而家搭車，去超市，入商場，小朋友返學，都keep住帶口罩，仲未夠膽放低呢條防線，大家係咪已經唔帶？
淨係去多人室內超市商場，搭車戴，小朋友返學校唔比帶，所以都冇戴好耐
1個讚
只剩下入超市有戴，商場或其他地方都無了。
3個讚
其實我喺香港㗎，不過我見好多英國朋友已唔帶口罩了。有D朋友喺香港時仲好驚疫情㗎。但去到好快已唔帶了。
不過少部分朋友入超市或者室內地方都仲會帶。
3個讚
之前一直 keep 住小朋友返學同室內戴口罩，室外冇戴，唔知係邊度中招，早排一家中晒。近排天氣熱小朋友返學開始冇戴，我只係去超市同商場先戴一陣
2個讚
我曾經中過，中左後基本上冇戴了，淨係返教會，因為佢規定要先戴。
囡囡就未中過，所以而家佢返學同埋去室內地方都仲Keep 住戴。
3個讚
冇帶好耐，搭巴士都冇帶！
2個讚
多謝大家分享，我都諗緊幾時比小朋友唔駛帶口罩返學
我小朋友中咗只係發 2 日高燒，連咳都冇乜，勁精神。所以中完後選擇與病毒共存
5個讚
無戴好耐lu。我身邊嘅香港人都無戴
唯一要戴嘅時候，係香港鋼琴老師上門教琴，佢規定要小朋友戴
2個讚
小朋友有冇打針？
小朋友有冇打針？
補充一下，我小朋友一早中咗，兩個都無打針（當時唔俾小朋友打針）。一個無左病徵，一個發咗一晚燒，然後幾聲咳。
政府一話唔洗戴口罩，我哋全家就唔戴。
2個讚
冇
已經連唔舒服都唔做test, 幾乎完全放棄呢個病
5個讚
冇呀，佢讀緊小學太細冇俾佢打針。我打咗 3 針，冇發燒，有味覺有嗅覺，只係喉嚨痛、瞓覺幾聲咳同冇乜胃口。1 星後好返冇晒事
3個讚
我細果個間小學一直唔比戴口罩，佢既同學陸續咁中。
但住左年幾全家都無中過，覺得奇怪。
最後係復活節周圍去玩，一次過全家中晒。
不過都係一星期內好返。
而家真係當普通傷風感冒既心態。
4個讚
越快越好
1個讚
我哋都係嚟咗一年先中招，之前一直有戴口罩出入，Omicorn 真係好弱，同普通傷風感冒一樣，好返暫時見唔到有後遺症
4個讚
中過招
已經無戴好耐
1個讚
小朋友2 月因學校有得打所以打左1 針。我地就打左3 針。3 月中至4 月頭陸續中招。不過其實冇乜病徵，都係喉嚨有少少痛開始，連鼻水、發燒都冇乜。唯一係氣管真係唔太順，同因氣管唔順而咳。呢個情況都持續左有2 - 3 個星期先叫好左。
2個讚