請陪月的個人經歷

孕前產後 產後調理
1

純粹想分享一下請陪月的注意事項同個人經歷

我剛剛坐完月，我個姨姨有經驗，盡責，不怕蝕抵，成日自己OT，煮嘢食正正常常，錫bb。聽落好似幾好，但同我唔夾，我亦都覺得佢令我人奶路崎嶇咗。

佢係傳統派，唔係好夾到我想餵人奶，由day 1已經係咁幫我仔奶樽補奶粉，唔係好識睇覓食訊號，按schedule餵食，宜家滿月，我個仔變左唔多肯埋身。岩岩生左其實要密密埋身造奶，但佢嘅schedule令bb每日訓得好多，只食6餐。我當時又唔識得用電泵，錯過左黃金刺激上奶時機。好多餵人奶要注意嘅嘢佢都唔係好識。
佢都成日話我唔夠奶水，餓親bb，要補奶粉，啱啱生完玻璃心真係會俾佢激死。
Interview一定要睇湊仔方法夾唔夾，佢有無相關知識，同埋佢重唔重視你關心嘅嘢:upside_down_face:

1個讚
2

我明呀

每個媽媽生完，多多少少都有啲情緒。

第一胎既陪月講野會避重就輕，同佢傾計覺得好舒服之餘又學到野。仲識睇眉頭眼額，當年好多人黎探 BB … 佢有時見到我面色唔幾好，會幫手應付下啲姨媽姑姐。輕輕鬆鬆就坐完月。

第二胎請唔返之前個陪月，請左另一個，係權威型。由day 1 開始就不停催我快啲沖涼，快啲吹頭，快啲趁熱食飯，快啲休息…催到我都緊張埋，結果要請佢提早完約，寧願叫月子餐仲好。

3

丫，我個陪月就係你第二胎個type！

4

呢個故事係關陪月員，
係一個中醫同我講，

有個孕婦坐月期間，陪月員買「豬頭骨」煲湯比佢飲，
飲完之後佢個頭腫到好似個豬頭咁！

佢去睇中醫睇吓有冇辦法醫，
但係醫生同我講，佢都唔識點樣醫。