其實，早在疫情之前好多年，我已經經常出街戴口罩，以前成日比D朋友話我傻，但其實成日搭巴士後面有D人坐你後面咳咳咳，甚至打乞痴，就算掩左鼻又點？
我又有個朋友，成日講小小野都好興奮，直情可以目睹佢成日彈D口水出來
其實假如無新冠，或者未有新冠之前，大家係唔係可以接受到人地係你附近打乞痴或者一大滴口水彈過來?
我有時就係好神經緊張呢D野，雖然我明白呢個根本係無辦法避免既人生現象，但唔通因爲sensitive多少少就算神經緊張?
唔覺係，保護自己啫
以前可能會有人咁諗，但經過呢次史無前例嘅疫情，正常人防犯傳染病意識高咗，呢個行為呢個出發點應該係理解到嘅，再講都唔影響人，樓主請不用在意其他人點睇 
但問自己個心，我呢D甘緊張既心態完全唔係驚感染新冠，但又講唔到自己驚D乜，因爲早在N年前未有疫情以前我已經係甘，如果身邊或者附近有D陌生人或者朋友（非自己家人）打乞痴，挑鼻屎等，我都覺得周身唔舒服
其實驚人地口水鼻涕彈到自己，好正常啊。未有疫情前我都好怕，陌生人更加覺得厭惡，但就唔會戴口罩。如果touchwood自己唔舒服傷風咳，會戴口罩。
唔至口水鼻涕，行街搭車陌生人掂到我手，都要搵紙巾抹下，如果感覺對方係有汗出過立痴痴，盡量搵廁所洗手，除非係有衫褲隔住就無咁大反應
我都係 未疫情前 口罩跟身 如果搭巴士有啲打乞痴咳嘅人會帶口罩
我認我係容易緊張嘅人
係注意衛生者，沙士後好多人衛生意識都高左。最憎d阿伯或者麻甩佬係街唔用紙巾掩住鼻仲要好大聲又大力打乞痴，或者吐痰。見到即刻彈開10呎遠，保持距離
講起阿伯，今日係快餐店見到個阿伯，你叫人囖杯滾水就囖杯滾水囖，佢就係度伸埋隻死人手去手指指，然後仲見佢隻手掂到人地個餐盤上面塊吉列豬扒，唉，好彩個餐唔係我，如果唔係我一定閙死佢
你無錯，覺得有需要就做。
N 年前，我坐紅van ，隔兩行個肥仔咳得好唔正常，我一聽就知唔少嘢，之後我真係中咗招，氣管炎咗一個月，啲痰綠色嘅，去私家醫院睇，要食到 augmentin 1g, 好大粒，食完一個 course 成日人散晒。
所以，如果真係近期有重要嘢做唔病得，由或者身體狀況唔係咁好，出街戴口罩好啲。
冇必要去刻意定義「少少」就算「神經」，其實你唔care人哋點睇你就冇煩惱～
如果你嘅緊張影響到身邊嘅人，你可以選擇遠離對方，放過自己及放過他人。
該主題在最後一個回覆創建後90天后自動關閉。不再允許新的回覆。