因我當時只做了Level 2 的測量,該公司沒有提供維修報價資料,我現時有冇途徑可以拿到報價單？正常做法,業主會否要求buyer出示報價單？
想叫 seller 減價？
你想講乜？一般surveyor 只負責檢查樓宇，唔會同你計埋維修費用要多少。況且整屋呢D 野好睇個人喜好，又唔一定surveyor 講既問題全部都必須要整，價錢亦有平有貴。
一般做法係：你自己按survey report 問builder 大約維修費用。如果你覺得問屋好有問題 / 維修費用高，咁就可以試下同賣家傾下可唔可以減價。不過我覺得應該都冇需要俾份報價單賣家睇，因為就算你俾份報價佢，都唔代表佢要減價俾你，尤其是而家樓市旺。
1個讚
請問有冇網上send相給builder…估測裝修費
如果話間屋有問題 想要減價
做法做係叫builder 報價, 然後再同屋主deal
Builder未必睇相就報到價
可能要親身去先報到價
但屋主又未必再比你搵人入去佢間屋
所以一係就約晒幾個builder同一日去間屋睇
另外有啲builder 要比少少錢先肯黎 怕你運吉 有啲就免費報
如果一切順利報左價,你可以同屋主傾
如果屋主肯減少少就好,但如果屋主唔肯 …你又要煩
利申: 睇中過間屋 屋主唔肯比builder再睇 我覺得屋主玩野 無誠意賣 最後拉到 蝕surveyor錢離場
你本人喺香港隔山買屋？如果係，你搵唔搵到喺當地有裝修間屋既朋友，請佢地問下builder ？你唔一定幫趁佢地，講真佢地真係未入會報價俾你，但你都可以問下如果要整呢D 野會唔會好貴同麻煩再衡量。
如果你自己本身已經喺當地，咁就試下問下鄰居有冇相熟builder 介紹再報價。
我自己經驗，通常surveyor 寫既野其實唔一定全部都要整，除非係第3 級，即係最嚴重既defect。第2 級既你都可以望真下係咪必定要整先。
都問過一些builder,冇人想去睇,唔得閒
我在uk’樣樣都不熟手,例如間屋D地腳線全部甩爛,想換應該找什麼工作人員？個企缸滲水,又驚住連堵牆都要換,係木板牆⋯我已睇屋2次,
唔熟裝修最好買比較新或裝修較新嘅樓，煩少樣嘢。呢邊搞裝修好麻煩，乜都要自己跟，唔係有錢就搞得掂
因為報價又無得收你錢 你又未落實買間屋 佢地未必肯黎
你有冇英國人幫下眼睇你份report
我個鄰居好好 幫我睇過成份report
其實講到大問題嗰啲其實好小事
係有一兩樣真係搵builder 睇清楚
佢話間屋除非地基斜 屋頂下塌 成間屋漏水 天花黑 其他對英國人係好小事 未必會整
企缸滲水 你睇屋嗰陣有冇留意到
如果滲水去到牆 都好大工程
除非間屋好平 一有滲水都要諗清楚
間屋本身有冇人住緊?
如果有人住開 電線嗰啲應該唔會電死人掛 如果唔係一早整左 因為電線都危險喎
1個讚
如果真係有懷疑，建議真係唔好買。因為你自己都唔熟裝修，又冇信得過既builder。
啱,我在香港時裝修都煩,何況在英國 
謝謝你的意見，人人都怕滲水唔該 
我們要認真考慮,謝謝
普通滲水其實幾常見，真係要拆開睇先知
如不嚴重，英國人一般有普通維修知識
香港人都應該多睇 youtube 學下
請問如二樓漏到一樓天花有撻水漬，咁係嚴重定輕微？四周牆身無受影響
謝謝先
如果肉眼都睇到，你自己安唔安心?
呢啲真係要專家驗先知,因為我唔識
我睇過一間屋,滲水滲到一撻,大約23寸電腦mon咁大,業主話已經搵左人整,可以比埋整嗰個人既聯絡資料同比report你睇加埋有保養五年,除左呢個問題,間屋好正,
結果業主自己減左兩次價, 不停問我地睇屋嗰啲人意見點,最後見到佢最底價 比開價平左8%先賣得出,佢原先開價已經比其他屋平。
我覺得連本地人自己都睇唔上眼既屋,都要諗清楚先考慮買
(我原先唔知間屋滲水,覺得間屋間隔幾好,價錢又平,如果我知間屋有咁明顯滲水,我唔會去睇,果然無平靚正既野)
1個讚
室內漏水，一係來水一係去水。
哩度牆身同地下都用木材，比起香港既英泥入牆喉易攪好多。
𠝹開部份地板或牆身維修便可，搵人做係貴在要花時間搵漏水源頭。
2個讚
揾人做就乜都貴，來到 uk 點都要學下維修
就算 new build, 10年後有嘢都要自己搞返
我見好多屋浴室地板都有d滲水，如果都諗住裝修嘅，買都冇乜問題。
當然漏到好勁穿左成個洞去樓下，成個牆身滲就唔好買。
呢度是否冇大判這人物？下下要自己去找不同的師傅？