本身已到左英國一排, 打算買物業住, 大仔現在讀的中學麻麻, 會幫佢轉校, 問過附近學校, 可以有位的學校是A校(A區)同B校(B區)
A校的成績較好, 但A校遠離市中心一些, 約30分鐘車程，A區以現時的BUDGET, 我可以買到全新過千呎心水大宅。
B校的成績都不錯，離市中心較近，20分鐘車程，但只可以買到舊的800呎左右的屋。B校同B區有我仔一個好好朋友，由細識到大，佢2個同校同區的話就一定會由朝見到晚，我作為媽媽其實又唔係好想佢2個咁, 怕因此會影響佢地各自識朋友。(現在佢2個分開住都不時一齊出來玩，而且各自都有自己學校朋友，另阿媽其實唔想成SOCIAL)
配套方面：A區會好少少, 因為A區本身比較大，有超市, 圖書館, 火車站等，但預期A區會超多港人住。B區就小地方，沒有大超市，買野要揸車10分鐘左右去另一區買野，但傳統區，多本地人住。
工作方面：2個地方都唔近，但因為做的工作都唔難搵工，估計搬左之後可以再搵到。
媽媽就想A區，因為日常生活包括住屋會方便及好些，但朋友來往會長左(揸車時間會由現在20分鐘變左30分鐘) (朋友太約一個月見2次)
爸爸就想B區，因為近朋友有照應，可隨時放低小朋友，同埋層樓感覺會保值些。
A! Better school , 多配套。見朋友才1 個月見2 次、每次多10 分鐘、但屋係日日住！
我會揀 A 區
-
靠自己好過靠人，你而家為咗近朋友而想㨂 B 區，難保你朋友日後會搬走去其他區。我揀落腳點只考慮近返工，唔會因為朋友住邊而揀嗰區。
-
A 校成績較好，而且 2 個香港咁 friend 嘅小朋友讀同一間學校，肯定會自己玩，少咗好多機會同本地人玩，冇融入得咁快。
-
舊樓要搞裝修好麻煩，人生路不熟，隨時俾人呃錢。新樓收樓即刻住得，煩少樣嘢。
-
朋友每個月只係過嚟 2 次，爭 10 分鐘車程唔會爭太遠。
好奇想知點解 B 區係小區但層樓會比 A 區保值？
1個讚
係喎…
同埋梗係A啦、你都係為成績先轉校、同埋你話超多香港人、其實更易識朋友吧⋯⋯
因為B區近市中心些，同埋A區有不少新樓起緊/已起好
A
如果有熟人就好容易會不自覺縮細自己社交圈子，反而大海茫茫冇依靠就一定要向外搵人。A 校可以住得舒服又多配套，贏曬！而且朋友平日可以 Skype 下 Discord 約打機，一個月見一兩次聚餐。
你小朋友都中學，冇乜需要 “隨時放低小朋友”，除非你要出外超過一日，不過超過一日你住 A 定 B 都會照送佢去朋友家，所以都唔係咁重要。
依家咁樣邊度都多香港人，但我唔覺得香港人/本地人係一個缺點或者優點。
A, 各樣條件都好d
車程差10分鐘唔係咩，又唔係日日去
因為A區太多太多新單位, 即SUPPLY多左，另一方面本身B區近市中心，傳統本地人喜愛的地方。所以覺得B區較保值 （咁老實，Ｂ區一直是自住為主， 放盤數目少，一放盤都易賣出。Ａ區因現時多新樓出，Ａ區現時舊樓好多時只可以比買入價貴少少售出，如果以升幅係比較是較弱)
A 應該將來都好多香港人, 你仔仔去咗A 校都可能係好多香港人, 尤其是仲有甘多 new build 吸引香港人. 我呢邊英格蘭中部已經係甘嘅情況…
咁其實只要阿仔同佢朋友可以有本地人圈子，融入當地，就ok？
我估你個仔都prefer B區？
如果係咁可以諗下佢可唔可以建立到d 新既興趣，咁就有機會識到新朋友？
我仔當然PERFER B區, 但我仔現在同朋友在不同學校及不同地方居住，佢都有朋友。佢適應並非問題。
只係爸爸成日想同朋友近些，同埋B區樓價穩定些，或者日後B區返工近少少。
A，所有都較B好，只係不近朋友
再者30分鐘車程搵朋友係可接受，始終唔需要日日見