結婚半年意外有左 依家快3個月 同老公都未有共識，佢話小朋友唔係佢人生規劃一部分 所以佢未準備同唔接受做爸爸…希望我揀佢唔要bb…話如果我堅持要bb就離婚 以後唔會見小朋友…
我自己都有經濟能力 娘家都可以幫手
但我唔想做單親 小朋友一出世就無爸爸 我生佢出嚟係咪都未必對佢好…
同過老公講可唔可以努力2,3年試下 到時佢仲係好辛苦先再決定點行 或者離婚etc 但佢話咁樣佢係容許左佢出世都有俾到承諾個bb 唔會原諒自己試完唔成功就走左去…所以唔接受呢個做法…
其實我自己都係一半一半 唔捨得老公 但又唔想放棄小生命…時間又好緊迫…要決定要唔要…可能我唔要之後會好憎老公 最終都係離婚…
如果佢係唔想要BB既，點解佢唔選擇避孕？
而家有左叫你唔好要個bb, 佢好不負責任
落仔其實都好傷身，又傷心，佢愛你既應該顧及你既身體同感受
得罪講句
呢個男人自私兼垃圾
同意
咁都講得出口？佢完全唔理你感受！
第時你地遇到咩困難
或者你不幸重病
佢都可以話佢人生規劃冇預要咁既形式行落去
話好大壓力呀,要分暇照顧你影響佢事業
三個月仲可以落？
點解可以咁不負責任，射就識，有左唔要不特止仲話要離婚！！
我覺得你如果有能力，真係早日離開佢好過
well said… 係要兩個人先可以有BB 架… 點解要樓主做個痛苦決定… 如果我係樓主, 我一定一定唔會放棄BB, 因為佢係最無辜, 你哋大人搞出嚟, 但要佢Suffer…你有經濟能力, 單親依家係社會上又唔係一件咩大不了嘅事, 當然係生個阿B出嚟啦…
就算有無bb你都要重新審視吓你同佢嘅關係，佢咁輕易講離婚佢究竟當你係乜？兩個人結咗婚就係命運共同體，無論發生乜事都唔係用離婚去解決問題
結左婚有BB要離婚
佢講出去唔怕畀人笑佢當人白癡呢下好野
又唔係未結婚, 又唔係無能力, 痴線, 咩男人嚟, 唔想生就一早紥左佢啦
不過好坦白講, 呢種男人你生左佢都唔會幫到你手湊, 最後都係離婚唔出奇, 如果你有覺悟係自己+娘家都HANDLE到先好生, 而且拖住個小朋友再搵第2春唔易
我自己就覺得骨肉緊要過老公, 慶幸有生到小朋友~
唔見唔緊要, 個個月傍水唔該~ 唔好以為一句唔見就連錢都可以唔比呀自私精!
唔想要小朋友，又唔避孕，自作孽
無論個決定係點，都即刻同佢book個時間做絕育手術。你揀佢，唔洗將來再考慮落第n次BB，你唔揀佢，放佢出去都唔會令第二個女人Suffer。
叫佢即刻絕育，你先好考慮揀佢定BB。如果唔係，佢講嘅根本唔可靠，但係你面對唔要BB嘅罪疚痛苦會跟一世
睇第一段已經爆晒粗，乜諗野男人黎咖，可以咁曲乖。 真係DKLM
你要唔要BB都好, 呢個男人跟本唔應該同佢繼續落去
諗下到晚年，邊個情景令你後悔多d
恕我講句，生命已經出現左，人仲有咩資格話承唔承諾⋯⋯
諗清楚呀
生左出黎要湊要照顧佢又未ready
分分鐘到時又得你一個照顧架咋
就會更加多拗撬
可能到時都會離婚
請問你老公係咪好細個，解決問題個方法同7歲細路一樣咁幼稚。
佢話唔要BB一句就得，難為老婆要去落仔，又傷身又傷心，佢仲好意思推自己另一半去做呢種事？老婆想留B, 試都唔試就離婚，佢咁易放棄你，難保你落完都搵藉口要離婚。
呢種人成個細路咁，做事唔想負責，用離婚迫人就範，如果你決定離婚，記得叫個男人寫明完全放棄BB所有權利。