岩岩生左一星期到 順產 個傷口仲腫痛 行都行唔到 坐又坐唔到 只可以側瞓
新手父母，bb好易餓 夜晚又好難訓 開頭都堅持埋身左幾日但係成日都覺得佢食唔飽所以會埋身加奶粉 但可能姿勢唔正確 損左 而家變返全奶粉 但係唔夠兩個鐘之後開始喊要食奶。餵唔到母乳下面傷口又痛 導致喊咗幾日 好無助好辛苦
想試吓用泵 唔知係個泵吸力唔夠定係我真係未夠奶水 
唉 已經日日飲炒米茶同湯水 真係冇晒辦法 好想喊
2個讚
唔好介意係人奶定奶粉，有乜餵乜。人奶係好，但太堅持會令你好大壓力好辛苦，對bb都唔係好事。我哋個個都係奶粉大，咪一樣健健康康肥肥白白。做媽咪係長久戰，要鬥耐力，適當時候要有取捨，先可以做個身心健康嘅媽咪
13個讚
有家人可以幫幫手嗎？
傷口痛仲要行黎行去，沖奶粉，洗奶泵之類，辛苦了
心情放鬆唔到都會影響上奶
新手爸媽唔易做，要欣賞下自己既努力、堅持
我覺得可以逐樣問題解決，請問樓主目前最想解決既問題係咩？
1個讚
我都試過傷口痛，坐泵咗一半嘅水泡先唔痛
1個讚
朝早有陪月幫一幫叫好啲，但餵奶方面成日想我餵人奶 真係無能為力 心又難受
傷口痛左成個禮拜都冇好轉 成日打側瞓一邊 導致宜家腰酸背痛
係度呻完有人支持下個心情冇咁唔開心
成日聽人講捱到BB滿月就好啲
希望真係 
- 媽媽, 你放心都得喇, 呢度大把媽媽都經歷過你嘅階段, Worst過你嘅情況都有, 唔駛咁大壓力住
- 初生真係唔夠兩個鐘就會喊, 我小朋友嗰陣最鍾意相隔一個半鐘就要食奶, 我多數都會抱吓佢, 希望分散吓佢注意力, 拖得一陣就一陣, 如果唔得, 佢喊得太淒涼, 就早10分鐘俾佢喇, 同埋觀察吓, 佢可能唔夠食呀
- 情緒好影響奶量, 你越唔開心, 就越冇奶奶, 聽吓歌, 睇吓戲放鬆一吓, 我每次埋身或泵奶, 都會煲笑片, 或聽歌
- 明白呢段日子係要捱嘅, 我依家聽返當初用嚟氹初生b嗰d baby lullaby 都會打冷震呀, 但真係見到佢識笑, 有互動就咩都唔記得架喇
如果痛到坐唔到餵ＢＢ，可以試下側身瞓著餵，其實一個幾舒服幾正既姿勢。
乳頭損，唔好諗到太灰（因為仲有石頭胸乳腺塞呢啲真係慘到想死），餵前清潔一下乳頭，餵完再清潔乳頭後，唧少少母乳搽番乳頭自然風乾，應該會有少少幫助。
或者下次去健康院叫醫生開支藥膏俾你搽係損咗既乳頭。
你生咗一星期，ＢＢ仲係初生B，佢地飲奶係飲得好密架，1-2個鐘就要埋身一次，同埋ＢＢ啜得密可以剌激造多啲奶。所以你ＢＢ唔夠兩個鐘喊要埋身係正常。
只要捱過頭1-3個月就得。
仲有唔好諗到餵奶粉係有罪，係BＢ初出世我都有餵過奶粉，因為個時頭半個月我要日日抱埋BＢ去健康院，醫院照燈去黃疸。
新手媽媽一開始都係咁，加油！
真係唔好太勉強自己要餵人奶，奶粉寶寶一樣肥肥白白健健康康，媽媽精神好先係最重要！
奶頭損左可以試下搽羊脂膏、或者自己嘅人奶，好快好
陪月都幾盡責，有鼓勵你盡力餵母乳，過後你或會感激佢
餵唔到都唔洗迫自己
決定繼唔繼續餵，會經過無數掙扎
相信自己，你會識得為bb作最好既選擇
腰痛方面，我冇乜經驗，兩邊輪流訓下，或搵枕頭/cushion墊下腰？
生完一個星期，無奶係好正常（窮媽路過揮揮手～），其實你已經做得好好，有試過埋身餵bb，如果你暫時埋唔到身，奶量又唔太多，泵的話可能效果都麻麻，可以試下手擠keep住奶量先，之後身體好返先追奶量（我滿月先泵到30ml，兩個月追到全人奶，所以係有可能做到架），當然都視乎你自己想唔想繼續餵，唔想的話餵奶粉都無問題（我放完產假返工唔受泵，即刻跌奶量，bb要有補奶粉），最緊要happy mom happy baby
照顧bb之餘都要好好照顧自己丫
唔一要要人奶啦 大把人奶粉大 都係咁啦
你同我3年前一模一樣，我當年都係極度崩潰。
不如換個角度睇，其實我同你呢種，係好正常嘅人類。想喊就喊，想鬧就鬧，你已經做咗人生最叻叻嘅事！勁呀！
奶？係d高舉母乳人士唔認知人人有別，狂洗人腦囉～
抑鬱唔會有奶囉～搞掂抑鬱先講呢個問題啦！
利申我個b係天生唔會啜奶，唔會係其他mama講咩嘢多d奶咩咩～佢地唔會知人地難處
最緊要係自己身心健康排第1！！！！記住！
我就咁樣做mama，仔3歲，極度健康快樂。
1個讚
你同我當時都差不多，想餵人奶，但又唔夠，乳頭又損哂又痛。作為過來人，我想講呢啲唔急得架，慢慢黎，bb唔夠人奶，我最後開左奶粉俾佢醫肚先，另外買左隻羊脂膏厚敷乳頭，整返好乳頭先，又試下泵奶，泵得要regular啲，同埋勁飲水飲湯飲炒米茶，最最最緊要係要休息，咁先有奶架~
點樣可以兩個月追到奶
個陪月幾好喎，我果個就係咁叫我唔好埋身餵
要泵出黎俾佢餵
我陪月走左先轉全埋身
唔洗擔心自己唔夠奶：
- bb會幫你追奶，佢啜得多就越來越多奶
- 唔想餵人奶咪餵奶粉，最緊要媽媽同bb都輕輕鬆鬆心情好
如果餵人奶記得食返supplements!
呢個係supply同demand嘅問題，我係全埋身feed on demand，bb啜得愈多，身體就會知道唔夠奶要造多啲，有啲泵媽會用power pump，原理一樣
我bb係奶粉b
都一直在長大
唔好拘泥於人奶定奶粉
邊個阿媽唔想俾最好小朋友
以前年代就話奶粉好
而家年代就話人奶好
真係潮流黎ga jei
同埋有小朋友仲有好多唔同壓力
有長輩，金錢，人力
可以唔理住就唔理住
盡量照顧好自己
先有力量繼續照顧bb落去呀