我嚟緊32 老公36
我哋試咗半年了 我經期準 冇經痛 冇多囊
但舊年年底發現了朱古力瘤 今年3月尾做咗微創 順利
醫生從外觀察話輸卵管睇落都靚仔
叫我如果有生bb計劃 呢半年要努力
手術後都努力左兩個cycle, 紅D CB用哂 量體溫
就係呢句「呢半年」以及我疲於做身體檢查、聽報告的心理壓力 我真係好stressed
咁啱同事無啦啦意外有bb 成日講佢點樣唔舒服、成日請假睇醫生 又分享佢有咁嘅喜悅
我真係只好微笑 個心好難受啊
連我阿姐都問我有冇努力 驗排卵
最好的朋友都叫我唔好咁大壓力 叫我放鬆啲
但我而家唔識點樣唔諗 點樣放鬆啲 好怕朱古力瘤復發 好怕之後又要做N次檢查
我早兩日去咗抽血驗AMH FSH 咁我呢個情況應該幾時開始要睇生育科啊？
我老公講過幾年前驗精個過程好不愉快 係排隊去洗手間 洗手間外面有其他男人排隊 又污糟 好討厭呢個感覺 但報告入面話佢精子數量同埋活躍度都差少少（唔係偏離好遠） 佢話因為好痛苦環境好差有影響到佢
如果我叫佢再驗都唔知點開口
我真係冇諗過自己有生bb問題
抱抱，我同老公試左半年就睇私家。
好明白好想有Bb 但每個月都黎M嘅失望心情，我都經歷左好多先有一個小朋友，明明我同老公都好後生，精卵都高分。
結論係無論之前花幾多錢，BB要黎自然黎⋯⋯
人人都叫我放鬆，但講就易做就難。
事實當年自然懷孕就係因為有嘢令我分心，令我唔去諗BB，之後就即刻懷孕
真係想要而經濟許可既，早d睇醫生當問下意見都好，因為好多野都要配合cycle去做。
其實你老公已經驗左次而又唔係太差，我估佢未必使再驗的咩，因為人工方法會篩走佢唔好嗰d，同埋，（衰d講）你唔使太擔心佢啦，因為我諗你要承受既比佢多好多…因為佢永遠唔會明行行下街突然黎m嗰個感覺既失落…仲有打針食藥…
best wishes to you 
如果佢知你都想要而咁樣分享，建議疏遠…
通常醫生都係叫話試一年
冇就先要睇醫生
平常心真係好緊要，我果時試咗9個月都係冇，睇醫生先知自己多囊，後尾做下運動，跳下繩，就中咗
試左一年就睇醫生，睇完都搵唔到原因，醫生叫我地直接ivf算，不過見我後生，“即管”比我試下食4個cycle排卵藥，我地已經打定輸數做ivf，結果第3個cycle就自然有左
完全明白你嘅感受，當時每個月見到 m 到失落到喊，聽到朋友 bingo 咗個心會好難受
我試咗 1 年唔得就排不育科同睇中醫，見完不育科醫生安排做 IUI，不過做咗一次唔成功，反而 IUI 後 2 個月自然懷孕。我做完 IUI 後搬咗屋近老公公司，佢唔駛搭車同早咗好多返屋企，唔知係咪因為咁所以 bingo。
排私家不育科至少要半年至 1 年，可以試半年唔得打電話排隊，一邊排一邊再試自然懷孕，如果成功 bingo 打去取消 booking。公立醫院都有不育科，要 35 歲前排隊，不過要排幾年，但收費平過私家好多。另外，而家驗精多數係屋企擰樣本，一個鐘內擰到診所就可以，唔需要喺診所廁所擰樣本。
放鬆心情，bb 好快上門搵你，祝早日 bingo
Thank you for sharing 
我以為自己身體好好 應該好易中 加上我未開始已經睇中醫打底 睇咗>1年了
我都好想搵啲細藝分下心
6月開始學翻跳舞同埋日文
同啲朋友hang out下 希望個心會開懷啲
其實我知佢唔係有心
但因為佢突如其來的BB 佢最近係咁請假/突然一請請幾日
我明啊 我真係明 有咩緊要得過bb
不過佢可能見我最近唔想同佢講嘢 所以佢好主動同我講嘢 咁就會講咗去生仔度
佢係我工作上唯一的partner 而家我一個人努力緊
好彩係阿姐都睇得出得我好努力…
但我內心快要崩塌 我都好想放假 但要夾佢做檢查啲時間
唔通我唔恭喜佢咩 佢都開心…
回想當年我都係用左一年都冇ｂｂ，個個月黎ｍ都想喊，一年後才做ｉｕｉ，一次就成功，當時情況我有子宮餾２粒，老公精子形態ｆａｉｌ，要２才ｐａｓｓ，， 個一年好想要ｂ，反而冇，中間同老公嘈左好耐，回想番，早知早ｄ做ｉｕｉ，都係用１萬蚊醫療費，唔駛嘈咁耐，大家怨大家，生完個ｂ之後，疫情下唔想要第２個，怕煩，點知又突然有左（真係放鬆下係易有好多）不過個人要放鬆好難
啊 我都係知要試一年
但我比醫生嘅 「最好3-6個月內有bb」兇咗下
因為朱古力瘤易翻發 我選擇唔食荷爾蒙藥去控制 希望呢幾個月會中
但bb就係唔去急嘅子宮度
唔怕，我朋友朱古力瘤+40高齡，試左幾年都冇，一放棄生仔就即刻有左，不如你都試下「放棄」
如果你覺得係真心朋友，都可以同佢傾下既，好過獨自難受…
有啲診所可以喺屋企準備先，不過之後要即刻攞過去
通常好想有嘅時候就唔會有，唔想有個時佢就會出現
抱抱，大家都係同路人，互相支持
我38歲就快39歲了
回想返咁就過咗1年半…
不斷睇中醫，調理，戒口，結果驗到兩條線喇，但醫生一看就知道不會再長大…3個月後自然流出，感恩
坐小月後又再努力過無好消息，但係不斷睇婦科醫生，因為分泌物異常，要醫返好呢樣個樣先可以再努力，結果一搞就一年，最後好彩自己有多口問句點樣排期，醫生就寫轉介信俾我。
揀咗排得最短時間嘅瑪麗醫院，黎緊6月首次面談。
每次聽到邊個有咗，邊個快就生得，邊個生咗個仔/女，心裡都不好受（其實都有擔心自己會諗歪，但只可以叫自己唔好諗歪
）我亦真係選擇過疏遠。
我都會勸妳放鬆d，做下運動，分下心，好多人都話咁樣得咗架
不過我自己都做唔到有一次第二朝要見中醫，見之前要先驗孕，個晚訓覺發夢都圍繞住
我就知道內心心底有多大壓力。
襯住覆診時問多句醫生，請佢寫轉介信，咁就可以排自己心儀嘅醫院，唔洗好似我因為政府趕尾班車焗住揀瑪麗好遠等嘅過程再努力一下先，中咗獎咪取消預約囉加油呀！
醫生當然盡快睇最好，等醫生比多啲意見你
我自己個case都幾慘，開頭結婚幾個月就自然懷孕，之後小產，同年再小產多一次，到第二年做ivf又再小產，個心已經完全放棄，點知今年又再自然又再流了，總結咁多次"經驗"，除咗physically捉緊個排卵期之外就係放鬆心情，避開影響你心情嘅人，呢件係你兩個人嘅事唔好聽太多，本住有就bonus嘅心態會容易好多，jm加油呀！
真係好唔容易 抱抱
尋晚搵啲啲好friend的好姊妹傾計 發洩一下之後我都好好多
希望疫情好啲 多啲見下朋友 做下其他野 我會分散下注意力冇咁大壓力啦
不過我都約咗一個上網啲人話好溫柔的醫生 監測排卵 同埋問下醫生意見
我今個cycle Day13 驗綠D前一晚都係發呢啲驗孕夢
我知道要係時候distract下自己…
學上面姊妹話齋，可能要試下「放棄」
試左一年未成功就去左家計會睇, 兜兜轉轉用左用左5年時間先做IVF, 當中有試過量體溫check排卵, 做朱古瘤手術, iui, 由未高齡做到高齡。以為懷孕容易原來係甘難