0針，無中，有焦慮症，時不時有心悸，食緊藥。依家邊度都去唔到，有時真係好depress, 成日為咗打針唔打針搞到自己又好焦慮，一來兩支都係實驗針，對日後有咩影響，有保留，有人話打科，但科大陸針，真係又無咩信心，奈何我年尾要離港，入境國家要打疫苗先入得，我為咗呢樣嘢已經搞到好焦慮，我知萬一我打完，身體有咩少少問題，我會更焦慮，點算
我呢排真係好鬼辛苦
1個讚
可能去到年尾你要去果個國家已經唔洗再打呢~ 睇定D先啦, 放鬆, 做運動, 曬太陽
9個讚
我都食緊精神科藥物，都打咗三針喇，你有冇問過你個主診醫生
問咗，佢當然話打無問題，奈何我真係對兩支針都無信心，始終係實驗針，擔心日後長遠對身體影響，仲有我本身肝入面有個血管瘤，我好驚打完佢會變，二嚟我仲要驗身交報告，好驚打完會影響身體入面嘅指數，所以係我自己本身內心有太憂慮
宜家唔少地方不用打針都可以入境，相信未來會逐步放寬嘅。至於焦慮症本身，看看醫生拿個意見先。
1個讚
通常移民驗身,只會驗你有冇傳染病,
唔會因為你有長期病而拒絕
深表同情,打第一針科即中招,無影低陽性快測,後補電郵上報,到宜家都唔知點搞.但已搞到我身心俱疲,爆疫咁耐冇週圍去冇堂食,出街最多三個鐘無除口罩不在外如厠,出完街入屋喪噴喪抹即刻冲涼洗頭都中,二月尾局住打第一針即中…中完宜家好驚,成日覺得周圍都有毒。中左果十日左右辛苦到死,宜家全身勁乾前所未有咁痕,耐唔耐頭痛,喉嚨感到乾就好驚…總之一日驚到黑…
0針未中，焦慮過，不過你想下之前咁耐，起碼都依家唔打唔中已經好好彩，所以可能之後都會逢凶化吉。
要用每一日都係執返來嘅心態生活，好似細個話好多地方飯都無得食，平平安安就要感恩。
唔認識焦慮症
不過愈諗得多愈問得多人意見，會更焦慮嗎？
建議做下其他野分散注意力
可以俾自己諗痛苦困擾既事，只係最好限制一下時間
暫時諗唔到/解決唔到/無結果等等都唔緊要，保持心境平靜係你當下最需要做到既事
保重。
邊有咁著數驗咁多
我都係0針幸連冇中過
- 年尾是否限期？ 可以拖就拖，等到唔打針只檢測都入得境
- 如必須年尾起行，除咗期望有放寛，就要實際啲，計算下打針時間表，倒數幾時係最遲打第一針，咁deadline之前就forget呢樣野，因為擔心係幫唔到件事，日子始終要過，要令自己開心啲過，同自己講要等好消息，凡事感恩
3.另外就係係離港前要鍛練/調養好身體，呢個肯定係功德，即使到deadline喇真要打針，強壯嘅身體就係你嘅皇牌
5個讚
第五波都回落，艱難時間都過咗去，放鬆心情啦！
年尾嘅離港，好多野都會有改變，到時先至決定。
1個讚
之前德國迫針都可以用PCR negative test 入境，唔知樓主去邊度，係咪Check 咗一定要打針？
每日抽時間行公園放鬆，曬十分鐘太陽增強免疫力
1個讚
正常嘅世界只會越來越放寬～
隻病毒就快弱過流感，越來越多地方唔使打都入得境，擔心嘅話就唔好打住，拖得就拖啦～
拖唔到就到時先做決定唔遲～
2個讚
焦慮症，試下腹式呼吸法，靜觀，會唔會有少少幫助。
加油。
我呢度比啲正能量你一定冇事
如果你已經好返，咁唔洗驚啦
直頭係無敵
2個讚
中完唔洗驚啦
我覺得與其諗點樣「避」，不如你搵方法去調理/強身健體？講真，全世界都會走向共存，而事實上隻病毒都弱化咗好多，搵返個健康心態去面對比較重要呀 
我零針中完好返，覺得都辛苦嘅，不過中完就知點處理，面對過就輕鬆得多
同埋過度消毒可能令身體抵抗力更差呀
2個讚
補充：我中前有少許擔心，因為自己都唔算好健壯
但心態上都覺得係要面對
防疫勁佛系，淨係出完街返屋企會洗手先，照堂食照運動照返工，初期比較謹慎，後期反而注意多咗點令自己健康啲，而冇好努力諗避開啲病毒
其實恐懼比病毒可怕呢，中嗰十日辛苦，定恐懼三年辛苦？