我都試過,興趣班同學約食晚飯/飲茶,1個月前已約定大家(10人)話OK,但最終都係得最熟果2-3個人出席.大早約無意義的.
3個讚
我都唔係做搞手，只係問自己阿媽去唔去一度？
佢都扭扭擰擰，好似想問多佢兩次先話去咁，我就唔會中佢計，第一次唔知想點我就唔再問。
依家我直情第一次都唔問，好憎d 「死港女」
係喎~
真心失望同嬲
其實搞到咁
不如自己搵熟果兩個聯絡算啦
2個讚
其實佢個答案已好明顯, 可以當係NO架啦
如果係公司就要小心d, 唔同玩法的。
如果約高層咁樣寫，人地唔黎之餘祕書仲會打黎問你老幾呀咁臭串，跪玻璃都跪唔切。約普通同事咁寫，亦都感覺唔太友善，想黎都會變得好relutant.
所以，simply 寫reply by 幾時就夠，overdue 無位就衰自己，貴客自理。到時我再比你黎都係我施捨你，睇我頭，咁就你欠我人情啦。
3個讚
其實對方唔講實
我一律當拒絕
想黎自然會黎
明白… 我都一把年紀, 以上做人處事當然明白啦… 我都當然好了解自己處境同地位先咁寫, 個group 有老闆, 我會收歛下… 
不過, 有D 人真係好Q黑人憎, 你問幾多次佢都唔可以即刻俾個確實答案你, 真係有咁難嗎?
何必理這些人
重視對方不會這樣做
如果屋企人無辦法
朋友就明顯沒被尊重
當有緣無份
呢個post都係請親戚朋友聚會，唔係講公事。
老老豆豆，公事反而唔會咁多扭扭擰擰，高層/老闆時間好寶貴，唔會講埋啲乜野約左777去望彌撒唔得閒咁無聊，去就去，唔去就唔去
1個讚
咁你好幸福，有d高層都好煩，男人仲lup 過女人
上面講起公司先講jie
如果講緊公司，係可以好political, 搵個event 負責部門做磨心中間人，但收人工做野，就無辦法要玩到底。
私人約既話，一早就斷捨離左
1個讚
簡單來講，你係 low priority, 但又未至於斷絕關係，咁無其他節目，就來見你囉，來之前一分鐘有其他更正嘅節目，唔好意思，我來唔到啦。
我屋企平時除非有好特別嘅理由，我哋夠鐘，人過半數就開飯，遲到無所謂，我哋食住等，大部分人食完就埋單起身走。
2個讚
同意, 我公司有D中年男人真係好Q煩(唔係老闆級), 去就去…唔去就返歸早抖啦… 我有個女同事, 佢職責要落地盤睇工程進度, 有時佢約公司另一中年男人一齊去地盤, 女問男"聽朝十點落到地盤,OK?" 男覆女: 聽朝出門口再call 你… 個女同事都係廿零歲女, 唔識點駁佢, 我就同個男同事講"你唔出門口, 叫停個地球等你吓"… 真係好憎D人咁答…
2個讚
無錯。試過d高層小家子到佢黎我就黎or佢黎我唔黎，或者拖到最後一日先覆，預自己一定有位咁，好L臭串。
咁如果係打工，自己部門又人微言輕，自己老細又唔識玩，就要自己硬食，鬼叫你窮呀頂硬上。
我都識、yes no question 都答唔到
成日答非所問問到人燥
正 
私事或者仲可以咁
公事都咁，佢不如返屋企瞓覺啦…
2個讚
有呢種人啊，我覺得佢唔想咁快推，想睇下到時有冇更好的節目，再決定去唔去。勁煩
有啲人答 ：哦
最憎
佢一定會甩漏，即係唔駛約