以前飲茶無依家咁貴，用依家既天價租金、燈油火人工去計，同茶記、連鎖快餐比，後生一代一定覺得係文化鴻溝黎！
呢d 茶樓會多老人家打躉，其實年輕一輩都會帶小朋友去飲茶，啱大家食，環境又唔怕嘈到其他人。幾家人聚埋想坐耐d 又得。
2019 後有冇少咗人飲茶就唔知喇。
1個讚
好多茶樓執左, 不過同開多左飲茶餐廳
我6299改去呢啲餐廳飲
係情意結
1個讚
- 老人家早起身，茶樓開得早 . 6:00am開門, 有D再早D
- 老人家覺得飲茶，食蒸點心＝健康
- 坐幾耐都無人趕你走, 一個茶錢無限任飲
1個讚
我都鍾意飲茶，但唔可以日日飲，一星期一次頂盡
我諗佢哋覺得有得hea好重要
係喎啲老人家開口埋口都係淨係識得講去飲茶， 佢哋嗰個年代真係興去飲茶
以前個個星期都會同屋企人飲茶，加加埋埋十幾人，傾偈傾到唔願走。2020後冇咗呢支歌仔唱。
依家更加冇，父母冇打針。
1個讚
老人家唔係咁易接受新事物（包埋食物）
你叫佢地去快餐店，佢地只會純粹醫飽個肚，無左enjoy果種感覺，老麥果啲更加唔駛講
宜家有大個左帶啲soon仔探老人家，都覺得飲茶最好，無人趕，唔怕嘈，食幾耐都得，食物選擇多總有野啱食（老人同小孩食野都麻煩）
1個讚
一個人食會太多，啲食物太油，仲有週圍都係阿公阿婆講是非，成個氣氛好似同自己唔夾
突然見到呢個 po 已經諗起啲炸芋角酥桂花糕馬拉糕，搞到依家準備訓先黎肚餓 
4個讚
如果講緊長者就要睇返6、70年代，當時茶樓、大排檔同冰室（茶餐廳）係較為普及，而茶樓特別之處係在大時大節可以安排張12枱。浄係呢樣嘢係大排檔同大排檔係好難安排到。
有啲屋村茶樓早上7:00已經開門，對於早起身嘅公公婆婆係好好落腳點
仲要係室內、有冷氣又可以坐得耐，真係捨我其誰⋯
1個讚
我見長者，一份孖寶 $30+$10 茶錢
1個讚
咁真係平。
聽日去食啦
講到虛榮心，若果老友記係為咗得到呢啲「外人、樓面」個種阿諛奉迎而去茶樓…仲要㸒（吟）荷包，其實算唔算一種悲哀？
背後係因為無人無物？因為佢（覺得）親人畀唔夠關注同尊敬自己？因為自卑感作祟、想威吓？
向好嘅方面諗…上茶樓打牙骹、有啲鄰里網絡、街坊圍吓爐，當係種生活趣味掛？
樓主如果搵到機會同佢摸杯底傾吓計，探討佢內心世界。我都想聽吓。
2個讚
因為我自己初時都睇唔到長者鍾意飲茶&虛榮心當中有直接關聯，所以先冇咁樣寫……
我並唔係認為呢個係傻既行為……只係覺得好奇，諗住寫出黎圍下爐，或聽下其他人點睇……
多謝兩位既回應，我藉此"解構"得到……相信呢個只係個別長者既心理……我嘗試表達……
長者生活圈子細，冇乜朋友，酒樓姐姐既噓寒問暖係佢地最直接得到他人關心既方法之一，情形就類似你講佢地心知肚明背後係有目的、有代價……當得到好招呼、攞到著數，會覺得自己與別不同，覺得備受尊重等等……
响我眼中所謂既"虛榮心"，表面睇或者俾人一個感覺用字負面，以致你會覺得我當個長者傻XDD
而所謂虛榮心既背後，長者只係單純想有人尊重自己，想得到他人既認同、肯定……俾錢買乜券物券、堅持日日去同一酒樓，呢個一買一賣既服務，換來既無論係你講"過時過節有得打尖訂位"定我講既"俾人圍而感到與有榮焉"，背後都指向緊佢地想同人有連繫，想有人尊重自己
繼續推論落去，我會話因為個別長者自卑、內心矛盾，不過因為有啲複雜，我就暫時寫到呢度，如果大家有興趣先再一齊探討……
1個讚
我同意某程度係一種悲哀……
你分析得都幾準確，亦寫得好清楚，正反面既內容都有
摸杯底傾計我做唔到XDDD 不過响睇到你既回應前，我自己都嘗試拆解左，你可以睇一睇我樓上寫果個回應
(傳送門: 點解絕大部份長者都鍾意飲茶？ - #58 s.i.m.p.l.e)
另外，個人認為，長者既內心世界比較難明白，始終佢地活到一定年紀，再加上本身性格問題，未必能夠透過日常傾談，慢慢一字一句咁搵到答案……
探討完有關長者既內心世界，對我既幫助大概都只係得個知字，日常既關心係會繼續……
就住你講"親人畀唔夠關注同尊敬自己"，換個角度講，我會話親人同外人俾既關注同尊敬係唔同既，親人有親人關心，但都會想由外人得到更多……
依家嘅老人咪我爸媽嗰輩
我都係細細個就逢weekend 跟佢哋去飲茶
另外同鄰居、同學仔+家長、學嘢朋友仔+家長、親戚一律都係約去酒樓㗎。多數去完飲茶再去公園或者人哋屋企
以前邊有咁多西餐廳呀，壽司呀，幾乎全部都係去中式酒樓，間中去酒店buffet.
所以我覺得係習慣!