決定收肚唔再生嘅你用咩方法避孕?

以前用開Condom, 依家生左3個唔打算再生,請教下大家用咩方式避孕?

本來想上環,但見有啲人話會經痛,我有啲驚…因為本來經痛都唔輕

希望有人可分享下condom以外嘅選擇:pray:t2:

坐標:UK

1個讚

打針,避孕藥,避孕貼

食避孕藥,係 GP 擰,Free。第一次擰藥要度高、磅重同量血壓,一次比 3 個月藥

我都係生左2個,
唔打算再生,
約左打避孕針。

做女時食過藥,成日都唔記得食:confounded:

而家可能都要再挑戰

我較鬧鐘食藥,一響就食,所以唔會漏食。你可以打去 GP 約期,安排見姑娘做普通檢查就可以擰藥

2個讚

真係唔想再生就叫男方結紮好啲,男性做嘅簡單好多,又唔洗驚唔記得

3個讚

呢樣都想知多啲,上網只睇到物理上資料,實際上唔知多唔多人係男方結紮?前前後後難唔難做決定?心理生理有無咩好影響/壞影響?

我只能講我爸爸有做,仲要係廿幾三十年前。我自己就唔肯定收唔收爐,就未決定,但係問過先生佢都願意做嘅。

你可以同老公傾下,我覺得最大concern都係做左冇得返轉頭。由女方食藥/打針雖然而家話冇乜副作用,仲有啲講到對身體好。但係食漏有意外嘅機會好高,做輸卵管結紮又要開刀,但係輸精管就可以傷口細啲。

男女一樣,生理上唔會有任可改變,只係條路唔通,精子卵子行唔到出來。賀爾蒙分泌完全冇變,射精一樣會有野出來,只係入面冇左精子。

4個讚

結紮,一了百了,唔洗擔心食藥子宮環發炎。

生夠左,結紮一了百了。
太太生仔已經痛,所以好應該我去。
自問係好忍到痛既人,斷過骨都完全無食止痛藥。
但男人最痛原來唔係講笑,手術係焗部麻醉。
我睇到感覺到醫生做咩,係成條管拉到好出,打結後先再剪走一段,確保生唔返埋。
手術後行到坐到,大概三星期至一個月後可以做返。
不過有大半年時間做唔到運動,連一下掌上壓都唔得,平時做到一百下的。
因為一用力,裡面就抽住痛。
大概過左一年先回復返晒,總的來說,值得做的。

21個讚

老公結紥咗
係開頭兩個月就住就住
之後完全無其他影響

我成日都叫我老公紥咗佢,佢話驚痛喎,咁我生仔又唔痛嘅?真係好想打7佢!

我唔想食藥因為驚變肥。

一直都用套避孕。有時真係唔想用囉。

利申:一胎封肚

我都係校鬧鐘食。
題外話,食咗藥,都係生暗瘡嘅。啲人點解食避孕藥防生暗瘡:laughing:

我食咗藥好多年,完全冇肥過:sweat_smile:

我食咗藥皮膚好咗,冇生暗瘡。以前額頭同下巴成日生粒粒,食完無再生

Same
食完藥,皮膚好左M痛少左準時左
惟一副作用…性慾大幅下降

我係香港食開 Yaz 低劑量,冇太大影響。不過前排停咗藥幾個月,好似食咗春藥咁:rofl::rofl:再食返藥就正常返

1個讚

戴環,已換了第二個環,一個環有效期五年

對m無影響,好準時到

我都無肥