同朋友之間總會有一方主動，你地習慣做主動/被動果個？
0 投票者
如果隔左一段長時間冇同對方聯絡，會唔會覺得尷尬？
0 投票者
同朋友試過最長隔幾耐冇聯絡？（以最耐最耐冇聯絡果位為準）
0 投票者
投票既選項可能未必咁精準，哈哈，隨便大家作答…我純粹好奇…
我算係習慣做主動果個，記起對方時會whatsapp搵下佢，某啲時候我會因為身邊比較少人主動搵我而覺得介意…我知道唯有接受，但心底仍然有少少唔開心…我想搵下有冇相似經驗既人…請問你地可以分享下你地係點樣調整自己既心態嗎？
之前响BD見到唔少人話因為政見而少左朋友，藍果啲我當然唔會搵佢地，絕大部份都係我當佢係黃，只係深黃淺黃既分別，我諗除非見到對方講埋啲冷血既野，如果唔係，我未必會斷絕來往…
同埋我assume自己响教會、工作識得既人，正路都係黃多過藍…
唔知大家關於呢方面有冇咩想分享？
你好細個？
年紀到咁上下，都係定時問一句幾時食飯，就出嚟食個飯，都冇乜話邊個主唔主動
我有少少好奇，你係咪寫緊 paper/寫緊書？
雖然冇見面，但真朋友係會互相記得生日，每年都會講生日快樂，之後問候一下。
以前會等人搵
依家可能人老左，發現只有呢幾個最好朋友
所以學會主動問候
我想反問返你，你細個果時會唔會有我上述諗法？
冇，因為我係俾人搵嗰個
不過回想返，我係好多謝朋友們不離不棄咁做主動搵我，否則大家都咁懶的話應該冇得keep落去
真係冇特別理主唔主動搵, 諗起就會搵, 朋友對我都一樣, 想見就見, 唔見嗰陣大家咪過自己嘅生活, 我同朋友之間嘅關係係舒服, 唔難受, 保持少少距離
以前有個女性朋友，十幾年無見，係大學同學，突然 call 我出來 high tea, 結果係傳銷。 之後為還人情幫佢買咗啲嘢，又十年之後，即係幾日前，佢由上海走難返落嚟，又搵我食飯，我求其耍左佢算啦，呢啲絕對係楊千 fa 級數嘅藍人，唔好浪費我時間。
另外一個case係男性朋友，廿年無見，又係大學同學，剛剛畢業時都有出來食 lunch，好有大志和極想上位，最近在屋企附近大快活食早餐見到佢，佢抱住個仔買外賣，兩歲都未夠，我都係同仔食早餐，十八歲仲高過我，我哋就堂食，吹咗幾句，佢話我唔識教仔，點解係我捧餐唔係俾啲後生做，我話無所謂，佢都要幫我搵位和看住啲嘢，都一樣有任務，之後佢外賣到話走先，得閒 call 我再講，喂! 你都無問我要手機號碼，你估我仲用緊 call 機咩?
真係 keep 到幾十年朋友，得返中學幾個同學，一年都可以食到一兩次晚飯。
咁佢個2歲仔有冇棒餐
係囉! 我教仔女多過佢十幾年經驗。
原諒佢，佢可能妒忌你有個咁大既仔，佢個先得2歲，幾時捱到大。
我啲中學同學遲婚嘅，個b真係仲係b，我女都大學了，好難唔令人羨慕
又好似幾有道理…我都習慣做羨慕人果個，有呢份覺察之後，慢慢都會提醒自己睇野唔好剩係睇表面，因為我永遠唔清楚人地背後付出左幾多；同樣道理，响我想得到其他人認同時，因為對方唔係同我一齊生活，所以唔能夠由我既眼光去做到欣賞我、肯定我…結果，我只能壓抑我對人既期望…
想要轉變，唔係咁容易…
唔係呀…不過你咁講，又真係有少少似做research會做既野…
我平時成日睇啲街頭訪問，所以可能心癮起，咪响討論區試下做呢樣野…
我都有想出書既志願(唔係指呢個topic)…唔知有生之年能唔能夠達成願望呢？
我好羨慕叻寫作嘅人。
祝願你夢想早日成真。
你對人有咩期望？
有啲朋友只係一個過渡期，係嗰個階段同佢好friend，之後大家有冇再聯絡， 自自然然就同佢疏離
所以人生唔同階段，有唔同嘅目標，有共同話題/興趣/目標, 自然會成為朋友。讀書時幾 friend 都好，去到一個時間，大家想法天南地北，自然各行各路，十年廿年後再見，關係可能仲淡過陌路人。
人生都近半百，中學同學仲 keep 到因為有母校和正字上共同理念， 而工作上由同事變朋友嘅，轉工過幾年都會淡，因為大家無左共同敵人，例如PK 上司之類。教會入面識嘅仲好笑，入到去幾日就稱兄道弟，咩都講得，咩都要分享，一星期至少見一次，離開咗之後，全部變晒陌路人。
真係好想有一班朋友 hehe haha 嘅人，我建議搵一種群體活動嘅嘢玩，入行山 group, 長跑 group, 勁騎 26 group, 你一日仲有心有力，會 keep 到一班見得好密嘅朋友。
其實宜家好興自資出書既
儲多d 錢就有咁既機會架啦
加油