勁想講粗口
尋晚去完廁所準備沖廁 （本身無開燈）
想㩒制個下
比我見到有舊嘢係個制旁
心諗， 蜘蛛？ 唔係， 香港邊有咁大隻蜘蛛
仆街， 即時開返燈
諗起我有買支殺強強嘅噴霧
即時開封
唔係你瓜就係我無得瞓
終於佢都現身啦
係阿強
真係又驚又嬲， 因為我已經封咗個去水喉位（開閂蓋）
Kill咗佢之後我都係無點好瞓
今早出去
晚上同朋友食飯
有個陌生來電， 原來係鄰居， 話佢跳fuse,
又要趕返去，返到去好啦， 開返啲燈
你老闆， 我見到成堆蟻係地到行緊
（紅紅地色， 但好細隻， 如果你知都唔好話我知係咩
我真係好唔想知）
心好攰呀，米奇陰影叫做好啲啲， 而家又黎啲煩嘢）
俾我會好崩潰
有無嚟一次全屋大清潔？
我試過隨手攞支空氣清新劑強噴隻嘢。最後佢無郁到，但廁所香左好耐，我應該噴左半支
真呀， 上次已經個人好精神緊張， 成日仍住仲有仲有會出現
聽日會放滅蟲蛋（因為劏房， 怕鄰居無時間準備， 聽日炸一次間房， 希望個心會定啲）
強強可能唔知係邊度黎
但我係口驚佢已經住落一段時間
都係炸一炸好啲
但咁樣成日出啲問題， 真係好煩， 又好攰
哈哈哈， 好正呀， 佢比香死咗 
咁佢都走得香香的
如果我準備支嘢
我都會好L驚
會亂咁搵嘢噴
如果想徹底解決問題，真係要洗啲錢：
首先裝哂蚊網，抽氣扇都裝埋
封渠口
封大門門口門縫（日本城有得賣封條）,最好每間房房門都封
斷捨離（順手清埋啲屋企陰暗位，有陰暗位如床下底就放臭臭防蟲珠）
不要再用紙/木做嘅收納盒，紙張文件要整理好，淘寶或者快遞個啲紙皮拆完即掉，入面好多蛋
執好哂間屋之後再搵滅蟲公司放藥一至兩次，徹底消滅小強巢穴
定時叫滅蟲公司上嚟放藥（我自己一年一次，之後年半一次）
之後保持乾淨，定期清野
唔洗用呢隻，用封箱膠紙就得，完全唔影響開門。
總之一定要封大門，間屋本身唔應該有強，都係面走入嚟，或者跟住人入黎（例如紙皮）
就係唔想洗， 一來係租屋
二來我自己都係搬咗黎就黎4個月， 好似好唔值咁
已經都唔敢煮嘢食
係呢個星期開始先煮過lunch， 晚飯兩次
食咗成個幾月外賣， 食完先敢返屋企
之前都係自己煮
（而家連煮飯嘅勇敢都無）
唉， 有啲紙箱我係有keep嘅， ikea, 飛利浦
其他hktvmall就扔架啦
頂岩岩個房燈又開又閃下
（我住咁耐都唔知， 原來佢有黃熄）
房屋， 比多一晚我， 我返去瞓一晚，比你休息 拜託你唔好再嚇我）
其實我有痴過膠紙（貼wall個啲）
但佢個門係有啲紋， 痴唔實
同埋佢地下唔平， 張貼紙好快甩
大門最後我搵紙條頂住咗
佢應該係趁我開抽氣扇走入黎
或有條喉， 條喉同個洞位唔match, 我用咗sillicon 封返
希望佢只係抽氣扇入
（但抽氣扇條縫咁細， 佢咁都唔驚界到）我自問自答， 唔好答我，
我驚答咗我又驚過
已經驚咗米奇而家又驚多樣
唉， 我都係想搵個位呻下
心很累， 攪到我精神好緊張
地方細清潔仲容易啦
Keep 住一星期，日日都1:99 抹地抹屋每個角落！
淨計浴室， 我得閒就噴下迪露（加水開稀個隻）
地最少兩日拖一次
最多一日拖兩次， 但都有有強強
係咪我做得唔夠
廚房開過電池爐又係噴迪露＋拖地
唉
可以裝埋蚊網，總之全屋封哂佢就得
其實租的話可以唔駛投放咁多
蚊網淘寶都係一百幾十
門縫條日本城幾十
渠位用膠folder剪少少再用膠紙封住亦可
小強藥用一點絕試下先，百幾蚊枝
已經有好好嘅效果
至於唔要紙皮個清潔呢方面就要慢慢培養習慣了
我會癲… 同意, 我會搵人返嚟全屋徹底做一次… 日日咁嚇法, 命都短幾年…
曱甴屋？日本個隻一盒有12粒，黑色細細地
全屋痴哂冇死角
謝謝你嘅建議
（但我唔淘寶）
小強藥我朋友比咗啲唔同款式我
紙箱呢， 我就諗緊扔唔扔， 因為佢隔音差， 諗住當一層紙板， 隔一隔音， 不過應該返去都會扔， 當 滅埋啲fleas先扔啦
係呀， 返屋企嘅壓力， 仲勁過返工嘅壓力
一聽到啲聲就好緊張
係樓上， 隔離鄰居 定係其他。。。 生物呢
想返屋企休息， 點知無得休息之餘，
仲要成日提心吊膽
老實， 豈岩放滅fleas蛋， 但我覺得， 好快佢地又會再黎過
係附近環境問題
點都會比佢地再嚇多鑊 （我講吓咋， 千祈唔好成真）
已經瞓得唔好
呢兩晚好攰， 但又瞓唔著， 又好早醒
就黎痴線架架啦
強強屋
但佢地瓜咗係強強屋之後
要親手扔咗佢
真係諗都唔想諗到個畫面 