[放負]阿囡成績唔好

我個中二女,之前測驗尋日派卷,英同數都好低分,其他合格都算。
其實已經又補習又買補充練習做,補習老師都換過幾個,我知佢都好努力,要背誦嗰啲科目就冇咩問題,但要用腦嗰啲科啲成績真係慘不忍睹,老師都講咗好大機會留班,但係我仲可以點幫佢?

1個讚

要用腦嗰啲科例如係咩?
數學做多啲練習基本都捉到路,英文都係狂做練習就有進步,英文係因為咩唔合格?
始終疫情,好多學生個底都打得唔好,明白囡囡有努力,就唯有放開啲,始終唔係人人有書緣

3個讚

用腦嗰啲科就係英同數,已經有操卷同練習,但係好似頭腦轉得唔夠快咁,條問題轉個彎佢就企喺度。

書緣真係,我都無。

我自己英數好差差到無一次合格,但好奇怪 我數學差 係phy chem bio係級科頭10名內個堆,所以拉curve升到班。

老師話留班咪當俾定心理準備自己,可能到時唔洗留班。同埋要引導個囡將來選修科目路向。因為每人都有優缺。

再唔係既出去外國讀書,到時香港數學差係外國即刻變第一:grinning:。由可以浸番啲英文。
所以唔洗灰架:smiling_face:

如果盡左力,可以做既野就係放手同鼓勵佢繼續努力。

唯有係咁諗,佢讀書麻麻哋,但視藝科上學期又比佢全級第一
我同老公好努力儲定錢比佢外國讀書,但估佢應該都唔鐘意讀書,唯有睇吓佢將來鐘意啲咩再幫下佢

3個讚

係呀,叫佢睇開啲,提自己都要睇開啲

1個讚

會唔會係操個卷同學校程度有出入?
英文除左操都要多睇多聽
最緊要佢有心機,唔好令佢覺得「做左都衰」
要多啲鼓勵

心中「哎呀,點解又係咁差既」
口中轉為「唔,我哋仲可以繼續努力!應該仲有得進步」

最怕佢冇左火,乜都唔理仲慘

所以佢英文係邊part 出問題? 串字,gramma, 理解唔到題目etc
搵出源頭,再針對解決

香港學制唔係人人啱
或者你睇下負唔負擔到平民少少嘅國際學校,研究下唔同制度,及早轉
轉一轉,分分鐘矛塞頓開,自信返晒嚟

多口一句,你有冇諗住俾佢讀兆基創意?

呢啲潛質,真係可能去外國讀先有更好出路

3個讚

其實見到分數嗰下真係有啲火滾,想鬧佢,但又知佢之前好努力,我即刻收口唔出聲,叫佢快啲改正,自己落街去買杯雪糕食下冷靜下,但真心有啲失望,只求合格啫,都咁難?

1個讚

應該係gramma,知佢依範弱,已經係咁操,都唔得:pensive:

我都覺得香港學制真係唔係人人適合:slightly_frowning_face:

有諗過讀埋中三可能幫佢轉ive 嗰啲

如果佢視藝考第一,佢又有興趣,不如集中比佢發展自己有天份嘅嘢?

人人天賦唔同,夾硬谷一啲冇天份嘅嘢,只會好痛苦,況且而家新世代,有創意都有大把工可以揀,最緊要搵到佢有興趣嘅嘢!

呢個係重點!
多啲安慰佢鼓勵佢,就算要留班,媽咪都愛佢支持佢!

有朋友個仔入咗,原因又係因為主科成績唔得,但藝術方面有濃厚興趣又有天份。本來朋友對咁安排好滿意,但有另一自持有教育背景又多事嘅朋友,話佢咁樣係放棄個仔,唔應該放棄主流教育,講到大義凜然:melting_face:

朋友淋善講兩句就唔想反駁,最後連我呢啲旁聽嘅都忍唔到出聲,人人都有唔同才能同弱項,如果強迫個仔跟主流而放棄幫佢搵其他出路,咁先係失職父母。

其實我聽返,兆基都係教主流,只係多個非dse 出路啫…

2個讚

我個女都係由細到大考尾幾,中英數通識science 都補哂,但佢好似完全唔識溫書咁,逢測考就發考試瘟,明明內容識但就偏偏唔知點答題,有時要我幫佢睇哂D課本notes 再解返俾佢聽,話定俾佢知點答就可能僅僅合格,撐到中二我都頂唔順冇理佢,結果留班。讀多年中二其實唔係進步好多,拉拉扯扯上到中三都係冇起色,再咁落去就算我唔激死,佢中四都唔會入到心儀科目。把心一橫掟咗佢去紐西蘭,反正佢香港一個月補習費都萬幾蚊,又要搭車食飯,紐西蘭中學學費連食宿都係廿幾萬!結果佢響嗰邊都唔係好識點讀,不過當地公開試分開三年考,同埋校內評核比重好高,通常係交份功課,做得唔合格老師又打回頭再做,加上佢好彩,哩兩年紐西蘭lockdown過,嗰邊考試局調低咗入U要求,變咗佢校外試唔掂都唔緊要,結果佢僅僅夠分入紐西蘭嘅大學,可能嗰陣紐西蘭又未開放邊境,冇留學生去,所以佢報咗嘅大學都有offer。不過最後都係決定放棄留響紐西蘭,返嚟報英國UCAS,已經有unconditional offer,雖然只係中等排名大學,但總算捱過咗中學階段,至於大學畢唔畢到業就睇佢:sleepy:

識得人係入面做
感覺學生學得幾開心
發揮所長