戴定頭盔先，唔係想撩交。
可能呢度嘅會員好多都好後生，係佢哋眼中的長者(超過60歲)，個個都冇咩朋友，生活圈子又細…
因為我自己半退休(freelancer超過20年)，係生活上面，成日都接觸到好多已經係六七十歲嘅已退休人士，佢哋每星期都好多活動，行山，打波，踩單車…
以我父母同我哋嘅長者親戚為例：個個都八十歲以上，但係佢哋同你所分析嘅長者嘅世界好唔同。佢哋嘅生活圈子並不細，疫情前，個個星期返團契，教會祟拜。有時約同學(你冇睇錯，真係同學或校友)食飯吹水，閒時打吓衛生麻雀，一年去2次長期旅行。
我成日同我老公講：約屋企長者平日見面，要早一星期預約，否則難齊人
。
或者你同我都只係接觸到部分長者，所以大家對長者嘅觀感好不同，冇話誰對誰錯，我淨係想講：長者同後生仔冇太大唔同，一樣有唔同嘅生活方式。
可能你見到好多長者鍾意上茶樓，只不過係後生嘅平時要返工，邊會係茶樓打躉，就算lunch，同同事飲茶，大家都趕頭趕命。
至於虛榮心嘅問題，我覺得呢個係一個好好嘅話題，咩人都有虛榮心， 只不過睇係邊度表現出嚟。
就算閒日返工都會遇到三五成群長者行完山準備搭車下一場節目
張國榮話齋，我就係有虛榮心先入娛樂圈，倪匡即刻回應，冇虛榮心唔會紅
老人家去飲茶我又冇諗到虛榮心，有人讚下佢、易啲搵位、部長認得佢識叫聲陳生，街市買餸都會遇到啦。
等於鬼佬一把年紀都會去pub(唔係講緊後生仔去蒲嗰種）飲兩杯，都係習慣
我覺得多唔多朋友同性格有關
長者冇朋友就會將注意力放哂响家庭…
冇朋友既長者性格孤僻啲，又因為後生時為左家庭事業拚搏，所以冇時間搵朋友…
好多野都環環相扣…
仔女有自己家庭，冇朋友既長者就更加寂寞，去茶樓會遇到一啲同自己一樣都係得自己一個既長者，感覺就冇咁孤單？
樓上講有啲長者鍾意落街去公園坐下吹下水，情況係類近…
係, 以前我爸仲係度個時佢會同我媽一齊去飲早茶,
叫孖寶, 跟住座到咁上下仲有特價煲仔飯或炒飯,
咁我阿爸就會叫兩個帶走, 晚餐就唔使整番熱再
煮個菜食. 因為份量都多, 仲可以做埋第二日既午餐.
我直情覺得虛榮心係推動社會進步嘅動力之一
呢集「今夜不設防」好正。睇完，張國榮成個形象豐滿咗。
你講得好有道理，因果。
不過我哋見嘅都係社會嘅一小部份，攞嚟R吹水幾好。知多啲
我父母係兩個極端，一個只要行得走得都會周街去，就算佢班老友走剩佢一個，一支公都會周圍去，飲茶只係其中一個節目，另一個人生只有家庭，仔女長大後好空虛。
某程度對我係好大榜樣兼警惕
該主題在最後一個回覆創建後90天后自動關閉。不再允許新的回覆。