我講得唔清楚
我意思係成件事透明度可以高d
大家講得咁高興我又加把嘴
我阿叔以前係誠哥員工（唔係百佳收銀
）堅係耐不耐開大會時見到誠哥果D
佢話誠哥係賺到錢會周不時分D俾員工福利，分D派吓街坊，又做吓慈善之類
但自從大仔上場就賺到盡，1蚊都唔分俾你吹咩
好多員工不滿，阿叔都提早退休
我估細仔都似係咁
2個讚
PCCW單嘢就已經係咁。
老實講，楷哥已經比我想像中好人咗，只係搵錢，無再做搵錢以外嘅衰嘢。佢嘅衰嘅程度同以前一樣，無加劇到 ，（唉… 竟然）已經好過好多人
Mirror衰咗係賺錢，唔係衰係推mirror上中國，咁諗好似有啲安慰？？？呢個死法比較好？
頂，我竟然會咁諗，呢個世界好奇怪
5個讚
以前老闆同員工都有人情味，以家2者都冇，大家都係以結果為目標 — 錢錢錢
推mirror上中國，大陸人buy咩？又唔係真係個個有實力，呢條路已行唔通
1個讚
中國鍾意啲過氣既，鏡仔暫時唔啱
3個讚
出口轉內銷
賣得仲貴啲
暫時佢地都聰明既，用日本summer sonic spin out 前夫group 呢單野。連登有唔少非鏡分都為此興奮……
我依家等緊7.1佢地係咪有份，定之前比人擺上枱
1個讚
前夫有update 呀！金生親自打比谷主
3個讚
係金咩？只識魯花
會唔會最後兩場全數留比Miro?係就合理D
政府規定一定要三成公開
「魯金花」
金廣誠係其中之一既Viutv 幕後高層，有時頒獎禮會聽到鏡仔多謝佢，極少出幕前
1個讚
【前夫關注組谷主RC 承認閂專頁決定衝動 若對MIRROR造成困擾感抱歉 深夜收ViuTV高層金廣誠電話：佢話會做嘢】
前日，擁35.5萬人的FB專頁「#我老婆嫁左比Mirror導致婚姻破裂關注組」宣佈永久關閉，專頁發起人谷主RC爆seed表示，對主辦MIRROR演唱會之安排極度不滿，「你當鏡粉係ATM係水魚。錢係要賺，但食相唔係咁難睇啩！」決定將會於8月MIRROR演唱會後，永久關閉此關注組。
事隔3日，今天（5日）RC出po指當晚收到 #ViuTV 高層 #金廣誠 電話，他並解釋閂group決定唔容易，「喺僅餘嘅自由下，我希望運用我小小嘅影響力，將呢個訊息傳遞畀主辦單位知道，而幸運地我做到喇，金生（金魯花個金）喺當晚深夜打咗個電話比我，本身我準備沖涼已經除哂衫，所以我赤條條咁同佢表達咗我嘅心聲，我好appreciate佢咁快去正視同埋主動聆聽問題，如果比著係其他台，可能佢又報警話畀網民欺淩喇，至於後續係點就留待大家自己觀察。」
RC並澄清「我係RC唔係R師」，強調出po目的唔係R演唱會飛，「我老婆有朋友幫佢撳到實名嘅門飛，我無亦都唔需要透過呢個形式去R飛。」更自爆收到msg出六位數買group，RC笑嘲對方出手太低，「出5億我就賣啦，我送埋我個個人ac比你都仲得。」
【不會再接受入group申請 餘下個多月讓大家緬懷】
最後，RC承認閂group決定有點衝動，現階段無打算會再開第二個group，又解釋唔即刻閂group原因，因為MIRROR演唱會是大家焦點，而前夫關注組有很多大家的回憶，希望餘下個零月時間讓大家懷緬，但不會再接受入group申請。並強調無意放大事外或分化鏡粉，「#MIRROR 12位成員，如果我有幸造成你哋嘅困擾，我深感抱歉，請你哋好好準備演唱會，唔好令入場嘅觀眾失望，唔好浪費我老婆嘅心機，你張飛真係好難搶㗎。」
《娛壹》向RC了解跟金生傾談內容，他表示，「內容我就唔詳述喇，主要係問吓我嘅觀點，佢都想了解多啲囉，今次係第一次同佢有聯絡㗎咋，所以我好欣賞ViuTV無迴避，仲要係金生親自打嚟。過程無火藥味，我係持平咁講咗我嘅睇法啫。佢好正面，佢話會做嘢，不過你問我嘅話，今次演唱會已成定局，希望之後嗰啲會有改善啦！可能要加建紅館先有飛
」
娛壹
2個讚
我之前係食花生mode入group，之後睇得多咗就識十二子嘅名，繼而提起興趣去睇吓佢哋嘅作品。 我諗都有唔少人係咁，所以我覺得呢個 group 其實都幫咗 Mirror 唔少。
我都幾佩服版主 RC，由一開始幾個人到幾十萬人，其實好難 manage ，而家要摺呢個決定需要好大勇氣，不過都不失為一個急流勇退嘅時機，好過第日無聲無息咁散。
6個讚
佩服前夫，但唔知點解覺得背後動機，無咁單純。
我好耐無睇呢個group, 因為悶，覺得條方程式不斷重覆，講黎講去都係嗰幾個鏡仔。見到有留言話前夫最近選擇性批post ，咁我就開始明。
1個讚
點解？
唔知呀！我見到有人留言，話佢唔批post咋。跟開都會見到呢個group 最近嘅post都唔多，同埋來來去去都係講嗰啲。
1個讚
咁個page係佢嘅 佢點批都有話事權嘅 
佢(或者佢老婆)鍾意邊幾個多啲 咪post多啲囉
同埋之前都有人話過 個page畀fans入侵
有啲post根本變咗宣傳某啲仔
如果版主無收利益
而剷page可以令到公司正視內部黃牛問題
咁又真係有啲貢獻嘅
2個讚