有冇睇早排單新聞? 恆大睿峰班苦主要額外俾多10%首期, 仲要唔包傢俬, 如果入伙要買傢俬同全屋電器嘅話, 其實嗰度加加埋埋嘅錢同嗰10%差唔多, 真係好慘
2個讚
恆大故事比較特別嘅
傢俬有平有貴，我諗買得樓，好少諗呢樣掛？
5個讚
買樓真係要諗清楚，不過恆大哩個例子似乎唔可以反映所有發展商，甚至正個香港樓市，同埋哩個係新樓盤，舊樓暫時冇乜估價上問題。
住屋及傢俬都係必須品，唔可以咁計，有冇買樓都需要用傢俬及交租，如果你話住返父母屋企可以慳返，但其實都係分薄咗父母利益，計落都係錢，只係D錢唔係你出啫。就算買新樓，如果為慳錢可以買樓價平地區，又可以搬返D舊傢俬入去用。
我有朋友之前就係落咗訂，因為拎唔到額外嘅錢做首期。衡量過好多嘢，最後決定撻訂。
慘……
所以上車真係要預鬆少少先好去馬。
唔好揀中國發展商
5個讚
雖然我覺得恆大係單一事件，不過大陸發展商古靈精怪，可以唔揀就唔揀啦，
同埋買樓一定要預鬆d
6個讚
其實香港買樓都已經叫有保障好多，而且買新樓基本上已經有哂基本裝修，呢個應該只係個別事件
1個讚
我做嘢成日都經過呢個新盤，其實外表睇上嚟都幾靚，係可惜轉手上面發生呢啲問題，如果唔係啲人都可以開開心心入伙
買樓租樓都唔會揀大陸發展商 
2個讚
但而家好多都係大陸發展商呢
2個讚
早兩年恒大好似好勁咁樣，點知攪成咁
住得呢啲新嘅樓都會想買啲好嘅傢俬電器, 但而家要額外拎多一筆錢去俾首期, 可能真係會好失預算
呢個係恆大問題，大陸發展商嘛
又唔可以一概而論，但小心睇發展商係必定要做既事
2個讚
買家好慘
但同時呼吸plan都害死人
買樓前要審慎地計算自己可動用的資金，唔好估估下或者大約數目，之後要買比資金預算低一啲的樓價，不能去得太盡
因為除左未知因素要擰多一舊錢之外，好多首置人士都低估了佣金，印花稅，律師費等雜項開支
。
我自己鐘意買現成樓，可以睇到業主住落有冇漏水，改渠等問題，又唔使擔心落成期延遲，同埋實用面積比依家新樓好。
5個讚
呼吸plan 擺明賭白頭片
1個讚
仲好揀唔揀，香港禁多地產商都唔揀。。走去揀恆大。。。
某程度上係明明唔夠錢買就貪著數多格硬上車上樓，真係唔知講咩好
1個讚
買傢俬電器呢啲又冇得點樣慳嘅,要用始終都要用,唯有睇吓邊間傢俬店平啲,啲設計又OK囉
用呼吸 plan, 重要傢俬錢都計埋，咁都係儲下錢先，唔好買住
1個讚