話說公司好多差唔多年紀既女同事
有D都會打扮下
但發現好容易撞衫
一件最普通間條tee可以同日有三四個同事著
碎花裙, 波點裙, 牛仔裙又撞, 顏色仲要一樣 
我有一個好乞人憎既女同事
佢好鍾意買某幾個日本牌子
而我都有買開o個個牌子
有時佢著條裙返工, 我發現自己都有類似款式既
之後就會唔想著o個條裙返工(費事撞)
同埋都幾介意同佢撞衫(因為我勁憎佢)
所以成日諗返工衣著都好苦惱
女人真係"撞衫慘過撞車"
有幾次直頭孖公仔咁襯 
你地有冇類似經歷? 分享下
我都試過跟同事撞衫…
唔介意～
有個同事一星期起碼有3日撞衫，撞撞下成為朋友，大家夾定唔准同一日著～
1個讚
睇下FRIEND 唔FRIEND 啦, FRIEND O既唔介意
x2
如果唔熟但又番同一間公司就尷尬d
熟既反而約好一齊著同一件衫好玩呀
有肌肉ka!!!
1個讚
冇試過同同事撞衫。不過成日撞手袋(大細size, 唔同顔色)
我自己都會介意撞衫。
如果同乞人憎嘅撞衫當然會介意。
但其實同啲同事一齊做嘢好多，見到佢件衫靚，就叫佢買多件。
類似款都試過撞，一模一樣就未試過。
試過我舊阿姐同另一部門阿頭撞衫，大家著埋同一件背心，件衫仲要某品牌新上架嘅貴嘢。本來平時兩個人一個樓上一個樓下應該冇乜機會見面，但果日另一部門阿頭咁岩上咗嚟，兩個見到面仲互讚對方著得好睇。但自始之後我冇見過我阿姐著果件衫返工。
1個讚
我係成日和一個男同事撞衫
因為大家都好鍾意著間條，我哋番工衫好casual. 撞衫撞到我哋都冇乜所謂，仲自己都拿來一齊笑吓
有咁易撞衫既咩？係咪d basic 款？
我試過有人著同款唔同色，我就從來唔著返工了。
我都俾佢隻肌肉手吸引住 
唔知食嘢係咪可以唔洗俾錢
著得靚啲嗰個咪冇咁介意囉
1個讚
唔係exactly 同牌子同色同款嘅話，我唔覺得係撞衫喎。
2個讚
我試過casual Friday 同秘書撞間條衫，我哋仲一齊影相留念
我唔太介意
唔係經常撞都ok
唔介意 人人著落都有唔同形格
撞過幾次類似款，一個係同期入職同事一個係老細，都冇介意，同期嗰位同我一樣都會照樣著但老細就冇再著嗰款（其實佢著得靚過我…）。
搞笑係幾次撞衫，都係同一位同事見到然後話 “孖公仔”。
鑑於基本上啲同事都幾乎一定著得靚過我，所以我係冇得介意亦唔需要介意。我就係我，醜就一早認左
1個讚
試過同個外籍同事撞衫，U記同款同色連身裙
佢大粒啲，我細粒啲，但我覺得唔好意思
因為我著個陣有咗8個幾月，著出嚟嘅效果只係肥佢少少，我擔心佢介意