如果咁攪間店實88，起碼我同身邊有小朋友都唔會去，daddy同朋友講開都話大人都驚俾人劏，入去睇下無啦啦冇左幾萬就無謂。
1個讚
呢隻玩具都好難有人買，一般中產家庭都買唔起，亦冇地方放，實玩價值又低，得個睇字
1個讚
俾我遇到，即使要賠錢，都要報警先。有需要時就等官判。睇吓責任要負多少。預防老屈。呢件事教訓小朋友做錯事要負責任，另一邊要保護佢免受太過的苛責及保護家長自己避免被人老屈
4個讚
好似有報紙問過大律師，話10歲以下唔駛賠，但似乎講得唔清唔楚，呢個ig 感覺上講得清晰好多
https://www.instagram.com/p/Cd6CqTRPiLu/?igshid=YmMyMTA2M2Y=
4個讚
最新發展，kkplus ig del聲明。
其實我覺得網民轉晒狂鬧kkplus（初時兩邊都有鬧）, 好大原因係段聲明出事
佢個聲明完全係花式自殺
2個讚
連登仔仲想話個細路唔啱，其實如果公仔跌嘅方向有一個人畀個公仔或啲碎片打中，就會知其實係間公司冇好好固定物件鎖腳，疏忽引致意外
2個讚
X2
我覺得點都要賠（幾多錢係另一回事），
如果尋日聲明寫得大體啲，件事已完，
而家變左一面倒鬧kkplus, 抵死
2個讚
我唔會賠呀，小朋友又唔係推跌，舊嘢根本一掂就跌，碰瓷咁玩。
寫得好，直頭可以化腐朽為神奇
好多人都事後孔明，講到自己可以冷靜處理，call警察傾賠償法庭見。事實上，就好似當事人爸爸所講，當下立即有一班花生友圍住影相拍片，明顯個個都覺得係細路唔岩在先，呀媽無睇實細路有錯在先，連爸爸睇埋cctv都覺得自己一家做錯野需要負責。試問係一個咁羞愧既情況下，小朋友又頭dup dup 眼濕濕世界末日咁，你真係仲忍心call 警察同自己個仔落口供？
可能有d人做到，但我就唔得了。因為理虧在先，只想速速磅水，3萬蚊當遮醜布咁速速離場。而事實上，正正係呢家人立即賠錢先可以全身而退，到呢家都無位比人入，頂龍話佢地無睇好小朋友，但，已經負責任賠錢了，亦算係小朋友面前做好個會承擔既傍樣。
如果唔係事後比人踢爆間鋪裝人，又有律師話可以唔賠償，呢件事都唔會發酵得咁快。
as a 父母，前車可鑑，以後如果不幸既事發生係自己身上就知點處理了。同埋，再一次見到香港社會對父母小朋友真係好harsh, 無咩同理心。間鋪咁唔kids friendly 日後要混路走啦。
29個讚
不小心唔係免責理由，最多係求情賠小啲，我覺得點都要賠，只係銀碼可以商量
2個讚
來貨可能五千都唔駛呀。
佢當場賠3萬幾。打完官司之後可能賠少d, 但過程中心身俱疲，到最後可能寧願即時賠3萬唔再招人口實更化算。
2個讚
如果要去到打官司，咁我都會賠錢了事，不過條氣唔順囉
我都咁諗, 如果打官司係咪要比律師費? 要既話真係唔知3萬幾得唔得 
真，香港法律程序好磨人
其實咁諗，大家會唔會喺屋企路中間放3-5萬元花瓶呢？
就這事，不是説不賠錢，而是必需報警備案。因為是遇過類似事情，如駕駛碰撞，諗住賠錢了事不備案，後來對方屈再加上啲並由對方報咗警。
情況絕對係難堪，但保護自己都係要報警備案先。
6個讚
咁你父母有冇考牌先生你呀？
點會冇，電器都唔平啦，多年前baby kingdom 有個阿媽呻，朋友個仔上佢屋企玩，將成個二萬蚊plasma電視整跌落地，然後急急腳帶個仔走左當冇事
1個讚