原來有人係禁有心整呢d軟餐比吞嚥困難既病人，入口即溶，有返個形狀有返個味道，總好過食糊仔。
唔知大家岩唔岩用，但我真係比呢個節目內容感動到，我相信父母老左可能都會有類似問題，“食好西”既樂趣真係好緊要
13個讚
以前仲可以入病房探嗰陣，我有食過我爸啲醫院軟餐。有個椰子雞，幾好味。（椰汁、雞肉磨到變糊）
起碼食得有專嚴，視覺上享受食物，而唔係餐餐食一pat野咁，生咁可戀
7個讚
Babyfood咁？
我上年有跟過佢學整軟餐㗎。諗住學完整俾爸爸食，誰不知佢最後都走咗食唔到。
所以上星期我都睇到喊。
我諗緊Join佢哋做義工。以前我都做過老人中心同老人院。加上爸爸生前貼身照顧佢。好想出一分力去推廣同幫手。
16個讚
有一集空肚講宵夜有講少少㗎。根據主持人形容，個軟餐係凝固嘅，似豆腐咁冧（目測比豆腐更冧），味道同原本嗰種食物一模一樣。
3個讚
去睇吓先，唔該晒
就比如。。
一粒燒賣，佢會打到變糊，再加返d 物質，變成jelly咁，形狀會變返一粒燒賣，入口就溶
老人家食既時候可以有返燒賣既味道同埋真係一粒燒賣而唔太而已咬，唔會梗襯
1個讚
呢個組織幾有心，做出嚟嘅軟餐食得又睇得。
睇完白切雞同魚香茄子製作，會好開心。
2個讚
我諗如果我食唔到吞唔到，我見到呢d 軟餐都會好開心
2個讚
絕對係㗎。好似我爸爸曾經短暫住老人院，當時要食糊餐。即係將所有嘢搞成糊狀。佢見到都皺眉頭。
最大問題唔知自己究竟食緊咩。試過問職員都唔知。衝出去睇番老人院餐牌先知咩嚟。
Viutv 真係好好, 而家都有唔同既題材, 等人可以
關注到社會上唔同人既需要 
2個讚
該主題在最後一個回覆創建後90天后自動關閉。不再允許新的回覆。