東方向報唔貼link
本港掀起移民潮趨勢，英國私立學校協會數據顯示，目前有近7,400名本港中小學生正就讀英國私立學校，按年升24%，當中新生的升幅更達30%，創歷年新高。資深升學顧問分析指，英國國民(海外)護照(BNO)的簽證新政策吸引港人舉家移英，就算部分父母未決定是否移民，仍先安排子女到當地升學。為因應港生人數增加，部分英國頂尖私校調整收生安排，包括提前至6月開始面試，以優先取錄有潛質的學生。
升學顧問英識教育引述英國私立學校協會報告，該協會每年均發表報告，統計逾千間會員學校的學生數目、原居地及性別分布等。中國內地的留學生總數雖然連跌2年，但仍佔當地的國際學生人數最多，而香港留學生總數則按年上升，今年增至7,383人，續排第二；其中3,142人是本學年才入學的新生。此外，5,845名港生的父母居於海外，成為最多學生獨自赴英留學的國家或地區。其餘1,538名港人的父母居於英國，是去年同期的3倍；當中897人是新生。
英識教育執行總監陳思銘指，自英國政府BNO持有人及其受養人、俗稱「5+1」的簽證，即留英滿6年可申請成為英國公民，不少港人選擇移居英國。雖然BNO持有人的子女可以免費就讀英國公立學校，但質素高的公校，尤其文法學校向來競爭激烈，不易考入，落榜者自然轉投私校；加上部分學生本身已瞄準私校，上述統計報告反映父母居英的私校港生呈現上升趨勢，屬意料之內。陳思銘補充指，往年9月至10月才是報讀英國私校的高峯期，不過，今年部分私校已提早至6月面試，故建議學生把握機會，盡量參與首輪面試。
6個讚
假新聞啦
冇理由既，突手話完善左香港啦
點解仲有咁多人走？點解要仆到去做二等公民？
CCTVB都冇報！一定係作野！
15個讚
睇到呢d新聞。。。好sad…香港精英。。香港未來。。都走晒。。
我。。。走唔郁。。。更sad
4個讚
正苦不遺餘力令呢道成為不吸引人的地方。錢走，人又走真係政積。
1個讚
D英國nancy話香港大把世界，唔好來英國呢d鬼地方做低等工喎
正正因為教育改革改到兩頭唔到岸，玩政治多過教書，仲要成日玩zoom，我走得都走啦
重點1：
呢篇報導得意嘅地方，唔係多人走（呢個都唔係新聞，大家都知架啦），而係第一次有數字講英國私校報讀數字！
BNO批咗十一萬多人，我當1/3要讀書，即係4萬。
而有7千幾人讀私校，佔4萬大約18‰，其餘讀state school 。
香港人都幾有錢
重點2：
中國學生人數持續兩年下跌。我哋俾啲掌聲習大
重點3：
中國學生人數跌完都仲係第一。呢個非習大之過，係毛主席鼓勵生育留下既人口基數太大… 不過中國出生率跌緊，唔驚！
4個讚
其實每年都唔少人送仔女去英國讀私校，唔關bno事，應該要比較返同往年多左幾多先有意思
3個讚
我都識朋友讀私校、同香港比唔算貴、而且插班無咩好學校揀、佢搏可以操到個女入grammar school
英國的私校和公立質素會唔會相差好遠， 有無香港私校和公立津貼學校咁大分別？ 小學的私立和公立會唔會無咁大分別？
朋友小朋友小一公立太淺, 個仔好似冇學過野甘, 因為喺HK 已學咗…, 亦因為太"happy" 頂唔順轉私校…加上佢接放學好多家長冇業, 係麻麻地中意 
佢住邊我就唔記得了
華人家長普遍都虎
去到外國鍾意happy school 又嫌人地淺要再私補都唔係新鮮事，我都比人問香港學到邊，自己個邊操返
2個讚
好大分別，入咗independent school 就會入上流社會，入state school 就只能做平民。英國人都講咗呢個不公話題好多年。我推介呢套紀錄片：
文字版簡介：
原片
聲明一下，我小朋友讀state school ，甘願做平民
2個讚
之前都有聽我朋友講D大學都收私校比STATE SCH 學生多, 但D人都嘈緊, 睇下嚟緊又會唔會平衡返D?
