先不分黃藍，以前我屋企個電視一開就係TBB, 但真係越睇越無引，唔係抄美國既就係抄韓國，原創既幾十年都不變，你唔悶我都悶。
平日響呢到見到大家討論viutv，我都無刻意去睇，最多唔開電視
但有一次無意中睇到 “肥美人”， 講真睇落真係d女仔唔吸引 但話題的確創新，draw到我attention 我就開始認真睇下
睇下睇下竟然有驚喜，佢地自己既節目雖然唔係話好出色，但都叫做同大台唔同，有d新意。
但最有驚喜既係 人地ViuTV 買返黎既外國劇都好睇過大台，我真係覺得有用心去揀黎買，比如：
2030既 “大發不動產” ，鬼片，但劇情內容新穎
2130既 “Voice 聲命線 4”，警匪片，睇到我都覺得好緊張
認真，我從來都唔睇韓劇，呢2套真係第1次接觸，真心吸引
好睇，我勁驚鬼片，但都晚晚追，
星期三MM730 Auntie 妳好，我又好鍾意睇，因為好好笑睇個兩位Auntie啲表情同回應。
係呀 呢2個 呀姨都幾好笑
好多都好有創意
之前睇error 綜藝節目多
依家追肥美人，go執事務所，有時睇埋勁騎26
我全部睇重溫，由唔睇電視到依家好忙睇電視。
仲有晚吹睇潘紹聰同二汶。 
愈數愈多
我冇睇 CCTVB 好耐，每日都係睇 ViuTV。近排 22:30 Alton 主持《勁騎 26 》同 23:00 Jeremy、阿正主持《Go！執！事務所》都好好睇
同意，佢購入啲韓劇都正㗎
佢又幾好嘢，要諗綜藝俾mirror，又俾佢諗到搵AK做甜品健身，Tiger做雜技，Jeremy 執屋，Alton騎電單車
仲有AL 做神的女主角、Edan 做膠戰，唔係鏡粉都鐘意睇
一班幕後好識諗旗下藝員的特點去籌備節目，
呢種是一個尊重。
記得有一次魯庭暉先生讚ViuTV 同事好好心地，我估呢種特質係其他台少有嘅。
大家都做選美、飲食、清談節目，但ViuTV係有愛嘅。有時啲製作人立壞心腸，將醜嘢、人哋嘅弱點放大成為焦點、爭收視，成件事就好低俗；ViuTV嘅製作團隊有本事就算係粗粗魯魯咁表達，最終都有訊息帶出來，令你睇到熱淚盈眶。
我好佩服呢群年青人，佢哋在僅存嘅空間裡面試好多新奇刺激好玩嘅嘢，真係勁到爆
你有心為觀眾諗先出到好節目
大台哪怕幾有心幾有經驗幾有錢財，但自我審查，驚前驚後，又要顧及大灣區需要，又要昧住良心維穩，點出好節目？
好，我就當佢出到，佢班廢老觀眾明咩？幾十歲只care兩蚊搭車，見到週街細路被三萬毒打無動於衷仲嗌好嘅人，連對人都冇良心，睇到浪浪送行動物善終會有共鳴咩？會有同情心咩？
Mike 導嘅歌色響起
～公司又要我哋開新嘅節目
～係咁OT 我畀埋條命你好冇？
其實裡面有班好有經驗嘅，美女郊遊遊最後一集嗰位軍事迷幕後（唔好意思好長嘅形容詞但我唔記得佢叫咩名）做過老人台，佢話以前想拍咩要咩道具有人幫你預備哂，依家乜都要落手落腳做，viu 嘅幕係就係低人工都好肯做，個個好有心又enjoy。最緊要節目出街效果好。
Viu 嘅YouTube 拍幾集今世做電視，講做幕後嘅，都好好睇。
呢個真
隔離台，好多時都係玩嘉賓，利用嘉賓特點晒鹽花，爆人地秘密攞注意…
睇完笑一陣，無養份可言。
TBB 再唔識反省。。只識怪這樣怪那個。。真係分分鐘變亞視
人才留唔住，客又留唔到，觀眾都走晒
好同意，就算睇「1 take 過」和「為食家族」都有唔同 message 帶出來，在香港現在的環境氣氛，確實需要正能量。
最重要係佢地肯放手比後生既去創作唔似老人台咁
新瓶舊酒來來去去都係個啲, 悶到一個點.
真心VIU買既韓劇都好好睇
雖然之前韓國一播已經睇晒, 但見viu做又會翻睇多次
好明顯有心揀過
但人工要加, 如果唔係做得好果啲又會好快走
感覺viu無咩收視包袱 好肯試新嘢 另外又幫12子plan好哂工作 當然有分先後及知名度而行 所以fans都唔洗咁緊張什麼下弦/mirror dancer 論
老人台無論劇集定綜藝，係唔係都要加插露肉/床戲/咀戲，Viutv係極少出現呢種情況，而且節目係極有洋蔥有內涵