宜家4x歲人仲未轉變著衫style，唔知突然老咗會點
話說十幾年前開始無幫阿媽染髮，每次都叫佢出去染，就係接受唔到佢變老，近來返去食飯見佢一頭白髮，個心好唔舒服
老就唔會突然，係慢慢既~
不過都有諗過老咗個樣…尤其對眼dup晒。 
衣著應該會偏向運動款，髮型都想知，見好多老咗都係短髮或見啲阿婆電曲髮（唔明解）
唔早死都會變老
1個讚
冇得驚，係要慢慢接受，尤其你講緊既係樣貌/外表上既轉變
3個讚
未見過阿婆係齊陰添，我個額頭又核突到死
外表變晒巢皮都驚。最怕係我無仔女，驚老左做孤獨老人，自己一個孤零零住，暈左或者屎左無人知。又會諗有病無人理，請工人姐姐驚比佢虐待，又諗過如果老到照顧唔到自己，要入老人院，又係比d職員恰
諗到就驚
除咗外貌，都驚體能唔掂去玩都唔得
近來已經開始老花…
之前有個po問老咗點租樓，係咪要比一年租
我驚就算自己有對方都唔肯租
我有一個小朋友都有你呢個諗法。
我硬係覺得我老咗會係得番我一個人或住老人院長瞓眼光光望住天花板等時辰到。
老花都唔係問題，最怕係白內障。
都唔知老咗仲可唔可以玩app打機~XD
2個讚
我反而對老人家多左體諒，我知道遲早一日我都會變成佢地，眼矇耳聾動作慢，而見到精精叻叻周圍去嘅老人家會羨慕，想最好死前行得走得，死時最好睡夢中去
1個讚
驚呀，我已經 40+，開始驚到更年期
仲驚出皺紋
我都驚，不過我又覺得，順其自然， 因為根本著唔起後生look，自己都覺得好怪
但有種老人家好難會令人體諒。
明白有時要有口德，但有啲老人家持住自己大支野個時，真係會恨不得咒Q佢～
當然，我亦會同自己講唔好變成個啲老而不。
講起又諗起以前曾經去探訪老人院，有個伯伯就係長期瞓床，一同佢傾偈佢就喊…
題外話：當年係跟長者安居協會去做探訪，呢個組織真係好好，佢地嘅理念係多啲人去探訪老人家就唔會比人蝦，係去監察老人院嘅操作，會安排我地長期探同一個老人家，特別係無親人嘅老人家
題題外話：聽到啲姑娘話XXX又瀨咗屎啦，我地就啤住個姑娘唔好比佢覺得咁講係無所謂
2個讚
咁呢兩年疫情，其實仲有無繼續探訪？
好驚停經個人會老得好快 
無喇，停哂
我都驚，更年期嗰幾年個人會唔周身舒服，情緒又差
希望順利捱過
我都懷疑緊自己都係咪開始踩緊更年期。
日日心情都煩燥不安咁。唯一唔燥個時係嚟Ｍ，簡直佛系~