呢兩年疫症期間，響返唔到學既時間，除咗跟學校功課外，我自己都盡量唔偷懶，同阿女一齊搵嘢學習。
受到隔離早教資源POST啟發，我都想分享一下自己搵到既資源，希望可以拋磚引玉，吸引多啲人一齊分享，使更多家長同小朋友受惠。
呢個POST入面分享既書或網站我都有用過，但好多想法純個人感受，所以唔岩用的話唔好批評，唔睇就得了 
想睇幼兒早教，請移玉步︰
英文資源
1, 閱讀理解︰
呢個網免費，會分唔同程度出短文比小朋友做閱讀理解，然後會根據小朋友成績自動調節下一篇文既程度。聽講係跟英語系國家既學生閱讀程度咁分，不過我冇深究，只係得閒就開比個女做下。有時成個月都冇用過。
2, 之前有人問過audio book邊度搵，我就用以下呢個網。比少少月費就可以每月有一個credit買書聽。我個女一得閒就長聽audio book，聽到當廣東話咁。
3, 阿女細個啲既時候我響ladybird度聽audio，有英音同美音，故事唔太長，好岩幼稚園至初小生聽。
常識科
1, 既然交咗稅，就要善用下政府資源。
https://emm.edcity.hk/category/學習領域_教育層面++KLAs_Levels+of+Education>小學常識科+General+Studies+for+Primary+Schools/172368902
2, 呢套書可以當係英文資源，但我當常識咁睇。每一本唔太厚但係深入淺出咁介紹咗名人、名事、名地… 雖然封面啲畫唔係人人鐘意，但內容好豐富，好值得推薦。
數學練習
搵過好多練習，但唔係本本都岩風格，以下幾本係我用過後覺得唔錯既︰
1, 培生星級系列數學文字題
全部係應用題，有啲要腦筋急轉彎，有趣過就咁不停計數。樂思果本都唔錯，但兩本揀我會揀培生。做數學練習我會同阿女一齊做，咁先知佢唔明乜嘢。因為一齊做太費時同傷腦(傷我個腦)，所以我只會揀佢唔識既topic先做練習。
2, Poplearn mathematics skills booster
其實我女學英文數學，坊間資源唔多。試過買一部英國數學練習，但其實都係操練式咁做。反而呢本港產多D文字題(貼地文字題)，實用性高啲。
3, Pan Lloyds Side by Side mathematics exercises
呢本都係為數不多既英數入面比較多應用題既一本。同上一本一樣，兩本英數通常係考試前先會響我女枱面出現，當做溫書。
仲有一啲中文同數學書想推介，但要等有時間先慢慢打出嚟。
如果大家都有初小資源推薦，希望可以一齊分享
9個讚
我個小二男仔，唔谷得，除非個科考得好差先肯做練習，所以真心，做練習嘅心得分享真係無乜…得以下少少幾項
-
兒童的科學 - 書跟一套stem玩具或教材，每月一本，仔每個月都好期待。書展訂會平啲同多贈品。全靠呢套書同大福，仔先正式脫離中文文盲一列
-
National Geographic Kits/ KidzLab - stem玩具，志在俾小朋友自己研究下或按觸下
-
Scratch - play to learn programming. YouTube有教寫game
-
MEL science - 我未用過，聽朋友介紹係幾好玩。subscribe左會每月寄一套experiment kits加instructions，朋友揀左chemistry, 要父母陪玩
1個讚
如果audio嘅話我小朋友好細已聽唔睇，因為小朋友學習係聽說讀寫呢個次序，所以其實佢地聽得明架
1個讚
有啲係其他媽媽推介，我試用覺得ok再推薦比其他人。
Ladybird真係好正架，鐘意嘅仲可以買埋書睇。
我個女一直又聽又睇書，有時有啲新書未到，佢會買住audio聽住先，有時就會聽sample 揀書，我都唔係好清楚佢幾時開始聽得明。不過我就由細比佢聽到大，佢啲聆聽能力同口語句子就係咁儲返嚟。
2個讚
（ps 對screen time 好有保留嘅老土人一個）
不過我都照比佢玩，希望有一日會培養出興趣