感覺迷茫...希望大家可解惑

本人今年正在某所神校就讀F1,成績表出咗嚟嗰時真係好驚,睇咗嗰啲stats,感覺自己係「泯水」嘅頭四分之一,競爭好激烈,怕未來唔可以繼續留喺精英班,選擇唔到想要嘅科目。
打算到海外留學,知道學費好貴,但都打算準備一下先,試一試考唔考到scholarship/攞津貼。未來希望可以入到mit,讀物理學系,依家睇緊高中物理學textbook,想問下大家除左咁仲可以準備啲咩?有咩exam/competition 可以準備?知道好難入,每年得幾個,但都想試一試,早啲準備,多啲時間。
非常感謝大家的意見:pray:

我諗你可以自己準備報考 SAT (美國大學入學試)

你要加油啊!

1個讚

可以試吓哩個,不過每年額勁爭好大:pleading_face:

1個讚

練好英文都好重要

1個讚

當年我雖然唔係讀神校
但都係讀band 1 (以前有5個band)
記得當年form 1大約200人, 我全級考100
一路上一路上, 到form 3大約考全級50
到form 4/5 全級廿幾, 原校升中六

你而家先form 1, 唔駛咁快打定輸數掛
最好痴埋D叻嘅同學仔, 一齊學習一齊上
(好似好功利, 不過香港就係咁)

我有個小學同學, 小學成績叻過我
同我一齊入同一間中學
佢群埋D成績差掛住玩既同學
中三俾人踢出校

4個讚

謝謝你的意見,幾個月前有時間就開始用online resources 溫 SAT

謝謝建議,不過我係女仔,所以不能申請:joy::sweat_smile:

你今年 form 1, 點解鐘意 physics?好少女仔會鐘意,上到去唔係你諗咁簡單,都有理論要記同要適應用,千祈唔好覺 phys 無野背或者讀左比人覺得醒,坊間都會有人話讀 phys 古怪架,聽過唔少
當然,phys 真係無得死背,再深 d 真係無得背
你而家科 maths,考成點?鐘意嗎?讀 phys 既人,maths 唔可以差
簡單 d講,畢竟 maths 係要用嚟解釋 phys 抽象既現象。

1個讚

你現在才F1,且今年疫情影響,每人都有失手時候,我見你好有心,只要你揾啱讀書方法,你其實可以追得返,唔好俾咁大壓力自己,加油!

1個讚

妹妹/弟弟?,你好叻,識得為將來打算,揾出路 :+1:你今年十二/十三歲?
其實成長,除左讀書,仲有好多野要學架,點樣同人相處, 點樣面對挫敗,認識自己同社會… 呢o的都係將來成功的要素。
好好享受青春吧, 將來你回望呢段歲月,就會知道:你記得o既唔係埋頭讀書o既日子,而係同朋友一起o既豆蔻年華、年少輕狂好時光呢
分享多一樣: 學習係有一個過程,由最初o既remebering, 到understanding, 去到applying, 之後先可以evaluating/analysing/creating。中學階段都只係去到部分applying,要有足夠生活經驗,到大學o既evaluating/analysing/creating階段先會做得好o架。

3個讚

謝謝你的提醒,其實我嘅maths都唔算差,依家都係精英班入面,小學時亦攞過maths scholarship,現在也有參加學校舉行嘅奧數課程。
由小學低年班起,我就去睇youtube嘅science videos,今年 IS (Integrated Science) 考試分數都唔錯,差幾分滿分(Maths 同 IS 係我最好嘅科目:joy:)。
小六嘅時候去過圖書館借physics textbook 睇,唔明嘅題目上網查。
當然女仔讀physics都會被人覺得古怪嘅(唔敢同朋友講:see_no_evil:),但解決問題嘅過程都係一種樂趣。
但讀physics未來前路茫茫,好難搵工,所以感覺迷茫。

2個讚

謝謝勉勵!

1個讚

鍾意physics,將來可以揀architecture,engineering, AI …人生有無限嘅可能,不要為外在因素局限自己,揀自己鍾意又能力所及嘅科目就勇往向前,祝一切順利。

2個讚

F1已經諗到去搵工,唔係瓜,你屋企環境唔係咁好?

Oh sorry​:sweat_smile:

1個讚

emm, 其實只係諗一諗先,幾年好快就過,所以準備咗先,到時不用太徬徨:sweat_smile:

過來人,但我唔自爆啦!有機會讀上去,相對論好好玩
你去美國讀,嗰邊 phy 出路唔錯,同埋 phy 讀上去,可以走 engine 路,但呢2條路,唔好係香港搵食,乞食科

1個讚

升學幫你唔到。純吹水加分享。

我同你差唔多大嘅時候都好鐘意Physics同Chem,有諗過讀大學讀Physics。小學開始睇原素週期表貢桿齒輪。去到AL識好多out of syllabus嘅野,可惜學埋學埋對考試無乜幫助。學業唔太特出。同埋讀下讀下,覺得自己鐘意應用物理多過理論物理,所以大學走左去讀工程。

1個讚

Form 1 都仲細,仍然有爆多變數,你都已經讀緊神校,就算唔係精英班,其他班都可以照樣讀書。加上你未咁快選科,你身邊啲同學有啲可能都係靠以前榖種,但 “hard work beats talent”。
目前係提升自己分數,而唔係睇高中物理書去準備 (遲下大把時間你準備,況且 touch wood 輪唔到你讀咁你兩頭唔到岸)
望下自己邊科弱/唔穩定,放時間多啲落去拉高分數。唔係講笑,你每科多兩分即刻跑贏好多人。
唔需要擔心讀 phy 難搵工,年年都好多人 phy chem bio 畢業,照樣搵到工,你去到嗰陣自然知道自己條路點行。

1個讚

Ibank好鐘意physics grad

Btw Physics讀得叻真係天才

3個讚