純呻，傷咗隻腳要搭車去物料治療！車卡入面得返兩個關愛座同一個普通座位，得我同一個亞婆等車，個亞婆上車即9衝去普通座位，關愛座我又唔敢坐！結果忍痛企佳全程車
我唔會理，有需要就會坐。
13個讚
認同，而且真係傷咗麻
我早排都扭傷腳，要做針灸，坐巴士時我都照坐關愛座。因為普通座位無晒。
1個讚
隻腳之後仲有冇咩唔舒服？
有需要就坐低先，有人出聲再算…
1個讚
下次照坐嘛，唔好理人哋眼光。腳痛有位梗係坐，企咁耐一陣再整親隻腳就麻煩。其他人見你坐會以為你有咗 bb 需要坐，所以唔駛怕
咁真係搞到好大壓力有需要就坐
腳踭行同企都痛，但我望落去正常人咁，怕比人影相公審、我以為亞婆會坐關愛，點知佢衝去普通座位
你換隻拖鞋包包佢嘛，何必搞到自己咁痛
1個讚
一係拎拐杖。
1個讚
只可以話你on居
有需要就坐
照坐關愛座嘛，怕咩
有需要就照坐啦
唔好理人點諗
有需要就坐，唔洗諗咁多，亦都唔洗話人9衝。
1個讚
有啲老人家唔認老，只會坐普通位，點都唔肯坐關愛座的。
我個陣大肚微微見肚，個背囊放肚前面，坐關愛座….有個呀婆上車即刻叫我讓座，然後我拎開個袋話唔方便，佢都好似唔多信咁，不過我最後都冇讓俾佢
4個讚
有啲老人有位衝，驚蝕底
照坐啦
關愛座唔係老馮座 有需要讓就得
懷孕時坐地鐵，會有好多奇遇。
我大肚已見肚時，有一次喺地鐵坐普通位，去到金鐘站，有個拎住好多嘢嘅外國人孕婦衝去我面前，笑住問我 可唔可以讓佢坐，我有讓比佢，但覺得好好笑，點解佢會叫另一個大肚婆讓位比佢。
又有一次，我一行入車廂，同時有兩個藍領打扮嘅男人企起身，讓位比我，我好感謝佢哋。
另一次，港島線，成車都係人，好多白領西裝友坐喺位，一見我上車，個個即刻低頭扮瞓覺或睇手提電話，扮睇我唔到。
結論：雖然人靠衣裝，但千祈唔好覺得著得光鮮嘅人=好人。
4個讚