今朝網上外賣自取早餐, 返到公司先發覺在餐廳拎錯人哋份早餐(因為個取單號碼太相似, 6字睇咗係8字) 又擺晒晌個架上面.
結果…我都係落返去餐廳換返自己嗰份早餐. (雖然人哋嗰份正好多).
你哋會點做?
3個讚
我未試過
我諗我會食左佢算喇
相信攞返去，人地都係掉左佢
而且，對方冇左佢個份，正常都係餐廳比過一份佢。
雖然唔好意思，但又唔係有心，所以都係食左佢冇咁煩
12個讚
你拎返去人地都未必會食,下次check清楚小心D
7個讚
我試過俾人拎錯咗我份晚餐,我嗌咗三個餸 ，foodpanda 將我嗰份送咗去一個餸嘅 order。
間餐廳整嗰份畀我，我等嘅期間，結果，見餐廳係咁打電話俾個客，但冇人睬佢。
間餐廳應該唔會收番啩？
平時都唔應該。
1個讚
外賣平台個車手送錯左我都試過，但2份早餐對2份早餐，我照食就算
我懶, 我一定食左佢就算.
照食
照食，換返都唔敢食啦
1個讚
我早兩日都係，但我返到公司先知
我已經唔知係間嘢執錯，定我拎錯 
不過我如果打開左就唔會退
3個讚
拎錯就算啦, 除非果樣嘢你唔食啫
其實人地點做唔重要，最緊要自己心安理得
2個讚
照食，攞返去安全衛生起見都唔會畀返原本個客，加上可能個客已經攞左新整嘅走左。
不過樓上講得啱，自己心安理得就得。
3個讚
我相信就算收返都係掉
況且而家所謂疫情時刻,咁樣遊咗一轉花園相信冇人會接受
1個讚
我會照食
個客知道畀人攞過返去打開過都唔會想要
點知係咪真係安全冇掂過
1個讚
想請問你係返落餐廳擺返喺個架到？
不過就算你俾返間餐廳，都唔排除啲staff貪方便，照將你份開過同凍咗嘅早餐照比客食
我係你，為咗排除上面呢個可能性，我唔會俾返間餐廳
除非我真係好想食返我原本個早餐，咁我係為咗爭取自己嘅權益去換返個早餐，而唔係為左大愛/好人
1個讚
我畀返個經理. 唔知佢會點處理.
咁我都會拎返去換嘅
我會食左佢啊, 因為都出左拎左
就算你比返佢, 安全問題佢都唔應該比返個客
所以正常佢都應該係掉左佢