講下背景先
我同先生都係雙職父母，公公婆婆年紀大湊唔到bb，嚟緊公公婆婆會請工人，應該8、9月到職，工人都唔介意湊埋bb
而家我bb4個月，俾保姆姨姨湊咗一個月
姨姨都幾有心機湊，都好錫bb，又就我可以喺我公司附近接送bb，時間亦好彈性，有時我OT姨姨都唔介意湊夜少少
而我今日收到嬰院打嚟話9月有位可以入學
因為我嘅工種唔容易請假，亦唔可以話收到嬰院電話就隨時走得，先生份工相對容易少少請假，但佢間中要出trip……所以如果bb唔舒服、疫情停課，我哋就好難安排人湊bb⋯⋯⋯⋯但係嬰院會多啲活動同埋bb可以同多啲人互動
所以我1516緊揀嬰院好 定 繼續俾保姆湊好呢
大家會點揀？
保姆就到你梗係用保姆，育嬰院你要預請工人，或者你好準時收工
我會揀比保母湊。
當年我仔都係比保母湊，我個保母又係好好，有時我太忙遲左收工，可以遲d接，仲會額外比晚餐我仔食。相反育嬰院要限時限刻接。
而且而家又可能隨時要停呢，搵保母好似好d喎。
我嚟緊會請工人俾父母，但工人知道要湊b，佢都ok
我同先生份工就係冇得準時放工
工人未到，工作表現始終係一個未知數。你都要觀察左工人一排先，佢湊得ok，bb跟佢先完全放手交俾佢。
如果安排到準時接送，育嬰院對BB比較好，大少少有同齡小朋友一齊玩，一齊學習。
但如果接送上安排唔到就揀保姆姨姨。
小朋友入過嬰院
有得再嚟過，唔會比佢入
點解呀？
可以分享下嘛？
通知可以入學，要而家交定留位費嗎？
如果經濟唔係首要考慮，我會建議照俾左留位費先…
俾保姆姨姨湊，BB大啲你會俾佢去playgroup？如果揀左育嬰園就唔洗另外再安排…
始終育嬰園一位難求…
bb唔舒服返唔到育嬰園，由公公婆婆+工人照顧，可以嗎？
另外，提一提你了解疫情下返育嬰園既檢測安排，之前呢度都有人講咁細個都要每日交檢測結果…
其實我請工人主要想佢照顧我父母飲食同做家務，本身冇預工人湊b
不過bb嘅公公覺得有工人就唔使保姆，更加唔使去嬰院
佢成日話去嬰院賤過地底泥，雖然我唔知嬰院實際情況，但我覺得佢講得都幾難聽
唔會，育嬰園老師好專業
經濟許可我會揀保母姨姨，佢都湊熟左又夾到你bb。
咁細個Bb都唔會有d咩特別活動安排，你話練下坐練下轉身呢d，陪bb玩，保母應該都有經驗。
我大仔4個月大時都有入過育嬰園4個月 (後來請左工人先接返黎), 呢句野我阿媽都有講過, 佢仲話聽人話會揾濕棉花塞住 bb 口等佢唔好喊 
育嬰院有好有唔好, 睇下自身屋企情況夾唔夾到。
好處 : 定時餵食, 定時換片, 老師會安排互動活動, 玩彈彈椅, 聽故事, 大啲識爬會有間房(鋪滿墊)比佢地活動。星期六有家長講座, 講教養/嬰兒按摩。無咁痴身既 bb 會學識自然入睡 (唔會比人抱慣)。加固體食物好幫到手, 日日餐單都唔同, 咩食物都會接觸到。
壞處 : 餵母乳要交好多奶, 如果座熱左 bb 唔食, 為安全嬰園會好快倒。要好多塊片, 佢地定時換, 無濕都照換, 我嗰陣一日要交六塊。病左唔餵藥, 就算濕疹搽藥高都唔會, 病一定唔可以返學 (要有後備人手湊B)。如果係較痴身 bb (要人抱), 真係會放係床任佢喊一輪先抱一下呵一下… 如果要靜先瞓到既 bb 可能要長時間先習慣 (因為一間大房好多 bb 會嘈)。要準時接走, 如果家長要不定時 OT 好難攪。最後, 價錢貴… 如果比全費, 育嬰園既月費係貴過工人姐姐人工。如果屋企有位, 請工人就算計哂雜費, 都係會舒服啲, 至少有人幫下手洗碗抹地… 
至於好多人講既放育嬰園會病, 我大仔嗰時就無, 佢只係不停爆濕疹。但有同事bb係高燒左好耐揾唔到原因, 又出入醫院, 佢最後退學叫老婆辭職自己湊返
媬姆湊得好又夾到又冇經濟問題，我唔會轉了
始終搵人湊BB最緊要係安心，你又可以專心返工
呢d時勢就當然係保母好d，大不了大個d咪帶佢落公園同人玩，突然又停呢樣個樣，又唔知到時打幾多針先返得，小朋友一返學就狂病，你哋又請唔到假，實一頭煙
雙職家長而又需要供養父母，理論上可以申請學費資助…
係體溫高少少都唔俾返…我角度未係發燒，但育嬰園會比較保守…
不過我諗唔同育嬰園安排上或者會有出入…
唔止佢公公咁諗
我媽都有誤解，佢哋老一輩以為育嬰院等於保良局，孤兒院咁，無父無母先會去，去到好慘無人理，無人換片
但實際當然唔係咁，我朋友的兩個小朋友都係育嬰院長大，有系統地訓練小朋友自理能力，小肌肉發展，又會好似幼稚園咁有遊戲學習，學習上會好過大部分工人/長輩湊。
我會揀保姆
因為真係夾到
而且育嬰園未住過唔知夾唔夾
到時可能保姆又幫左第二個唔得閒
我都擔心呀
我知道呀，所以至咁猶豫
好認同啊，到時都唔肯定工人工作表現點。所以唔好太老定一定有工人幫手。
隨時又係咩都答應住先，到時可能另一回事。寧願穩陣D保母姨姨湊。起碼佢一定都就到妳。呢個好緊要啊。