已經有工人姐姐，我其實仲洗唔洗請陪月。
請陪月有點貴，最慘係驚遇人不淑~
1個讚
當時我有請陪月，姐姐無湊過nb(除左自己仔女)，亦唔識煮坐月餐，陪月都有教埋姐姐
1個讚
除非工人姐姐好勁掂，否則一般水準的最好都是請陪月。
4個讚
唔想要陪月，
工人去學陪月煮比你食都一樣姐。
照請埋陪月，陪月可以教埋工人點照顧初生bb。到佢走左工人都識湊。
3個讚
個人覺得係2樣野
有budget就請
請完一定唔會後悔
4個讚
梗係要。
好既陪月可以教埋工人點湊bb，同埋準備好晚餐膳食，等工人煮熟俾太太食。
放假前會叮囑工人，仲會分好晒早，午，晚三餐加湯水，俾工人整俾太太食。仲會搞掂曬bb所需用品先收工。
好的陪月幫到好大忙，佢一嚟到，我就避入房瞓覺，乜都唔使理。我個陪月已經湊晒我家人的初生bb同家人朋友初生bb，我相信佢淨係做朋友介紹都接唔切生意。
都唔一定
個陣我請陪月，係我老公頂陪月唔住
話說我同老公都細食，食咗兩日陪月煮嘅嘢
之後同陪月講唔使餐餐三餸一湯，如果真係要三餸一湯，個量可以少啲
個陪月話我哋兩公婆有冇搞錯咁細食
佢話而個份量係其他媽媽嘅一人份量
但根本一個餸都夠3、4個人食
連我媽嚟探我嘅時候都食唔晒
結果基本上每日第一餐可能係即煮，但第二餐就番熱….有時明知d湯飲唔晒，第二朝要番熱，佢都仲要煲湯，結果一餐有兩個湯……變相其實餐餐食番熱食物
而且陪月姨姨有啲污糟，竟然係衛生要求同標準比較低嘅老公開聲向我投訴姨姨搞到個廚房好污糟油淰淰
我哋叫佢如果可以的話日頭唔好俾bb瞓太多，醒咗同bb互動下或者去窗邊曬一陣太陽……但我哋發現姨姨見到bb醒，會盡力令呀b瞓覺，結果bb晚晚都唔願瞓覺
所以請陪月都好睇彩數，我覺得未必唔後悔
陪月真係好講口碑，真係朋友用過好再介紹先信得過。
我當年個陪月都係親戚用過先介紹，佢係單接單咁做到冇停手
1個讚
負擔到就一定要陪月，做女人要錫住自己
1個讚
我都覺得唔同陪月可以好參差
有d 人讀完個陪月course 就出黎做陪月
好難知道對方係咩料
1個讚
睇你信唔信坐月個套，我覺得工人同陪月係2樣嘢，陪月除左湊bb 仲幫媽媽煮嘢補身，雞酒，薑醋豬手，天麻魚頭湯個堆，工人唔會識煮。
1個讚
陪月啲嘢真係好專業,比我揀多十次都會請
我頭胎冇陪月真係好地獄,又唔識點上奶,姿勢又唔啱,大人BB都好辛苦
請陪月雖然貴,但一生人都係請嗰一兩次,值得嘅
同埋一定要Interview,我自己最唔鍾意啲old seafood.
第二胎請咗個後生,大家溝通到,做嘢又爽手,到依家都仲介紹俾朋友用
1個讚
認同，old seafood真係好難頂
我原本請個後生陪月，但點知佢有咗，我至轉人
1個讚
你了解一下工人姐姐能夠做到啲咩先。
你自己嘅能力 及 可以接受到咩程度。
其實大家分工合作，你又無咩特別要求，可以做到唔洗請陪月員。
每個人都唔同，外人好難比到意見。
2個讚
有 budget會請，尤其第一胎
不過要請個好既有人介紹既
1個讚
我諗應該係兩回事黎？
工人做清潔洗衫煮飯，陪月係照顧產婦同初生嬰兒⋯⋯
1個讚
真係要熟人介紹
真係要識這個陪月先得
有！工人同陪月唔同duties
我老公個時陪月走後，大家都好掛住佢
但陪月真係建議有朋友用過先好用！有保證啲