廚房用品响用之前會唔會先用洗潔精洗一次？
另外佢地周圍屙屎，最難處理
不能共處，我勁驚!!
借位問: 有無方法趕佢地出屋? 屋企出現過血案架啦~~ 我唔想佢地俾主子殘殺
搞唔掂 
趕又趕唔走，
唔好比我見到就得，其他嘢多啲清潔.
我試過放曱甴屋，有隻走左入去痴實左…
其實佢哋有好有壞，成日周圍痾屎最煩，又會失驚無神係你床附近叫，嚇到痴晒線
我屋企既簷蛇以廚房為地盤，試過見過有條停响個湯煲入面，每次佢地發現有人，會匿返去洗衣機/雪櫃後面
廚房用品習慣响用之前係用清水沖洗一次，你會點加強清潔？
我响廚房見到啲屎，覺得好嘔心
講你都唔信，有條簷蛇長期都响大門附近同一位置屙屎，我會鋪A4紙上去，定期更換，似唔似養緊寵物
7個讚
我都試過，真係會係同一位置痾
我舊屋住咗 2 條簷蛇，1 肥 1 瘦，佢哋住係飯廳大櫃頂，好少入廚房，鍾意入冷氣機飲水。有時半夜睇電視會喺天花板見到佢哋行過，嚇到個心離一離。當佢哋發現我望就會扮石像唔郁，轉頭就唔見咗。肥嗰條半夜會叫，啲聲好似電源咁吱吱聲，好恐怖。有日九號風球後再聽到佢叫，以為打風佢走咗，過幾日發現原來佢一早喺大門條罅度夾死咗
瘦嗰條繼續住喺度，但佢好少叫，又好少出沒，我就唔理佢，直到搬走佢仍然住喺屋入邊。
我主子會解決佢地~ 我好安心~
1個讚
大家可唔可以形容下佢地d大小便便係點樣? 
同小強有咩分別?
我唔敢google 
有屍要處理架喎 
我屋企同公司都有.
屋企個隻都肥主要入廁所同廚房位. 有時貓見到都會眼定定望住叫不過暫時未出現血案. 只係曾經見過斷尾.
有佢地都好起碼會食小昆蟲.
公司個隻就一直都係廚房. 好多時都係櫃內見到佢既屎. 黑黑白白咁.曾經係星盆見過佢跌左落去上又上唔到. 我唔敢用手拎最後搵硬卡紙救返佢上去 
包N張TISSUE 執囉…
總好過要我對住呢D 生牛牛既生物…
我主子昨晚幫我KO 左兩隻識飛既小強…
我只需要包住成個人, COVER 埋個頭訓, 第2朝清理就可以了
2個讚
似雀屎，但係一條幼身
你已經勇我勁多，對上嗰次要我自己處理時，我喊咗一個鐘先可以搵支棍推條屍落垃圾袋，再推去個儲物箱，連箱dum咗佢
仲有成地嘅血跡要抺… 
咁我又真係好似無見過喎
我嗰條係門罅夾死咗扁晒，超核突，我搞唔掂搵老公執，佢帶住 2 對勞工手套執咗連手套掉入垃圾房
1個讚
好核突呀!!! 
呢D時候我先會覺得屋企有個唔驚呢類生物嘅男人好重要 
2個讚
男人唔驚小昆蟲好重要，平時小強我處理到，但簷蛇咁大條仲扁埋實在太核突，唔敢掂。而家訓練緊我仔處理小昆蟲，見到小強同蜘蛛佢會主動去捉
4個讚
娘家4條，自己屋企起碼3條
成日以為屋企無人，夜晚傻下傻下走出嚟，嚇到我2個女尖叫，佢又俾我女啲尖叫聲嚇到唔識郁，成件事好好笑
1個讚
啡色長條，個尾有點白點
好易認
1個讚