好明白你既感受，
可以試下新鮮艾草煮雞蛋湯，
准山湯，食多啲豆。
睇吓有冇幫助。
1個讚
無問題架
抱抱先 
我果陣時有食雞泡膠
但我無肌腺症
所以我建議都係問下中醫好d
1個讚
過來人, 非常明白你 
會唔會考慮下針灸調理? 我睇過有個針灸醫生佢睇好多類似嘅case, IVF 前或期間調理子宮卵巢. 地點係上環, 你ok 可以PM 我
人嘅身體好奇妙好強架, 心態真係好緊要. 如果呢樣嘢你真係好想, 總會有方法架
我case 係2條輸卵管+ 一面卵巢廢左, 但最後都ok
4個讚
謝謝你～其實本嚟我之前都有試過睇過吓中醫，但只睇咗幾次，未太睇到效果，可能時間太短或我問題太嚴重，經期嚟時都係要食止痛藥。
而我睇開嘅西醫婦科就唔太建議食中藥，怕某一啲藥可能有雌激素，會令肌腺症嚴重咗。有時都唔知信西醫定中醫好
但我都想要你個中醫資料，可能都會再試一試中醫
加油呀，有1粒都係一個希望，努力按自己心意盡最大努力準備啦。如：中意做運動就繼續，唔中意既都每日行多d郁多d，飲多d湯水，浸腳，總之令個人暖d…supplement同中藥可能要問番醫生…
2個讚
試埋做運動，艾灸，暖宮呢d？因為以前想生BB發現食乜都係咁，中醫話其實靠成個子宮暖哂，比個好環境佢就會易D著床，咁我就開始多曬太陽，做瑜伽，艾灸，浸腳，放鬆心情，因為我切過朱古力瘤都係唔敢食中藥，咩都試試，有時得唔得都真係唯有隨緣啦。
1個讚
我而家35歲,年頭驗AMH得1.5,
之後決定做IVF就養卵,
醫生話卵子週期要養60日以上會慢慢見到改善,
然後我1月開始養卵養到5月 
每日Fertilovit F 35 plus醫生建議的,自己加CoQ10 (200mg), 肌醇1000mg
黑枸杞, 黑豆, 黑豆漿 / 豆漿(暖), 散步
盡量自己煮… 飲左好多花膠湯(自己煲會落淮山, 貪方便會買原味X作)
有人配搭針灸,醫院都話有效,但我自己就冇去針
肌腺症真係要問清楚醫生以上邊D 做得,邊D唔做得喇
抽得少唔緊要,最緊要quolity好呀嘛,
叫盡下人事囉~ 盡左力叫做唔後悔啦
黎緊放胎前就開始浸腳同艾灸,醫生都建議浸,個人暖D,血氣好D會有幫助
希望幫到你啦! 比D希望一齊加油~
2個讚
Hi Fumi
我都有食Fertilovit F 35 plus, 不過想問Coq10 and
肌醇係食邊隻牌子? Thanks.
樓主加油!
我自己本身有2個加埋1x cm 既朱古力瘤, 割左之後3個月又復發…
備孕左2年, IUI x 3 都唔成功…
仲要有1x 粒子宮息肉
之後好彩有睇中醫調理, 打IVF針成個過程, 復發既朱古力瘤冇大到, 內膜同卵既quality 都好好, 一擊即中! (呢個我係另一個post 都有share)
所以你唔好灰心! 要成功, 一粒已足夠!
2個讚
樓主加油, 我無經驗, 但我朋友當年40+歲試左3次人工先成功, 而家個仔都10歲仲好叻仔!
希望你都快D成功!
3個讚
我都高齡，上年第二次ivf得1粒正常胚胎可放，上個月生咗BB了，所以唔使灰心，祝你成功 
2個讚
我0個時過左台灣做ivf, 之前一直想生bb都有keep住睇中醫同做針灸
我覺得睇中醫都幫到調理返個cycle, 身邊都暖d
除咗唔食生冷寒涼嘢之外，樓主要盡量少著短褲短裙，因為對腳唔夠暖個子宮都會寒㗎
CoQ10之前係坊間冇見到200mg版本,好多都係50mg,100mg咁樣,所以最後我上網買California Gold Nutrition 200mg; 其實其他牌子都可以嘅, 爬文個時知道需要睇清楚係還原型定氧化型,注意兩款食嘅分量唔一樣。亦都係爬文見到氧化型(USP)要食夠200mg(或以上)先有用,我先直接買200mg (不過高濃度唔可以長期食!)
肌醇就係, Fairhaven Health Myo-Inositol , 其實依隻個樽寫住食2000mg嘅, 但我爬文就見到人話卵巢多囊先食2000mg咁多, 普通人可以減量… 所以我自己減量食1000mg…
而好多媽媽選擇嘅DHEA我就冇食過,又係爬文 
見到DHEA幫助不大,就算多左基礎卵泡,大多結果都係一啲唔成熟卵子/空卵泡,網上眾說紛紜可以問一問醫生先決定嘅。
以上分量我都有問醫院姑娘同醫生,佢地都覺得可以,可能只係適合我身體狀況啦,大家可以問一問自己醫生先決定要唔要食,或者份量食幾多, 普遍食60日就有改善, 而我食左90日有多先去開針
數目就算唔多，最重要一擊即中。
我做IVF擺胎前針左兩個月，每星期兩次，係Cuhk 中醫診所做，擺第一次胎就得左
2個讚
可唔可以擺之前check下宮腔鏡, 睇下有冇瘜肉. 同埋ERA都可以考慮做
。