1.我今天去左拜四面神 今次係我第一次拜神祈求 所以都幾緊張 雖然院子入面有工作人士教我點做 加上當時落雨（下雨好似唔影響拜神） 我拿住傘都笨手笨腳咁 而我在講願望時好似講錯左 我願望係希望神幫助我通過一D令我絕望既難關 我當時好似講錯左祝我通過難關 會唔會令神覺得我只係想衪祝福我而冇幫我？？
2.重點來了 我離開院子後 發現自己唔記得講咩時間會還願 頭先提到字眼上講錯左 然後對著岩岩院子比既平安繩 補充同更正願望既內容 再繼續我下山既路程 過了十分鐘左右 我突然感到四肢好軟好無力 頭昏腦脹 哈欠時淚水比平時多 有想嘔既感覺 仲有打嗝 連落樓梯都比伯伯慢（平時我一定唔會咁慢）當時即刻google 有人話係與神的頻率相同時的既特徵？ 除左身體某部份會發熱之外 其他特徵我都全中 而呢D情況維持了一小時左右就結束左 想問有冇人有呢種經歷?
3.我晚上約完朋友番屋企時 樹上突然有野掉到我條頸 我以為係樹葉 用手拿起來睇下 原來係一隻甲蟲（當時夜晚但應該冇睇錯）（我本來好怕蟲）所以嚇得即刻放手把牠掉到地上 呢個時侯我突然記起我前一兩天睇過一個網站就是就拜完四面神唔可以殺生…但我當時真係只是被嚇到先咁… 雖然當時蟲好似已經死左 因為佢掉到我條頸果陣 同我拿起佢果陣完全冇郁 但問題是 我番屋企後 見到一隻蚊 我馬上拍死左佢 一秒後 我又回想起唔可以殺生一事… 所以我依加係咪已經唔可以受四面神幫助…？
4.最後一條問題 大家知道如果我講錯願望既字眼和唔記得講還願 我應唔應該盡快再去拜一次?