請問大家可以分享平時點樣消毒，清潔玩具嗎？有冇咩產品可能推介？
另外，小朋友既玩具，一般到幾歲就唔再逐件抹？
小朋友幾大?
唔係攞出街唔同其他人共用唔駛特別清潔啦
清水抹下就得
少量細菌接觸下無壞，清潔劑都係少用為妙
2個讚
如果佢會放玩具入口, 平時可以用食用梳打代替清潔劑去清潔玩具, 安全好多
2個讚
7m 開始已經唔會每日消毒，只會用清水洗之後晾乾，就算放入口。
佢哋周圍爬，無時無刻放手、放嘢入口，消毒得幾多？
出過街，就用bottle detergent 洗或者放入洗衣機洗。
*10m
不拿出街, 清水洗; 拿出街, 可用70%消毒火酒
1個讚
我都係，基本上屋企玩嘅，屋企平時會正常清潔，咁就無乜點特別對待啲玩具（除咗細個時啲牙膠玩具，同毛公仔或布玩具會洗）。
我係小朋友衫都無分開洗嘅人
Give me five!
有時我覺得真係唔好太緊張！
小朋友接觸下病菌先有抵抗力
想當年我第一個小朋友初初返n班，1個月病一次
醫生竟然話「已經算好，有啲2個星期一次」
但明顯地，第2個小朋友冇咁易病
（我覺得因為大既比左啲菌佢，有抗體了）
所以如果玩具唔會放入口，都唔洗點樣抹
多謝你地回應
因為我習慣响外面返黎就會即刻沖涼
小朋友等沖涼期間玩過既玩具
我會特別處理(清潔)
之前疫情期間少外出
而家多左出街
所以想問下有冇咩好既清潔玩具方法
消毒火酒揮發得好快，好似要噴得比較多先清潔
個方法係噴落去玩具表面再用布抹嗎？
食用梳打呢個方法未試過，之前都有聽其他人講過，謝
我都同意接觸下病菌好啲架，多謝提醒
一樣，都係1個月病1次
初時會勁勁勁緊張，後黎都習慣左
1個讚
該主題在最後一個回覆創建後90天后自動關閉。不再允許新的回覆。