大家身邊有冇啲人、問佢、永遠唔會第一時間直接比答案。
例
問：下星期日一唔一齊去迪士尼呀？
答：朝早應該仲要做功課
問：咁喺屋企食完lunch出發、行一陣影下相咁？
答：爸爸返早喎
再問：咁我地book左先、如果你地果朝唔駛搞功課、我地早啲去早啲走？定係約過一日？
答：果晚仲要上嫲嫲到飲湯呀
問：哦咁下次再約啦bye（唔想再約）
以上對話、只係同同一個人對答
即係點？點解唔係答：「爸爸收早仲要上奶奶度食飯、唔去啦。」如果係未諗定去唔去、「睇下點先、過兩日再答你。」或者直接答「唔得閒唔去」啦。
又另一個人、另一個case
約左幾個朋友上嚟屋企食飯、咁朋友約果陣果嚟、成六點幾都未見人、喺group問佢去到邊、幾點會到？
回覆係：尋晚通宵睇波，今朝先瞓。
………
即係嚟緊？唔嚟？出緊門口？你唔答、人地等唔等你好？
直接答唔好意思今日唔嚟、又或者遲少少到你地食住先、好難咩？
有啊，我老公囉
成日問完佢都保持沉默，聽到聽唔到都唔知
我成日都要講你要覆我ga，之後佢講仲諗緊。
但唔係複雜嘅問題，只係聽朝一唔一齊出去食早餐？ 下星期約左朋友帶小朋友去玩，你會唔會請假一齊去？
呢類人就算面對面對話都要提佢要覆你
大把人咁，一係就扮睇唔到 message, 一係就兜圈答。遇到咁嘅，如非緊要事，我一律唔再追問。
之後都會敬而遠之。
迪士尼嗰個case，呢啲曖昧答案，我自己一律當婉轉嘅拒絕，唔會同佢嘥時間估。
「哦，咁我哋下次先去啦」
佢如果係想去嘅話會當場提出反對，咁就唔使徙咗呢啲猜波嘅時間。
睇波嗰個好明顯係想甩底，係另一種case.
有，我家姐同細妹都係咁，成日唔會答一個好簡潔嘅答案
—————————
約咗成家人19:00食飯，大家姐一直冇覆佢究竟嚟唔嚟，又唔知佢有幾多人嚟
18:45
我：你哋係邊呀？差唔多嘅話我去拎位先？幾多個？
姐：（影相俾我，係公司部電腦）
我：？
18:50
我：即係…你遲咗放工？你未放工？你會遲啲嚟？你唔嚟？你幾點嚟？要唔要等你？
18:58
姐：未放工
妹：屯門出緊嚟
我：咁幾點到？
妹：我仲要接埋個女
我：咁大家姐呢？
姐：未放工
我：咁我19:15去拎位好嗎？
19:00
我：?
妹：我未接到我個女
我：大家姐你幾點放工？
19:08
姐：七點
我：咁放得未？
姐：放咗 （
）
我：又話未放工，爭幾分鐘咋嘛
19:10
妹：我接咗我個女啦
我：咁幾點到
妹：依家喺九龍塘
我：咁幾點到？幾多個？我去拎位先
妹：好快
我：咁幾點？幾多個？
19:15
我：我等緊位喇
妹：就到
姐：thx
19:28
我：有位喇，我同媽咪坐低咗喇
妹：好，你哋叫嘢食先
我：位置？
妹：就到
19:33
姐：隧道口行緊上嚟，我個仔呢？ （問番我轉頭
）
我：我唔知你個仔嚟
姐：佢喺屋企
我：咁即係嚟唔嚟？
姐：我問下佢先
19:45
我：嚟未？
姐：門口
妹：泊車中
終於19:50到齊
可以打強國外交部工
未做過搞手係永遠唔知有幾難搞
除非有明確目的，例如想孝順阿媽所以約埋幾姊妹同阿媽食飯，我以後唔會做搞手
你好好耐性。我一定一早放棄。
我老公都係咁呀！諗諗下就唔記得答我的。
我都好怕呢啲人, 次次問又唔答清楚, 跟住到差不多日子
就話約左人, 其實每次我地都會提早約, 因為大家都好忙
明明係我地約先但再問之後就話約左人, 之後我都無再
主動約個個人, 咁就不了了之. 其實你唔鍾意或唔想就出
聲, 我地唔會迫你去.
自己兩樣情況都試過
唔答人係因為未決定，未諗掂，對住熟人有時會等人追我先答，對住冇咁熟既人，又會擔心俾人感覺自己一時一樣
我追人都時有發生，尤其見於我同另一半對話時，我都有提佢答我問題直接啲，簡單如諗下去邊度食飯，我地都遇到溝通困難
溝通模式或習慣人人唔同，睇大家關係再決定要點做
做搞手好煩架，book晒野俾晒錢先話有事來不到。改期不是問題，問題係態度。好似老馮咁，改咪改囉。當自己係客。
即是你係(對方心中/ 心裡)後備名單
呢d 簡直係無心裝載啦
約左人要放飛機又唔早講
太無責任心
如果次次都係咁拖拖拉拉我會索性以後唔約佢算
甩底咪直接話唔理
係都要想人地講「哦咁辛苦、咁你唔好嚟啦。」、幾廿歲男人都咁扭擰。
最乞人憎係、都係唔自己講話唔嚟
欽敬
我都做過搞手，好聽啲我比較有氣場，中性啲講我先小人後君子，難聽啲叫比較惡。
時間地點人數放出group, 要大家邊一日之前寫低佢哋Prefer邊一日，eg
1/6, Mary, peter x 3
2/6, Mary, susan x 4, paul
3/6, peter x 3, paul
咁我就知我可以book 2/6 七個人（計埋自己），
去到正日，我都係會第一個到餐廳，
然後會係group度講，
我到左啦，我而家好餓呀，15分鐘後，我就會開始叫野食，邊食邊等，餐廳限食兩小時，夠鐘我就走。
永遠唔會有人敢係我做搞手講埋啲我ot 、我要等埋邊個、阿女未放學呢啲說話
最莫名其妙係、直接話唔得閒唔嚟有幾難…….大家有家庭有細路、唔得閒大家都明。
係呀係呀
我都有幾個中學同學有個whatsapp group 啦
咁但係熟既只有兩個
一開始約下星期六
唔熟果兩條友又話唔得閒
下下個星期六又第二個話唔得閒
如是者咪約定一個月後
點知到約定果日之前幾日再confirm 去邊食飯
又一個二個呀我呢個星期出trip 呀
呀我星期六日要同阿仔去澳門玩
然後仲有人好意思話係我之前太早約唔記得左
真心嬲
你地一個二個成日d 時間難就
我先約一個月後
根本幾時約我個priority 都係無限low 架啦
(自此以後無再約過話要同阿仔去澳門果個)