朋友分享話唔好揀香港人熱門既落腳處、一來咩都爭又炒起、二來小朋友班多香港人就會圍爐好難融入、好處就真係易適應同人種多無歧視、大家點睇呢？
人人要求唔同
校網，揾工，樓價，生活配套
1個讚
我搵返近朋友同近LONDON咋, 其實都係睇自己BUDGET同要求
真係唔好揀太多香港人嘅，不過當然太少都唔好。
太多香港人會：
- 無學位，這最重要考慮，搞到要跨區返學。除非你讀independent school
- 樓價貴，尤其如果你要爭學區
- 好似Kingston咁一班7個香港人，小朋友全唔講英文，有啲家長因為咁要轉校
融唔融入已經好次要，有心嘅話，多香港人都融入到。有小朋友嘅話，上面兩個factor已經夠頭痛。
但又唔好太少，多香港人就會有signal 照應群組，資訊方便。如果帶來著老人家，最後多香港人老人家做伴飲茶打麻雀。
不過選擇落腳點，最重要都係學位，樓價，工作，治安。符合呢幾點嘅地方已經無咩，無能力俾你再諗多唔多香港人
8個讚
我自己覺得如果想搵工, 大城市應該好好多, 而且仲搵到自己果行嘅公司. 行街見到真香港人,home sick 都少d. 我自己都有小朋友, 小朋友融入首先由身教做起 , 遲早好多好多學校都係香港人, 我覺得唔關多唔多香港小朋友事
冇錯，少香港人好重要，曼城Warrington個邊d樓炒到天價咁，通常多港人揀嘅地方樓價都會比較貴，北部似乎比較少香港人揀，不過學校可能冇南部咁好，工作機會就只要唔係太偏僻都應該ok，視乎你想搵咩工
1個讚
我相反，我第一時間係諗冇乜香港人揀嘅地方，或者係佢地睇唔上眼嘅地方，呢d先係好野
2個讚
人人要求唔同，睇你想要咩。
我兩公婆去到諗住HEA做超市/工廠，所以大細市鎮都冇所謂，最有所謂係要平價單層屋，所以我係睇住RIGHTMOVE黎搵，希望距離朋友(萬城&伯明)30分鐘車程，圍住呢D地方黎睇。
我地就係講曼城
就係你講個point,朋友個女成日痴住班香港女仔玩、仔可能細就好dd、我地既都係高小、英文唔算好、如果咁就更加唔肯講了
我哋都係諗小朋友先、佢個仲算好校區呢
佢之前提過學校起碼廿幾個香港人、學校已經盡力打散了
如果冇特別理由於我唔會揀曼城，好嘅區已經俾香港人爭到死，平嘅區你又未必想住，總之凡係香港人多嘅地方就必定乜都爭餐死，even我個度唔算熱門但俾香港人睇上眼嘅好區都一樣係咁搶
1個讚
廿幾個香港人好少姐，我小朋友學校每班3個，但見人地小朋友都識到唔少英國朋友，講幾多英文。
有一兩香港嘅朋友仔係好事嚟，唔係全部都係香港人就得啦
1個讚
有d香港人都好，起碼有香港家長可照應下
我地讀左三間中小學，一個香港人都冇，連華人都冇
98%英國人，1,2個黑人
我地都係次熱門地區的
唔明點解大家d學校都有香港人
1個讚
嘩！呢個真係第一次聽。朋友口中嘅地方，學校最少都有一兩個。介唔介意講大約邊區？
多香港人既地方要爭屋，而且仲多左好多地產商起新樓賣俾香港人，一啲都唔平
係唔出名的區，但都好似開始有幾個香港人住，但仔女學校重未有華人出現，都係 good的
隔離區學校超多香港人，好多香港人入晒一間好多印度人讀的學校，因多位剩，但都就快滿了
聽個印度人話全校入左 3×個香港人
個香港媽媽好嬲同我講唔比佢女再講中文，我心諗有冇咁嚴重？我d仔女連係學校講中文都冇機會
1個讚
我呢邊係中部都係, 而家公司起碼6~7個香港人, 阿囡學校更加…
同你差唔多，不過呢幾個月都陸續收左幾個香港學生，有個仲同阿女同班，聽佢地講都係住香港人熱門區，但果區冇哂位要跨區過來，因為我個區比較少港人揀
呢樣野就真係，我覺得近排出個d新盤都幾睇住香港人來sell，最近我個度有個校網區出左新盤剛開售，定價比上年新盤賣貴1成至2成，知道d香港人會為左學校不惜代價
我細果個成間小學得佢一個亞洲人，而印度東歐黑人都有。
大果個中學，有個日本人同泰國人同班，成間學校亞洲人都有幾個，都係無香港人。
應該補充下，我住係哩度既 outstanding 學校集中區，附近都有好幾戶香港人。
但我兩個細路都有學習障礙，所以特登揀學術水平低既學校，哩類學校通常無香港人揀。