請問有冇人清楚小額錢債案過程？我家人因工作關係俾一個拎綜援嘅客告緊，因為對方一直拎唔出證據，以為唔洗開庭。點知對方執住話有另一同事已答應咗佢會賠錢幾多錢，但其實同事係話如果查明真係我家人有錯先會賠，結果要開庭，到時我家人必須出庭。咁啱我哋又批咗BNO visa要90日內到英國，由於家人係dependant冇BNO ，一定要跟住我入境，但第一次開庭日期係入境限期前一個星期
而家好鬼煩，啱啱先收到紙箱打算一個月後寄家當，然後搭飛機走，但而家俾單官司Click住晒，早走又未得，遲走又唔得，因為仔女九月陸續開學，如到期要上北角申請延期又唔知搞幾耐。
我想問下有冇人知如果第一次開庭都未有結果，咁第二次通常要排幾耐？我家人打算審完第一次即刻跟大隊飛咗先settle先，如果要第二次上庭就自己飛返嚟，但我擔心如果好快排到第二次就大鑊，因為返緊香港過程又長又麻煩
文件你地入晒未先？ small claims 一樣要入 statement of claim, defence (counterclaim), 第一次上基本上係睇你地文件齊唔齊同埋個clerk會係咁叫你地settle 左佢，叫你地出去傾
傾唔掂會比期你地filing證詞，之後先再上庭，一般都幾個月後
坦白講，飛機票來回都要錢咖，Small claims銀碼有限，不如諗諗有無得和解好過
呢樣好似唔係一定要一齊入境？
另外90日期限可以申請延期。
入哂文件啦，嚟緊係正式聆訊。
但我哋申請時填咗全部人會一齊入境，而且得我一個有BNO，咁我可以走先咩？
其實成件事係點呢？
咁佢自己都有BNO Visa 㗎，除非佢個visa有寫明要同你一齊入境，如果唔係、點解唔可以分開入境？
當然，最安全係問返 Home office。
提提樓主千祈唔好講進入司法程序嘅事出嚟，小心被告防礙司法公正呀
收到，謝謝你
謝謝你，咁當然啦，我都唔想響咩網媒fb見返個case
或者咁問，要賠幾多錢俾佢？
一係就唔洗煩賠錢了事
Agree ，小額上限好似5萬？
我會怕煩和解算了
加左了，而家75000
該主題在最後一個回覆創建後90天后自動關閉。不再允許新的回覆。