我每次見朋友帶埋小朋友出黎gathering，我都只會覺得好辛苦，佢地又好嘈，絕對唔會見得多而變得鐘意。同埋我覺得生仔女唔可以用好壞處黎量度掛，好處係想有個人老左推輪椅？
4個讚
就算唔要個bb，你都真係諗下仲可唔可以同呢個人行落去，人生一定有上有落，大吉利是講句，係咪個老婆病咗都可以用同一個理由飛起你。個人意見係同佢生仔就算肯一齊都無幸福。
係啦~我睇完都覺得好憤怒
自私到呢!!!
你明白就最好
其實你好理性
未來既路唔易行
加油呀
1個讚
睇完
個男嘅雖然係無情，但其實樓主根本就想要BB，希望僥倖有咗之後個男嘅可以改變主意
兩個喺呢件事上面一定唔夾，有冇BB都應該會離婚
反而樓主你應該要諗吓keep唔keep個BB，有信心做好媽媽嘅，你一定會排除萬難
祝福你會搵到一個同你目標一致嘅人過埋下半世
6個讚
男人我就唔討論啦
BB方面要考慮嘅嘢遠比男人多
-
人手
照顧一個小朋友需要大量人力資源
無老公幫手就需要請工人（唔一定好）或者娘家長老幫手
同BB單打 尤其初生 難度極高 不建議
如果打算生出嚟就報定幾間附近區嘅育嬰園 另外可以問吓社工有關社區褓母服務
因為兩樣都要排隊 要安排了解定先 -
$
而家養小朋友唔同以前年代養得大就算
當你發覺大家都會帶小朋友去playgroup
唔去playgroup都會帶佢周圍去玩
買好多衫仔玩具 去studio影相之類
如果錢方面彈藥唔算好足夠就要意志堅定
因為就算人哋唔主動俾壓力你 你自己都易諗多咗 -
心理壓力
見你有小朋友好多人會假設你有個完整家庭
到時如果有人提起爸爸之類嘅要心理夠強大應付
到小朋友大一啲知佢咩係爸爸 一定會問想知
我見過有爸爸喺bb好細個果時就意外過身 母兼父職可以做得好好 小朋友都明白咩事 知道爸爸喺天上面保護住佢
但你case唔同 爸爸根本唔想要佢
我奶奶都一把年紀 佢依然好介意自己係父母意外生佢出嚟
所以你都要諗自己要點handle
暫時諗到係呢啲
我唔係冷血唔係想鼓勵你唔要bb
想俾你知養大一個小朋友好不容易
我囡而家1歲多啲 佢出生係我生命中最寶貴最美好嘅事
試過小產 小生命得來不易
但正因為生命如此珍貴 我想俾最好嘅俾佢
如果我係你 喺一個唔適合嘅時間點度有咗佢
又唔想落咗佢嘅話
最後最後我或者會考慮生佢出嚟 俾人領養
不過要接受到bb一出世就要同你分離
以上個人意見
最後點都好 無論係男人定BB定自己
希望你會選擇到一個令自己唔會後悔嘅決定
9個讚
理性咁睇，如果唔要個b, 你係味可以心甘情願同你而家呢個老公一世？
會唔會後悔？
你會唔會覺得你老公某程度係殺人兇手？
喺街見到啲bb 會唔會諗返自己如果當初無唔要個bb, 就會同街上面的bb差不多年紀？
你，會唔會內疚一世？
好喇，到你要個b喇，
你老公要同你分開係味真係捨得？
單親條路唔易行，
社會提供資源有限，除左錢，要有無限心力照顧
2條路，有不一樣結果，睇你點選擇
不過你到左3個月都仲味做決定，其實都要居多，
決定左就無退路，到時想做另一決定時間上都不許可
有咩事就喺到呻下啦
1個讚