點教小朋友用揸匙羹食。
依家重要人喂，
有時候會用手食。 
用手食我覺得無問題，但要人餵反而唔ok
我女blw食到2歲幾先唔會成身都污糟，一直教用餐具食
要係佢後面教，捉住手放落口，前面放鏡
4個讚
買隻啱小朋友手型，彎彎地嗰隻匙羹俾佢用，如果有類似calibowl嗰啲學習碗就更好
捉住佢隻手教佢𢳂，俾星星餅做練習（飯有黏力，比較難𢳂起，乾身一粒粒的會比較易掌握）
最緊要，唔好怕污糟，由佢自己試，唔好怕煩幫佢做/餵佢
1個讚
好。知道了
方個定兩歲就要用匙食？ 佢用手咪用手食，你想佢識用匙，咁你自己有無用匙食？ BB會從觀察去學
要搵佢鐘意的食物
我女細時我俾yogurt, 用手食唔到, 一定要用spoon先食到
佢有時候食麵會用手，
其他大人覺得污糟唔比。
生果會比佢用手攞嚟食。
比支匙羹佢自己拎住，
放只碗係佢前面，放小小食物比佢食，
開始時，捉住佢隻手，做一次食物由碗到放入口嘅動作，
反覆咁做，
唔使怕污糟㗎，一定會跌到天一半地一半㗎喎，
佢一定好好玩，搞搞震㗎，啲匙羹，掉匙羹，掉食物，成身成面 都係㗎！
你努力啦，唔使氣餒，更加唔使傷心，
多謝你呀，
我都打算如果生果比佢試吓自己食。
我女1歲起就俾佢自己食，因為我懶，好想佢快d學識食就唔洗餵，我女初初都係用手食，唔點用匙羹，就算係粥都用手玩，不過我由佢，因為我真係好懶，橫掂我餵佢同佢自己用手食都係一樣搞到周圍污糟，本身我都以為佢唔叻用匙羹，直到有日去佢姑媽屋企食飯，佢想係姑媽面前show off，竟然勁純熟咁拎匙羹食飯，之後就慢慢多左用匙羹，所以我覺得佛系就可以了，只要你肯放手，總有1日會突然開竅
4個讚
自己仔女，自己話事，“其他人唔畀” 果啲其他人唔駛理會，跟你教養方式。
用手仔食好事嚟，小肌肉有練習。最好同大人同枱，見到大家點樣食，佢容易啲跟住做，身教，慢慢教，教1000次10000次也不是問題，最重要是小朋友copy cat 嚟，保持自己心情開朗，開心食飯。
1個讚
呢款好用，有時12蚊店有，網店就30蚊內
2個讚
呢隻堅好用，試好多膠嘅彎柄匙羹都唔夠呢隻好。係難揾啲，有時日本城都有。
Marcus marcus 都有類似設計，但係有佢自家character ，個grip 會好揸手過不銹鋼呢款，但係就貴好多。淘佬有好多抄款。
不銹鋼有啲硬
屋企都有，我試吓下午切水果比佢自己食。
想當年我女要學用餐具時, 個個都話呢隻羮好好用, 我成日點都搵唔到嚟買, 就算而家我女已經6歲, 但每次去開 12蚊店都會忍唔住去睇吓有冇貨, 雖然已經唔再需要學習羮 
另外可以玩煮飯仔時同佢玩"畢"嘢，唔好用細細件玩具羮，用真嘅膠羮俾佢練習（外賣羮就可以)，可以畢吓紅腰豆， 或者而家１２蚊店或者文具店都有好多食物造型嘅擦紙膠仔可以練，同佢玩＂媽媽要食ＸＸＸ＂， 等佢畢某一樣食物
1個讚
係喎，外賣中式匙羹都意外地岩用。成日都想揾紅A果隻係學校用嘅細版中式湯匙，個size 細細好得意又岩細路用，但係唔知邊度有得賣。
我都係用呢款，未夠11m好amazing地無教過就識放入口(當然個位唔係好準)，但到16m已經可以自己𢳂到黎食，中間有同佢玩煮飯仔學𢳂，宜家19m直頭唔比餵要成餐自己𢳂黎食
同意樓上講，最緊要唔好怕污糟
學習過程一定無得避免，但會越食越好
我女2歲前都係鍾意用手（因為食得快d）
到2歲時先樂意返用餐具
1個讚