例如另一半生日，結婚周年，聖誕節果陣
或者朋友生日，爸爸媽媽生日果時呢？
唔問，買唔啱又被人嫌棄份禮物…
問左驚唔驚無驚喜？
我個人覺得, 如果要問完問清問楚先買, 咁樣好無意思, 我諗我收禮物並唔希望係咁樣…
我個人期望係另一半會有留意我想要咩然後佢自己揀完再買, 咁樣我點都會開心… even 可能款色colour 都未必係我心水… 我最憎係比錢我當係生日禮物叫我自己買囉…
所以我送野比另一半都係咁…
可惜我另一半係完全同我相反.
如果唔問過佢, 如果唔問清楚, 就買比佢, 佢真係會唔收.
分分鐘仲要比佢鬧
久而久之我地都無咩點買禮物, 食餐飯就算. 不過年紀大, 的確對禮物既強度都已經同後生時唔同.
而家老左, 我情願要CASH,HAHAHAH
3個讚
會問類型 唔問細節
eg送個公仔比你好唔好？
or 問想要用得、睇得定食得？
1個讚
唔會問，我送得禮一定係好親或好friend嘅人，好少失手
我會揀對方大概想要而自己又中意嘅禮物，試過朋友收到禮物話唔啱用，講話早知你買乜乜乜啦，我就收返再買過另一份比佢
3個讚
會問亦想別人問，試過另一半或朋友送禮物唔啱用又或買貴左。我好肉赤亦會唔開心，覺得浪費左。所以我情願問，一係就食餐飯算
1個讚
唔會問
正路送得禮實係好朋友,會估到, GET到對方想要乜OR知佢嗰期佢想要乜.
真係朋友,你份禮就算係唔岩駛都會好開心咁收下.
阿爸阿媽比CASH算,因為買乜都會唔岩心水.
另一半就算鬼數, 慳番.食餐飯算.
(老公試過估我LIKE乜,但佢買親無論幾十蚊或幾千蚊都唔係我想要既野, 試過一次明明開到口叫佢買手鍊,佢都可以買條頸鍊比我,唯有扮開心) 而家癈事煩,同另一半都係食餐飯算
1個讚
Cash左好耐，生日大利是+食飯，大家開心唔洗煩
2個讚
睇下你咩原因送：
如果係想減輕佢負擔而送，例如朋友新居入伙，就會先直接問佢欠缺咩家電。
如果係即興，單純係街見到有嘢岩佢就買，不用問，因為你知佢一定鐘意，亦係小驚喜。
如果係節日儀式感嗰類，會間接放風睇下佢最近有咩心水，但有危機係佢自己都買左，就重複左。
2個讚
該主題在最後一個回覆創建後90天后自動關閉。不再允許新的回覆。