如題
已經做咗失物登記， 回覆無相關物品
小朋友用嘅袋， 有小朋友個名
唔關輕唔輕鐵嘅事
4個讚
我試過搭地鐵總站數上尾三個站漏咗把新買既遮，落車即報失物登記，都話搵唔到。（十幾年我仲好記得，唔明點解有啲人咁都會吼我把遮順手牽羊）
如果樓主唔係漏咗重要嘢，有機會搵唔返。
巴士電車係街都試過唔見N次八達通電話銀包，全部搵得到，不過係以前了，最近嗰次就搵唔到了。
小朋友野可能搵到機會大啲既
小朋友野都攞真仆x
不過話時話，我個日漏左個浮板係屋院泳池
幾個位置都寫哂屋企號碼，小朋友名
都冇人拎去管理處（姐係比人偷左）
乞兒
小朋友浮板都偷
寫埋名都用唔到架啦（應該？）
1個讚
去啲fb group/媽媽gp forward個msg睇下會唔會有人執到可以交返出黎？
雖然機會率係微…但叫做試過下…
最近見有個人想搵1年前唔見既某樣野…
我試過輕鐵見到有名嘅小朋友物件即刻交去客戶服務
仲會po上fb /whatsapp group
所以我唔明點解小朋友嘅嘢（仲要有名）啲人都會攞咗去
2個讚
已經有喺fb出post
可以答你99%搵唔返，
一係清潔姐姐掉咗，一係有人貪心順手牽羊。
輕鐵地區仲要多大陸人，你打定輸數好了…
睇下有冇好心人，我試過唔見電話，打返電話比自己都搵得返
我都覺
清潔果個唔想麻煩
可能又見係無咩價值既野
就當垃圾掉左
費事送去報失
1個讚
我問做過地鐵嘅朋友，除非有乘客拎去站長室，否則一律睇落無價值嘅都會掉。
每日都有好多人漏嘢，下下都拎去報失，站長室好快無位。
2個讚
我試過小朋友唔見袋鼠，過咗好多兩星期後，朋友話我知fb有人po出嚟話執到。
我聯絡事主， 佢已經丟咗… 佢可能本來好心，不過做錯方法… 如果佢交俾輕鐵職員就好
我之前巴士同地鐵都有執過小朋友嘢，但裏面都係零食文具之類，交畀職員佢地都只係話 “冇人會認領架喇！最後都係 dum”
1個讚
其實我覺得係睇執到嘅係咩人，有冇同理心啫
阿仔幼稚園時爸爸接放學落大雨，即時跳上架的士，點知爸爸無留意遺漏阿仔個書包喺車
第二日個好心的士司機將個書包帶返學校（又可能因為有學校名好易知道）
又有次搭東鐵到當年尾站紅磡遺漏咗個朋友剛送俾阿仔嘅新背囊，當時係新年入面放咗盒拜年糖果，落車後上到月台都未出閘已經發覺漏咗，但班車已開所以即時報俾客服，不過最終石沉大海
第三次係阿仔放學搭東鐵漏咗個袋，入面係放學校嘅勞作用品顏料等，只係有名有班別，我都打定輸數，不過打電話去問mtr，就真係有人執咗俾咗佢哋，最終去九龍塘失物認領返原好無缺
最後一次係我喺過海隧巴執到有個不織布袋仔，好奇睇吓見入面有張身份證（無銀包）同埋手機及$20，我攞去差館登記放低諗住實無死，因為唔見身份證應該都要去差館報失，咁應該會有人認領返，但最終都無人去認，3個月後差館打嚟問我要唔要返個電話&現金，我都費事煩拒絕咗
屯天元黃嘅地區group每日都有呢啲posts
因為: 唔見身份證唔洗去差館報失嫁
去人民入境事務處失嫁同申請過張便可
係, 真係睇下遇到咩人
我老公曾經執過一部電話
佢伙記即話賣左佢
我老公話唔好, 等物主打來比返佢
結果真係物歸原主 
好開心呀， 失物揾得返
該主題在最後一個回覆創建後90天后自動關閉。不再允許新的回覆。