諗左幾年，諗唔通，逃避左好耐
今日小一派位又要諗一餐，叩唔叩門？
好大壓力
留响度，好似讀乜都無咩分別
沒有最好只有最適合
我女考n，去我心儀果間，一入校門就扁咀，見到校長就嚎哭 (從未試過去任何一間學校係咁)，未in完我已經決定放棄
相信小朋友都會為自己揀，所以不勉強
14個讚
只有適唔適合既學校, 無好亦無最好
你要追求既係校風好, 老師關愛, 其實就夠
如果小朋友係好明顯能讀到書, 谷得既, 你先考慮一下, 望高DD, 搵下 入英中比率較高既學校.
但大前題, 世事萬變… 有時候好難樣樣都得嘗所願, 順其自然都可能係好既選擇. 唔好比太大壓力自己同小朋友.
我自己黎講, 由我仔響我肚入面開始, 已經好緊張搵學校, 興趣班, 樣樣都想谷, 樣樣都想最好.
結果, 努力過後, 仔入左一線勁熱既小學, 開心到喊… 可惜6年既成績不如理想, 最後入左B2中中.
但真係世事萬變… 我仔而家F3 雖然係B2中中 但佢名列前茅, 佢對讀書既興趣, 追求高分同名次既自覺能力, 仲有佢既自信, 令我非常放心~
RELAX 呀~ 小朋友其實都識搵自己出路~
12個讚
如果間學校做到呢兩點，但成績一般，
而小朋友學術係谷到，應該點揀？
我好怕做錯決定累左佢
你其實同我以前好似…
咁, 每間學校都有成績好既同學
其實真係好睇你自己果個 “求勝心” 有幾強
會唔會係, 一講名校會好開心果D 人 (我唔係話咁樣係唔好, 人人性格唔一樣)
你怕唔怕同人比較之類
如果你出發點只為小朋友, 我覺得, 校風好, 老師關愛 , 成績OK 既邊間小學都一樣.
以前既我, 我好HIGH 咁, 好開心同人講, 我仔響XX小學學生, 一講完覺得自己個頭有光環, 但經歷完呀仔6年小學既起跌, 我睇化晒, 睇得好開~ 最緊要呀仔乖同開心.
正如我仔而家一樣, 佢只係B2A 既中中, 但佢每次考級10名內, 可能對比B1 英中, 佢只係中流階層甚至更低, 但睇佢果份自信, 自覺, 我已經好開心. 老師口中既佢, 係好學生, 好肯幫忙… 而我亦工作忙, 現在亦從無時間去比較.
開心自在~
其實, 真係都要睇小朋友既際遇~
7個讚
我小朋友只係小學，入左間唔出名，即係講出黎都無人識嗰啲，但佢成績好好，讀得好開心，成個人係明顯有自信，外向左
嗰時都有諗，明明個仔好聰明（或者我主觀諗法），點解入唔到心儀嗰間，或者唔幫佢考多幾間，但見住個仔一路進步，或者而家呢間先係岩佢
2個讚
多謝各位有心人分享
我loop到就快癲
其實先升小，可以讀完一年再睇吓有冇需要轉校或插班。我大女唔係外向型，當年抱住咩結果都接受嘅心態去叩門，叩得都係最top嗰啲學校，最後同預計一樣全軍覆沒
而家間學校讀得好好，有諗過幫佢插班，但考慮到學校個style同我哋教育理念相似，女又讀得開心，除咗無神校光環外而家間學校其實係好適合，所以諗完就算。唔好俾咁大壓力自己，家長幫幾多都好，最後都要睇佢哋同學校夾唔夾到。
6個讚
好同意你~
其實呢D真係要經歷過先明白.
當年入左1線小學, 開心到真係響公佈CENTRE 喊左出黎.
一路讀, 一路怪個仔, 點解成績一直都響中流… 點解佢禁聰明都讀唔到好成績 (可能只係我自己覺得佢聰明), 呈份就鬧鬧鬧鬧鬧… 鬧到… 好在個仔到而家都仲肯同我做FRIEND…
到中學揀學校… 我自知根本無得揀B1, 我自己都唔開心左好耐, 真係好唔開心…
求期揀一間, 風氣比較好既B2中中… 降低自己LEVEL 到最底點…只求佢唔好學壞… (當時覺得自己真係底線低得無可再低)
點知, 真係有驚喜, 現在我真係好開心見到佢有自信, 成績好, 仲諗緊自己大學要點揀, 我真係好開心
而家睇返轉頭, 真係覺得, 自己無野搵野煩, 覺得自己都痴痴地
再講多D, 細仔同樣跟住哥哥入左一線小學, 世襲.
佢成績比哥哥更差…中流再低DD… 今年升中, 我揀左直資, 我已經無再比自己壓力 我只想佢開開心心, 只想佢繼續做我既乖仔, 我就夠喇, 我相信, 只要小朋友返學開心既, 唔學壞既, 佢自然會緊張自己學業…
就算真係不似預期, 只要做好人, 對社會有付出, 中5咪中5囉~
我都無讀過大學, 但我一樣有自己一片天~
6個讚
如果真係好r爆頭，一係信緣份，唔好再諗。一係叩爆門，唔試唔心息。但都係要尊重小朋友意願，佢想先做啦。
3個讚
放鬆D, 有時D野, 唔到你控制
真係無最好, 只有最合適, 加油!
D人通常係關心中學派位好唔好，要知老師有冇愛心、功課壓力大唔大未必有意義！就算而家你入到間口碑好嘅，話小朋友好開心，但老師可以離職，校長可以轉，又或者學校要整靚過派位結果，一切都會變。
我仔以前間小學係地區名校，派位好靚，不過佢入學時個校長好好，冇分精英班，低年班真係冇乜測考壓力，通常一二年級功課可以響一個鐘內完成。高年班就冇計啦，所有工作量真係多咗，成績唔好嘅科目就安排提早返學半小時特訓吓，但都係一星期兩次，同埋家長可以拒絕的。但我仔畢業時，校長要退休，好彩佢走得快，因為嚟咗位好有魄力嘅後生校長，開學已經同家長講要有心理準備，佢話大家將來想入好中學，而家就要辛苦D！結果高年級即刻分精英班，所有小六學生每日都要提早返學操卷。一年班功課就多咗好多，每星期中英默各一次，英文科內容又深咗，唔單止小朋友辛苦，D新嚟家長呻又話低年班好開心，點解而家咁樣？
2個讚
你都啱，香港呢幾年有咩未變？ 同一間小學，上年同今年都可以好唔同
1個讚
所以香港好難有true happy school. 唔鋤好難有突出成績，但香港家長就係咩都要，輕鬆得來成績要好又夠關愛，最好夠出名多人爭個d, 點樣happy 得黎又做到呢d呢?
我相信唔係無，只係d小朋友都有d家底，預左放洋就可以真輕鬆lor.
1個讚
我自己睇法就係人望高處, 如果小朋友係受到嘅, 叩門佢唔會話好辛苦咖, 大人辛苦之嘛, 又要寫信, 又要交表, 我記得我果時次次同完我女去面試都去FING錢樂園FING一轉, 佢都唔知幾期待去面試
咁細個要谷嘅嘢都有限, (對比呈分升中果關) 叩門搏一搏有12年安心我覺得值搏喎 (你問我我玩完叩門都唔夠仲玩埋插班添, 當中有辛苦, 但而家就UN UN 腳等升龍校)
除非你話打算走啦, 咁就無謂搞咁多嘢, 如果我一早知香港會咁樣, 我都唔會搞咁多嘢!
其實如果小朋友資質唔錯, 又揾到間龍校, 係可以好輕鬆
心理上輕鬆, 讀書嚟講唔輕鬆, 但我覺得有得揀都係揀龍校, 自從有OFFER我就CUT晒所有外補, 慳時間慳錢
你會唔會走先?
會走又係幾年內ge事?
我大個個時未諗走, 考小學時19年尾未有bno visa, 但我老公已想叫停考學校(即使有幾間已進入3rd in, 2nd in)話近近地讀留個錢出國好過, 最後小朋友好心儀某校(參觀open day時佢已愛上), 咁就有佢啦, 讀落好適合佢, 係遠左啲囉
到細個個, confirm左會走幾時走, 我一間直私都無同佢考, 選校目標首要係就近入讀, 其次係去年南京大屠殺播片係點處理. 今日派彩好彩中左第一志願, 但其實中第二志願(二線)我都會好開心因為呢間學校同樣符合我上面兩個條件.
但假設仲留係度, 我會幫細個個考大間學校, 暫時黎睇, 學校未做到好明顯…當然3/5/7年後我唔知, 所以我決定走
龍校無咁chur，成績中游都可以，唔使咁辛苦
就算有好嘅老師，但遇上差嘅制度及社會風氣，結果都係冇意思，當你響哩個框架裏面，根本游唔到出去
3個讚