機場離別片睇得多 估唔到我都有面對呢個問題嘅一日
一個星期內聽到差唔多有5位朋友要走,理性上支持佢地離開香港 但感情上好唔捨得 
5個都係相識 大家都會出黎食飯 吹水打機 可能一個星期見3/4次
雖然口講可以透過網絡聯繫 其實都心知走之後其實冇呢個可能 各自有自己生活要面對的事 加上時差問題能夠見一次傾一次機會可能少之又少
加上眼見個個都走 都令我反思係咪得我一個咁傻仔留係到
佢地有啲剛畢業返咗幾年工都走 我係咪應該同佢地一樣去新地方發展 抑或經歷多次就會麻木
4個讚
唔係想唔想走，係走到要走。
9個讚
留唔留睇你自己頂唔頂到啦
加上我唔會用個“走”字 又冇話唔返得嚟
後生當出去見識下都好 依家成本好低
7個讚
又會咁啱一齊，約好咗嘅？
你冷靜一排，唔好俾情緒主導，再諗移民嘅問題。睇下朋友過成點，應該都對你有啟發。
2個讚
唔好人又走你又走
最緊要知道自己要乜
11個讚
如果去英國冇乜時差，下午 3,4pm 可以 whatsapp.
到佢瞓前你可能又起左身
幾乎係即時對話
我基本上最Friend幾個朋友已走/將會走
上年經歷第1個朋友走前幾日我已係咁喊，好唔捨得。然後陸陸續續咁走。
雖然可以視像WhatsApp，但我都鍾意見真人多。
但佢哋走到絕對替佢哋開心。而我自己因為唔捨得屋企人，亦唔想將照顧媽咪嘅責任落喺其他家姐哥哥身上。所以決定繼續留喺香港。
千祈唔好俾人影響你，最緊要你清楚自己想要D咩。留喺香港唔係傻仔。只係每人想要嘅生活或者顧慮有所唔同。
3個讚
好開心 戥朋友高興， 祝福朋友們一切順利
有得走100% 走
醫療、教育、法治都不一樣，
樓主想清楚要起行
1個讚
係，好同意，可能他日再聚
1個讚
你要諗清楚喺自己角度移民嘅利弊，再去作出選擇。
每個人嘅背景唔同，有人可能因為屋企人而留低，有人可能只係唔夠錢走，有人係屋企人非常支持自己小朋友移民，就算父母唔走都出錢出力去幫自己嘅仔女，唔同情況已經影響到決定。
就算你要移民，你都要好好計劃，不如嘗試了解左先。之後可能會比到答案自己
1個讚
要有一個原因，唔好人去自己去
1個讚
咁啱，你五個朋友自己都係認識?
明白果種失落。 
惟有多d 用apps 搵番吹水
1個讚
係
佢地都互相相識
但係有幾個冇公開講過自己會離開香港
私底下同我傾過 冇諗住講,想靜靜地攪掂哂所有野過到去再公開…
所以依家我感覺上唔知點好,唔識面對
走, 6年後再考慮是否回流.
人生多一個選擇
移民係人生大事，唔係人走我又要走既心態。
先衡量自己既能力，香港有無野令你走唔到等等，一定要計劃周詳，呢刻走唔到，就為未來做準備，留係香港都要保護自己。
2個讚
該主題在最後一個回覆創建後90天后自動關閉。不再允許新的回覆。