食自己鍾意食嘅野好呀
我果陣開始試就戒左凍飲同生冷野，諗住血氣好啲，又怕萬一中左食刺身會有李斯特菌咁
所以到之後諗住由佢順其自然唔特別戒口，個人心理上係輕鬆好多，照飲凍檸茶，珍奶
1個讚
Haha same same 係廢是食太多
而家唔理了
聽日睇醫生輕鬆睇 睇完喺中環食餐好 
1個讚
好明白你既感受
係好大壓力
但旁人亦唔明白呢件事可以好難
係~
我都覺得我最唔想聽到係呢句
成日叫我放鬆就自然會有
之前就係放鬆咩都唔check 但一直都無消息
先會去到睇醫生果個階段
我個人經驗是：
明知IVF有排等，唔理咁多，總之想生又唔係好得，就睇醫生，要求寫介紹信排隊做IVF.
最後好彩是成功的，但是好多年前，孩子都讀大學了。有很多細節忘了，但最記得是壓力大，好大。
我是在瑪麗做到的，到現在也很多謝那裡的醫護。
大家努力，加油！
我情況同你都似，醫生話做完朱古力瘤手術半年內應該好易有，仲未有就返去搵佢，半年後返去搵佢就驗到我地兩個指數都非常唔ok，佢打嚟個個月我地就放棄咗就即刻中。機會微唔等於唔成功
2個讚
係啦~
政府排好耐架
見醫生仲要試埋iui 唔得先俾ivf
有心就快手排
1個讚
今日睇完醫生，發現睇一個好嘅醫生真係好重要！
自己上網睇係冇用，只會有更多猜測，唔會有最合乎自己嘅見解
醫生解釋完，而家先清楚明白iui係咩嘢 
1個讚
係啊 所以好緊張 怕錯過黃金時間
然後又朱古力瘤復發
今日睇咗一個好醫生 今日 Day 11 照到左邊有8個卵泡
右邊（做過手術）有一個大卵泡 好快就排卵
醫生話我冇問題 做完手術個AMH低係好正常 因為始終都會有肉眼睇唔到的組織做手術時被切掉
但今次排卵似係手術嗰邊嘅卵巢 證明冇影響到
仲幫我計哂日子行房 同埋比左樽仔我 如果下個月有period 就可以在家取精 拎去驗 唔洗在化驗所強行起機驗
我老公都感覺好啲 唔洗咁大壓力
醫生再就我有貧血狀況 計算 on top of 我食緊的supplement 再加葉酸
呢啲真係睇醫生先會安心 但比人陰超咗15分鐘 
多謝大家鼓勵 
3個讚
試左1年唔成功就去做基本檢查, AMH低本來想去台灣做但又遇covid冇得去, 而家有調整心態, 想有但唔強求
同路人,好明白你嘅痛苦真係!
我都係32歲開始求孕,求到今年35喇,
之前試過2次IUI都失敗,
剛剛第一次IVF開針取卵,
AMH低都唔算咩事,其實最緊要質數好!
我年頭覺得M短左又少左即刻又去驗,暴跌只有1.5左右
個時冇驗FSH, 因為我都打算做IVF喇,
之後該養卵都會乖乖養, 所以驗少D沒差別,
努力左幾個月,上個月抽卵抽左18粒,有17粒成熟
題外話,有見過人地話驗一次AMH低有可能個個period 冇排卵,驗2次會准D,
我AMH低,以為會抽到好少卵,最後結果都抽左18粒,
所以數值都係參考下算啦,
當有個心理準備可能抽得少D囉…
但又咁講好多人抽得好少卵都可以BINGO,卵子精子質素好就OK
最後最後我建議你做兩手準備好D,
如果睇開私家都冇問題可以照睇,
自然又好,排卵藥又好, IUI又好, IVF都好同時間競賽呀嘛,
但同時建議拎埋轉介信即刻排瑪麗醫院/威院公家症,
我就係後悔冇拎轉介信 
而家35… 排得黎人地未必侵我玩,
因為IVF始終都唔係100% 成功, 活產率只有40%左右
而私院IVF真心好貴 
(我仲要已經做左2次IUI)
如果有左,用唔著公家當然最好啦, 到時米打返電話去取消booking囉
但萬一… 個度講緊輕則10幾萬, 2次就係20幾萬…
祝你順順利利!!!
1個讚
知道 收到哂！
而家又到咗等呢個cycle中唔中嘅時間
如果period嚟，要先驗多次老公啲精
再決定下一步做IUI/拎信轉介～
講真10萬…去旅行仲好啦 我
多謝你的分享！我會把握機會
五月時自然懷孕 中咗仲好開心
星期六照bb8週但未冇心跳 size亦不正常
我累了
呢幾年運動、疫症、失業、結婚延期兩次、搵到工、轉工
3月完入過醫院，咁快又再入醫院
我好想了結所有的事
我唔係好似其他人咁不幸 比我更慘的人大有人在
但的好似真係向唔到前了
又要過關
抱抱~
你已做得好好!
明白你心很累
有咩可以上黎呻
相信呢度大家都會支持你
1個讚
抱抱
嗯⋯⋯接二連三發生咗好多事，攰係正常
雖說時間唔等人，但身心健康都好重要喔
既然攰，不如停一停俾自己抖一抖先
1個讚
抱抱,已經盡試左,你已經做得好好啦!
我有朋友之前都切過朱古力瘤,今年已經生第二個…
年輕就係本錢你身體質素又唔差,其實可以樂觀D唔怕
既然有自然懷孕經驗下次都有希望呀,今次可能BB帶漏野,下次執齊包袱架啦!
我地人生又唔係只為左生仔,生仔只係人生一部分經歷
試下將「生仔」睇輕D,將「自己」睇重D,
煮下野食,扮下靚,進修下,嘗試減低求孕壓力同無力感…
諗下點樣對自己同屋企人好D,分散精神
想放負就盡情放,放完又一條好漢架啦!
希望你心情快D恢復啦
1個讚
呢句講得好呀 
無錯~
自然懷孕成功已經距離成功又近左一步
(利申: 我就係自然懷孕好耐都唔成功)
1個讚
多謝你 我癲咗喊一個星期已經好好多
係啊 停一停 抖一抖 希望個心諗少啲呢樣嘢
嚟緊年尾公司就會好忙 同事12月生仔 聽到佢講啲bb野個心都好多感受
佢早排仲要中左omicron 我6-7Wks時一個人做野辛苦至死
希望日子快點過 
或者快啲比我轉到工 
啱啊 我知道太想要都會太大壓力無
最衰無得去旅行散下心
但好彩我先生好好 日日聽我重覆講嘅嘢
佢好好耐性陪我 如果唔係佢 我都會繼續以淚洗面
今個星期五最後一次照同埋見bb啦
已經打定輸數 心理都準備好接受呢件事
希望下次bb帶齊嘢再搵我做媽咪🫶🏻
3個讚
Update:
7月26日 係我自己生日前一日
早上8:30就去了診所報到 做吸宮的流產手術
姑娘全部都好好 在手術室等醫生嚟嘅時間係最難過
訓咗之後好快就醒翻 姑娘好溫柔問我覺得點
但唔知咩原因 我就爆喊 模模糊糊又訓翻
去到中午我先生嚟接我，姑娘就扶我去洗手間
小便量足夠就走得了
完成手術沒有立即覺得好唔舒服
我哋揀咗做手術，因為醫生覺得我個case唔好再浪費時間 所以將胚胎送去中大驗染色體
如果bb染色體有問題，就休養好，養好啲卵
安排先生去驗精就可以 之後再自然試吓
好可惜 8月3日我收到診所電話
姑娘在電話中告知我bb沒有染色體問題 是健康的胚胎
因此下次覆診就會討論下一步的行動
等我正常嚟M後，就安排驗免疫/凝血
姑娘安慰我，在他們診所係好常見嘅
收咗線之後 我就崩潰爆喊
又中 點解次次所有報告都係咁
前面又有好多關要過了… 本來我已慢慢接受了事實
我知道比我不幸的人更多
我還有機會 不是死刑
但這些一次又一次失望的日子
我不知道我是否能支撐下去
最好的幾位朋友最近也順利懷孕 還去了我本來約見的婦產科醫生
她們全部都不敢找我 我生日也不敢找我
我知道她們都在 只是不敢找我怕牽動到我
我也不想見到佢哋
下星期一我WFH及病假完了
我又要回到office, back up 那唯一的同事，仲要係大肚嘅同事
個個都大肚 就是我沒有
試左1年唔成功, 年紀又唔細就開始睇醫生做檢查
我明白
都想搵人傾訴下 介意pm 傾嗎
1個讚