鍾意書嘅人， 有時間去睇吓。
「我哋係一班留低嘅人，所有仲喺香港嘅人，仲做緊記者嘅人，大家有咩開心唔開心，可以嚟呢度圍下爐。」
「窗邊張吧檯，喺一間已結業傳媒搬過嚟，上至總編下至實習都係用呢張檯。」
「純粹係自己望住，有啲嘢仲存在，雖然佢已經唔存在，但好似仲存在。」
「就算你無咗張記者證，又或者職稱唔係寫住 journalist，唔係真係咁重要，記者嘅價值如果可以延伸到呢間書店，放喺度同推出去，deep down 我都覺得自己係一個記者。」
這些現實，作為大股東的阿 Kris 心知肚明，單是書店裝修開支，已經比他原本預算多了一倍，還要是有朋友友情價協助才做得到，「可能賣本書係賺 30、40 蚊，咩都唔計淨係計租，你要賣幾多百本書先 cover 到？仲未計燈油火蠟，自己食飯。」而這些財政問題，他最終的結論是「試吓再算」。是否太無謀了點？
「有謀就唔會開書店，從生意角度係唔合理，最理想狀況都只係餓唔死。」
「我哋計過條數，兩年租約滿做唔住，我唔會因為咁破產，會好窮，但未至於會破產。」
求價值、重理念，或者就是記者的長處，但亦是做生意的短處，岑仔和 Kris 都表示，記者做生意的死穴，就是對錢太不重視，其實可能他們心底，從來無將留下書舍當作一盤生意，而是一種自我療癒，讓自己對新聞的念想，用另一種方式延續，對 Kris 來說，開書舍和做記者，信念是一致的，所以他才在書店的每個角落，種下他自己對做記者的思念，「簡單講，就係我自己暫時做唔返呢一行，但係我想喺呢度，繼續做呢行。」