純開無聊post
我嘅好習慣係去旅行一定買當地水果拎返酒店食，又健康又可以補充水份，因為旅行通常大吃大喝又飲唔夠水
壞習慣係會食啲無謂嘢做宵夜，仲會特登去超市買啲一望就知難食嘅，試下佢啲嘢幾難食
2個讚
一定要揀有泳池既酒店，一早同小朋友去玩完水先開始日程。
但有嚴重選擇困難，揀酒店都會揀幾個月
然後會Email去間酒店要求光線充足既房（怕有
）
仲會寫個好好好詳細既itinerary，但其實可能只係去日本5日4夜自由行。。。
我覺得我應該係有啲唔正常
1個讚
喺歐洲旅行，盡量揀有早餐嘅酒店，食到飽到唔使食lunch，因為多數又貴又唔好食。
喺亞洲地方旅行，酒店唔使包早餐，太多好嘢食唔想浪費quota。仲有一定唔食西餐，去泰國食泰菜、台灣食台灣菜、日本食返日本嘢，盡量唔揀其他國家嘅嘢食。
5個讚
Me too 
習慣每去一度,就買張明信片,叫小朋友畫隻公仔,寫番年月日,寄番去自己屋企留念
3個讚
會自己帶衣架/晾衫繩掛毛巾，唔會用酒店果啲，因為唔知上一手掛過乜
生果同雪糕都會做宵夜
外幣貴的的時候買了很多, 到出發時外幣平了卻又不買
學生時期會由朝到晚喪行non stop 狂去睇唔同景點
而家淨係想喺酒店廢攤加spa
去日本每日都堅持要去一轉不同便利店.
明明唔係有咩特別野要買都好想行下
1個讚
入酒店房之前要敲門嗰啲算唔算
一定會帶拖板叉電
因為每晚都太多電子產品要叉電
我會用新香水／沐浴露，同埋全程聽一隻新CD
咁樣下次再嗅到香味／聽到首歌
就會記得個段旅程
另外會著新衫影相
鞋就著舊既
1個讚
收集日本每個地區限定購物袋 (好似香港紅白藍嗰款), 最喜款就係米子境港, 印晒好多鬼太郎人物, 型到一個點
唉… 好懷念
無論係間酒店stay 幾多晚，每晚臨訓前一定會執喼，執到隨時走得咁先安樂訓教，但明明平日係屋企都唔多執野 …
去所有地方都要去當地超市同麥xx
日本一定要行各間100yen店同睇防災用品
平時成日唔食早餐 旅行一定食大份早餐
特別係日本 要有納豆，煎魚，麵豉湯同飯
食完再返房放低幾兩先再出街
無論去幾多晚都一定要帶風筒+直髮夾！！！
會留起飛機餐既即棄餐具旅程中用，會煲好多次水淥下個瓷盤,浴缸,企缸,廁所板
明明唱定外幣，但多數都簽卡俾錢
盡量搵一間酒店有 gym, 但經驗係大部分唔係重量太輕，就係爛咗日久失修。
行超市行街市
買調味料同食材
試過買左包米
當然唔係5kg啦、有位都可能會架
講起好懷念
我老公食完早餐一定要返房去廁所先出發，所以跟團嘅話早餐一定食到趕喉趕命 
1個讚