話說剛到埗，咁見到附近有廣東外賣，咁又試下啦，都係唔錯嘅，仲係講廣東話添
吹咗幾咀，隔左兩日就問有冇興趣買佢間屋
R 爆頭之後話得閒車我地去玩…
再叫多兩次外賣已經知送去邊
除左食飯，又叫左洗衫送上門
第一間酒店搵，貴又麻麻地
咁上網搵另一間啦，咁洗完送嚟都正正常常
佢知我香港嚟
今日打算再約佢洗衫，佢問我幾時返香港，佢話想做唔知乜嘢買賣，話之前啲人唔可靠，想睇下我可唔可幫手…
我真係100個黑人問號呀！我唔介意講香港嘢閒話家常，但幫佢搵乜嘢買賣真係唔識
同埋點解佢覺得我唔會fake佢
佢似係撩你多啲喎，起色心？
1個讚
一個洗衫 一個外賣
明明兩個人嚟，外賣係中國人
洗衫收衫果個係白人大嬸嚟，但whatsapp 係男人嚟
咁萬事要小心，唔好輕信人，始終你初到貴境
12個讚
當然啦
不過佢地成間舖響度，應該又唔係話專登呃人嘅
但佢地講嘅嘢，我真心無興趣。
到底係佢地太熱情，定係我太大戒心
咁熱情比我都驚
2個讚
邊樹呀?
曼城之嘛
好簡單，你個樣係咪生得好老實良家婦女水魚形
1個讚
見左個白人女人一下咋喎
知你新嚟，所以想搵你著數
2個讚
我諗緊有冇過份敏感，哈哈
好高風險喎。點知要帶咩，出事嗰個係你。
新聞都有講，識嘅都可免則免。
無，你小心啲絕對啱。
就算佢哋唔係呃你，都可能因為期望不同反面。再熟落啲，知道大家性格和價值觀先。
見過不少鄰居突然太熟，互相幫助時，產生誤會反面
我梗係唔會理佢啦
不過佢咁問咪好唐突囉
我會配合一個不失禮貌嘅微笑
2個讚
係英國見過唔少唐突嘅香港人。
有啲係呃。
但更多係人在異鄉， 見到香港人就當係親友。
又有好多人性格本來如此，不過平時香港唔會俾我哋撞到。但移民嘅人，性格外向嘅特別多。尤其生意人。
但就算唔係呃，都係要小心。有啲人對你期望好高，滿足唔到會反面
5個讚
我遇到係local 嚟
防人之心不可無 唔知人地乜料 真心定搵笨
始終送過外賣 又知你住邊
求其保持禮貌hea答下就算
除非好熟或大家知對方住邊,香港人傾計最多我會講住邊度附近,例如區號 或者話住某超市嗰邊,同啲唔熟既人,吹水不要太認真
我就係知
我而家仲係送外賣去酒店，就搬
所以我都冇打算理佢地，係有啲odd