我過幾日準備結婚，如果我斟茶時拒收姑奶同佢老母封利是會唔會好過分（前題係姑奶講到明做幾多錢人情，態度超級差，好似比乞衣咁）
會，因為大庭廣眾落佢面。不如事前私下講好唔洗送，如果對方堅持，事先聲明你會拒收
2個讚
我男友果日同佢講我哋邊日結婚，佢已經好多嘢講，而且佢講明話做1xxx人情，講到好似皇恩浩蕩咁嘅死款，真係好黑人憎，我唔想好似欠咗佢人情咁
我明呀，你可以唔收，但要諗下手法。
首先一定要和男友商量，得佢同意。如果你男友怪你，你哋以後嘅婚姻路好難行。
如果男友同意，可以叫佢出面拒收。但叫男友私下和講好啦，唔好咁絕，否則將來佢做更過份嘅嘢時你無招出
樓主，你婚姻都未開始，唔好開壞個頭。你仲要同呢班人周旋好多年架
7個讚
明白，其實我已經開始佢屋企所有節日同活動拒絕出席
如果男友同意，咁都幾好呀。真係煩少好多。
佢其實唔鍾意我唔出席，我哋之前已嘈交，我講到明唔鍾意佢家姐同佢老母，佢只係耐我唔何
佢地嘅諗法唔緊要，最緊要喺你男友嘅諗法。佢唔介意就得
1個讚
佢介意都冇辦法，佢自己都知道佢果屋果兩個女人好煩同黑人憎，我就係唔想煩同嘈，免得過不相往來
你會否要求男友和你父母家庭來往？男友是否介意？雖然男友耐你唔何，但如果佢不滿，會長遠影響關係。可以考慮下，你都唔要求佢和你家相處，等佢氣順啲。
如果將來生小朋友，問題會更加複雜。如果唔打算生就還可以
2個讚
好奇問，既然婚前已和男方家人出現咁多問題，而對方睇嚟都唔會比啲咩好面色你睇，點解仲要結婚咁辛苦？
3個讚
恕我直言，男友明知你唔鐘意佢家人，而佢都唔鐘意你唔鐘意佢哋，佢只不過係奈你唔何。我諗你哋結婚都會成日嘈交。
講真，嗰兩個女人點克人憎都係佢家姐和老母，呢個係改變唔到嘅事實。
我和我老公的哥哥曾經都有段時間關係好差，但我點都唔會叫埋我老公嬲埋佢唔睬佢，嗰個係佢阿哥嚟。
5個讚
我知道，我從來都唔會阻止佢哋嘅溝通，我返而叫佢多啲陪佢老母
所以你姑奶封斟茶利是你無得唔收（就算佢講到幾克人憎都好），咁多親戚在場，你唔收，之後十幾年佢哋只會話你唔識大體、無家教。
退一萬步，你真係咁做，你叫你父母點樣面對親家？自己個女竟然結婚嗰日做埋啲咁唔成熟嘅事。
5個讚
我唔介意佢亦冇要求同我屋企人來往，我亦唔會阻止佢同佢屋企人來往，如果將來有小朋友，我一定唔會比佢家姐教，我唔想有第二個港女或港男
當日只有佢媽、家姐、細佬、細佬娣婦姨生女，我媽、妹同妹夫
咁既然你媽在場，你都唔想阿媽難堪，咪收咗封利是佢。
之後新年送禮比姑奶送份靚嘢，以顯示你大人有大量，到時肉酸係你姑奶。當然，如果姑奶仲咁多聲氣，以後送蕉算數。
8個讚
只有？
就算只有你、你老公、姑奶、奶奶在場，你都唔應該拒收。
呢啲門面野你一定要做，仲要笑得最開心最燦爛。
本身你未哄掂你老公就唔同男家往來已好不智、令老公不滿你，而家連咁簡單嘅野都唔肯做，你只會令兩公婆有更大裂痕。
你而家要做嘅係點哄掂你老公
1個讚
我唔明點解咁堅持唔收，
禮節上新抱茶人人飲得，而佢地亦要比針茶利是。
新人收得天公地道
2個讚
我唔想收到好似乞衣咁