐘意奶奶嘅階段，無論係佢唔識做好，自己荷爾蒙影響好，或者試吓同老公傾下，俾你先好好休息，等bb 同你嘅作息磨合到先安排見面。
你太mean了!
佢要黃大仙改名，你哋兩公婆傾好咗個名，可以唔同意唔採納佢意見，當然你老公如果覺得要跟奶奶就要再拆掂佢。佢一番好意，你句關佢x事好銀耳。
至於一個禮拜見一次，我完全唔覺得多。日日嚟就話多啫！嫲嫲想見個孫都係天公地道。你阿媽就可以日日湊，老公阿媽1/7 都俾你話過份
可能你產後情緒唔好，唔怪你
做人新抱，要學識compromise 呀
我又明白樓主喎
因為我同老公都幫第時仔女改好名，如果老爺奶奶又用呢啲迷信嘅理由唔畀我地自己改名，我都一定會好嬲！佢地已經改咗自己個仔個名，所以我同老公個仔女嘅名我地自己改返都好正常，理得佢係咪李嘉誠咩
另外，只要係覺得被打搞，就算只係一星期一次就已經係多。有啲人覺得日日探孫先係多，一星期一次唔過份，因為被打擾果個唔係佢吖嘛。湊同玩唔同，呢個情況婆婆係幫手湊，嫲嫲只係玩，唔可以咁計。
不過樓主都要同老公傾吓，始終老爺奶奶都係老公父母，唔好傷害到你地感情。啱啱生完荷爾蒙都真係會影響情緒，而且新手父母壓力都大，過多一排所有嘢上手啲會好好多㗎喇。同老公夾吓，搵個三方面都覺得舒服嘅方法，始終一家人關係融洽，對bb成長都好啲
多數只會越來越憎99，未生B前冇乜衝突，BB出世之後，D嫲嫲以為乜都關佢事，又或者以前人經驗教人，又會話BB似男家乜乜乜咁，老人家係咁，可以就睇開D，再唔係叫老公同倆老傾下。
改名當然係父母話事，老人家D意見聽完唔記得放係心入面。
一個星期一次話多唔多，話少唔少，不過如果你唔想就叫你老公同倆老講，將來肯定越黎越多
樓主語氣可能重咗D，但我真心覺得改名係父母嘅決定，老人家可以俾下意見，但最終決定權應該都係父母，你唔駛拎李加乘大人嘅…
如果婆婆係幫手湊就唔同嫲嫲上黎玩，你唔知個嫲嫲有幾煩，可能真係好影響媽媽/婆婆湊B，一星期一次，話多唔多，話少唔少…
如果compromise 到就當然最好，但有99真係好惡頂⋯⋯
改名呢方面，我都有幾個本來乜都冇所謂但到頭來就多多意見嘅長老，不過做人唔洗太倔嘅，激親自己就唔好啦⋯⋯
我覺得好好彩當初揀左佢哋改嘅名，起自己一開頭想改嘅名反而冇咁好。
有咗BB，唔單止和99，遲些和老公媽媽關係都有機會變差架。湊人仔係會帶嚟各方面嘅壓力，影響所有身邊個人。
99有權要求改名/探BB，你亦有權拒絕，好過大家收埋唔講。
我初時每星期去男家，然後就將BB丟俾99 ，我自己放假，BB喊佢搞掂。大家都有好處。
後來和99關係變差，我就同老公傾，改成兩星期，甚至1個月見一次。或者剩係老公和小朋友去男家，我留家
我之前生完bb有一輪都好憎奶奶，佢講嘅任何一句我都覺得係un耳，我都相信有一部分係產後荷爾蒙影響。
Bb係唔係第一個孫呀？佢地可能係恨抱孫所以會咁緊張，甚至當左個孫係自己嘅添。我奶奶去到依家都係想個孫親佢多過親我架，不過依家bb大左，有時奶奶黎探佢陪玩我又覺得ok，要dd時間適應。
第一胎，大家都非常緊張，正常既
樓主語氣重，相信係發洩下姐，冇問題既
改名，咪由佢搵，搵完唔代表要用架嘛
成日上黎真係令你攰啲既
佢會唔會通知你先黎？佢有冇買埋買上黎？
老人家，見到bb一定要出手
你咪安排野比佢做下囉，幫啊b掃風、氹訓覺
佢搞唔掂咪你黎囉
氹左訓覺，咪冇野做，可以返歸囉
Bb真係好快大，父母長輩都好鍾意呢個「抱在懷內」既時期，大家都係愛，方式唔同姐
我唔覺得99有權幫BB改名。
佢只可以比意見，但接唔接受係生嗰個決定。
我都明白樓主點解會咁嬲，生完坐完又要餵夜奶已經好攰仲要應酬奶奶….真係好燥！
當年生完第一個，我奶奶係日日都走上我屋企話睇b，成日話我自己睇唔會左住你架！到我生第二個請咗陪月仲煩，又係日日走上我屋企仲要日日企喺我床邊話我請陪月浪費金錢，嗰刻真係好憎佢！
其實我都係呢度發洩一下情緒，現實我都未敢鬧99一句
當初佢話由得我地自己改名，最後改好哂又要叉隻腳埋黎要改埋一份，果下真係好sad! 因為我覺得個女係我，我想個女改咩名都唔得咩？如果一開始你改好名，我無問題；但當我滿心歡喜改好左諗住用落出世紙度，先至話唔好，明唔明果刻我既心情？
最後我亦都妥協跟佢個名，反正讀音一樣….
但想講我係好介意好介意！
因為我媽咪湊我個bb之前湊到佢喊左好多次，所以我先咁唔想佢成日上黎