我工作關係已打2針，老公唔冼返工唔會打。個女中3升中4，下星期將會返全日，食飯唔可以跟同學出去食，另外將會揀科，有啲科同課外活動有關連，我見到佢都好無奈，佢問我可唔可以打針，我同佢講我唔可以話哂事，但我老公係反苗人，我打針都無同佢講，係咪可以叫阿囡問佢？因為如果我帶佢去，有咩事一定會話我… ，但眼見個女無哂社交，學校想join既活動全部都唔上得，感覺好影響佢身心健康… 好煩惱
好睇你想點處理
打有打嘅處理，包括評估風險和同老公商量
唔打嘅世界仍然很大
加油！希望你快點找到出路
無奈，如果香港要打針先有「正常生活」，要衡量下。
中四都大個，同佢傾下父母嘅擔憂，再叫佢自己決定，身體有咩事就自己負責。（我意思係到時無得怨，唔係話出事怪父母）
3個讚
咁大個囡其實真係可以自己選擇，叫佢問下爸，小朋友冇社交真係好慘，呢個正苦害人不淺
10個讚
其實都捱到，e+世界都開始放鬆措施，我覺得可以觀察多幾個月
10個讚
本身我都咁諗，但香港真係唔敢太樂觀。
講緊11月前打第4針喎
1個讚
我會起碼等埋1416上場先
3個讚
如果打針牽涉揀科，都要打
留係香港好多嘢要接受，而且其他地方都好多小朋友打左。
建議首先同囡囡分析打針嘅利與幣，如果囡囡衡量後都覺得社交重要啲，就同爸爸傾，希望爸爸會先聆聽，再理性討論，你會唔會先做中間人先探爸爸口風？
你囡囡is not alone. 我屋企個高中生都係唯一無針，前排考完試同學仔食飯行街都冇佢份
我地同佢分析利幣，亦有同佢講如果佢最後仍想跟同學去玩而想打針，我地會比佢打，結果佢話"唔緊要啦，我咪留係屋企囉"
另外講到揀科，九月先中四？ 有幾多活動冇針冇得參與？ 要秤下
9個讚
多謝以上各位比既意見，同時呢都有知音人。我同我女都有討論你所提及到既問題，佢認為呢一刻未真正影響佢就仍然可以選擇唔打；而呢一刻如果打左既就會方便日常。佢揀打bnt,，佢唔介紹副作用出現，因為過到就得，都係1，2日發燒疲累算，無唸到會有嚴重野。
我做過中間人探爸爸口風，佢隻字不提，問到個女食飯如果解決，佢竟然叫個女係學校叫food panda, 明玩野,
所以都無討論空間，而家只有由個女真接問佢可唔可以打針呢個方案。
下星期會開揀科家長會，到時會知道揀科方面會有咩影響到，好似有啲科目係需要另外上應用學習堂，呢方面一定會影響到…
1個讚
都F.4囉，交返個選擇權比佢啦，佢哋知道自己需要啲咩嘅，靑少年時期好需要社交，唔似大人咁獨立，聆聽下佢自己嘅想法，唔好未傾先反對啦⋯⋯
4個讚
我老公呢方面勁執著，成日想說服我唔好打針，但我要返工，好多野要同人交代，老闆見客應酬要出席， 牽涉到啲仔女重要野既家長會都要出席，呢啲又唔會唸，某程度上佢幾自私，不過都尊重佢既堅持。
我係最後一批打針，打左都無同佢講，當有日佢知道後有啲驚訝，都好，我就係想佢嗰一刻都理解下我點解唔話佢知。
個女同我都偏向打，不過要過爸爸呢關，唔係噤易…
唔好誤會，我並唔支持打針，不過小市民鬥唔過極權，我無得選擇
4個讚
你和女女係唔係一向弱勢，而你老公強勢？
我係你女的話，只會通知老豆我會打針，而唔係要爸爸同意我去打針。
你個女已經係高中生，依家無打針，受影響嘅係佢嘅學業、佢嘅社交生活、佢嘅學校活動，所以有決定權嘅人係佢，而唔係你老公。
3個讚
老公唔駛返工同個世界已經半脫軌，我同樓上一樣諗法，如果個女偏向打針講低聲交代吓，家長同意書嗰啲你幫佢簽啦！
個人堅係唔應該影響到其他人，支唔支持同需唔需要係唔同㗎，學業、生活、社交、人生係要佢個女自己參與，要比佢自己選擇，家長唔好因為自己個人嘅堅持難為下一代，佢哋要繼續生活，唔好再為下一代添煩添亂⋯⋯
6個讚
「我唔希望以後對所有事情逆來順受，會成為呢個城市嘅共同意識。我真係好害怕呢樣嘢發生，太恐怖啦。」
獨媒訪問嘅其中一句 
7個讚
我唔支持迫針，真心打針係個人選擇，而家大家感覺到係威脅
3個讚
除非你哋打算送囡囡出國留學，如果唔係真係應該畀佢決定打唔打。
如果你囡囡真係決定打，咁咪你簽同意書囉。
其實都發生緊，幾多人為返工、為參加乜乜物物、為堂食打針
2個讚
我由第一日到而家都係醫學理由打，係白老鼠咗架啦
不過迫針係好多餘
真係慘，用呢啲招數迫啲小朋友！
如果女女想打，你都要同先生2個傾下
始終佢都唔細，有啲野應該比返多少話事權佢
但疫苗有冇後遺症之類，真係要大家傾
1個讚